والله قهر من جد شيء .............

[صـــقــر شــمـر]

الأشياء التي ترفع الضغط كثيرة


ومنها مايلي


* أنك تشرب ببسي حار



* أنك تصلي وأنت لابس شراب مشقوق



* أنك تعطي أخوك سيارتك ... ويرجعها والتانكي فاااضي



* أنك تدخل المسنجر .. وما تلقى ألا اللي ماتبيهم



* أنك تـتـفاهم مع رجل امن سعودي



* أنك تناظر مباراة على الأي آر تي وأنواع الحماااس وفجأة ينقطع الاشتراك



* أنك تلعب كوره وأنت حافي .. وتشوت غطا البياره



* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار



* أنك تعطي جوالك لواحد ويرجعه لك والرسايل محذوفه



* أنك تقوم من صباح الله وتروح للجامعة تمشي مليون .. وتلقى الدكتور معتذر



* أنك تقوم الصبح وتلقى معجون الأسنان مخلص



* أنك تـَـشرق بالماء



* أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه



* أنك معك حزام أسود بالكاراتيه ويدعسك أفغاني



* أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون



* أنك تسبح .. وأذا خلصت ماتلقى المنشفه



* أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد



* أنك تكتب موضوع طويييييييل ... وأذا جيت ترسله يطس .. مدري وين يروح



* أنك تكلم ويدق عليك واحد ويلقاك أنتظار ويقطع



* أنك تروح الحلاق وينتف شنبك



* أنك تغص ولاتلقى أحد يطق ظهرك



* أنك تتفرج على اجتماع دول مجلس التعاون الخليجي




* أنك تشوف فـلم .. وواحد جنبك يقولك القصة



* أنك تمسك خط وتلقى ذباب بسيارتك و تفتح الدريشه ولا يطلع



* أنك تدخل حمام ماله قفل



* أنك تاكل حنيني بارد



* أنكم تلعبون كوره بالبر وتطيح عارضتكم ( باب القوووول )



* أنك تسوي فيها متابع مع الدكتور وتتوهق ويسألك سؤال وماتقدر تجاوب




* وانت متحمس لما تجيك رسالة ولما تفتحها تلقاها فاضيه

صراحه ماتقهر وترفع الظغط

اعذروني طولت عليكم

[ابتسـ ألم ـامة]

هلا وغلا صقر شمر


والله قهر


أن تكتب موضوع وما تلقى عليه ولا رد


صح يا صقر



موضوع لطيف


وبالفعل تلك المواقف


قهر × قهر


يعطيك العافية


دمتم بود


وعلى الخير بإذن الله نلتقي


كلمــات مــن ذهــب

تمسك بحبل الصبر في كل كربةٍ فلا عسرَ إلا سوف يعقبه يسرُ

[ابو سلطان]

اقتباس * أنك تمسك خط وتلقى ذباب بسيارتك و تفتح الدريشه ولا يطلع

اي والله قمة القهر ذي
والمشكله لوتفتح الدرايش كلها مايطلع هالذباب


تسلم صقر شمر

[Brief Heart]

هلا وغلا

صقــــــــر

كل ما قلته صح ويقهر من جد وخاصة

اقتباس أنك تشوف فـلم .. وواحد جنبك يقولك القصة

ياهو نشبه هذا .. ودك تصفقه على وجهه عشان يسكت

اقتباس وبالفعل تلك المواقف قهر × قهر

لاهلت ياخوي

[طليفيح]

* أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه

تقهرررررررررررررررررررررررر لا وبعد يجي الي ضدك ويكسبها من اول مرة


* أنك تلعب كوره وأنت حافي .. وتشوت غطا البياره

ياشينها شيناة انا حكت رجلي با لارض


يعطيك العافيه صقر شمر