قصيدة للشاعر المبدع دائما سعد بن علوش
أتمنى تعجبكم
النفس خزنة ملك.. والحزن قاطـع طريـــــــــــق **** والجرح؟ .. يوجر عليه المسلم اليا أحزنـــــه
وأنا من العام .. وآنا أشعر بيبسان ريـــــــق **** يفرج سجينـي مـع عينـي وأرد أسجنــــــــــــه
من بين طيّات صـدرٍ شـل مـالا يطيــــــــــــــق **** لاجاع حزنه؟ .. تعشّا جروحـه المزمنــــــــــه
مجسّم أنسان مـن داخـل رمـادة حريـــــــــــق **** وقودها المغريـات .. ونفسـي المؤمنـــــــــــه
أحياناُ.. أبكي من الخشيـه لحـد الشهيـــــــق **** وأحيانـاُ أقبـل علـى الآذان .. ولا أذّنــــــــــــه
ماعاد.. أنا.. أيّاي.. يلله لاتخلّـي عويــــــــق **** عاقتبه عيون روس مدلبحـه .. وألسنــــــــــه
كتـل هوامـش بشريّـه .. تنـام وتفيــــــــــــــق **** رديان وحتّى الردى .. بالظبـط .. ماتتقنـــــــه
لاكن على كل حال الطلـق يبقـى طليـــــــــق **** لو عاينتـه العيـون .. وضدّتـه الأزمنــــــــــــه
عذر السنافي معه والعـذر حبلـه وثيــــــــــق **** و حـس رعبوبتـه .. والاّ جفـا موطنــــــــــــــه
رعبوبتي,,, ياوجـودي ياغـلاك العتيـــــــق **** عنه مكـانٍ لقيتـك فيـه عامـا .. عنـــــــــــــــه
يوم الشجر صاير ..لوجهك مشجّع فريــــــــق **** من وين ما أفترّ.. تتغيّـر معـه الأمكنـــــــــــه
للحين باقي بدربـه مـن رحيقـك رحيـــــــــــق **** وللحين أيتمتم حكينـا العـذب .. ويدندنــــــــه
يوم أنّي أشّر على صدري وعينـك تويـــــق **** وآقول أنتي هنا .. وأتقولي .. أنتـا هنــــــــــه
الهاء .. فاآخـر كلماتـك بصـوتٍ رقيـــــــــــق **** تشطب على برمجة سمعي .. وتستوطنـــــــه
منتي بشر جعل من جابك .. ضحيّة زريـــــــق **** شارعـك يحسبلـك بالأمتـار .. يامفتنــــــــــــه
اليا أنتصفتيه؟ يضيق .. وكل ماله يضيــــــق **** كنّك ..كوكايين .. وأرصفته خشم .. مدمنــــــه
رعبوبتي؟ .. ماخبرت أنّه تحـرّك طويـــــــق **** شاعرك مجنـون خلقـه والشعـر جنّنــــــــــــــه
قوليلهـم ينتهـون ولا يطـول الزعـيــــــــــــق **** الميسـره ميسـره .. والميمنـه ميمنــــــــــــــه
وقوليلهم للعراقه .. راس صبـيٍ عريــــــــــق **** ياكـم سـرٍ يعرفـه .. بـس مايعلـنــــــــــــــــه
أتنوخذ البحر .. ولا أرسي ..بجال المضيـــق **** والشي بالشي؟ .. لاعيبـه ولا أستحسنــــــــه
الاّ الرفيق اللّـي يستغـل طيـب الرفيـــــــــق **** هذي اللّي ماهيب مقبولـه ولا .. ممكنــــــــــــه
ياصاحبي؟ كان لك مال الشقيـق الشقيـــق **** والحيـن جمّـع بقايـا مامضـى وأدفنـــــــــــــــــه
وياقلبي اللّـي وساويسـك تنجّـي غريـــــق **** الله لايصـغـر أبليـسـك .. ولا يلعـنـــــــــــــــــه
ماهو فخر في سنه .. تعرفلك ..أمية صديــق **** الفخر ؟ تتعرّف بصديـق .. لميـة سنـــــــــــه
ياعيني عليك ياابو جابر
اخوكمـ نصراوي ,,
ودمتم سالمـين 
العرض العادي
