هاضت خوافي الفكر وأبديت صافيه
..................................وخطيتها ببيات والسد باحي
والوقت شان وبينت لي خوافيه
...............................وعجزت اعدل فيه عوج الرماحي
ياوقت ماترحم غريم ٍ معنيه
....................................أرحم محب ٍ لظلم الليل ناحي
ياوقت لي قلب ٍ يبي شوف غاليه
............................متى على الله ياليال الملاحي
من شاف حالي قال ربه يقويه
............................ واخاف يمحيني من الارض ماحي
سبة وليف ٍ في وريدي مجاريه
...............................ومن سبت الغالين طوّل مراحي
يجمع من اوصوف الجوازي مواريه
............................وصف الهنوف اللي زهت بالوشاحي
ابو جبين ٍ للقمر قطعت ٍ فيه
..............................يابارق ٍ يبرق من الغرب لاحي
ابو جديل ٍكنه اسود لياليه
.............................شيهانةٍ راحت ترف الجناحي
ياليتني دفتر تشّله أياديه
............................و ليتني عطر ٍعلى الخد فاحي
او ليتني دايم بدربه وأباريه
.............................أو ليتني ابرى لطير الفلاحي
خلي غدير ٍلاضمى القلب يسقيه
.............................واشرب انا صافيه حلو ٍ قراحي
ياماس يالولو يامسك ٍ وتيه
...............................يازول لا شفته يزيد ارتياحي
لا قلت انا ياهيه ردت يالبيه
............................كنه على السرجوف ثلج ٍ وساحي
ياوقت خل الزين يرجع لشاريه
................................ياما شربت السم منك اذحاحي
ياوقت حد الرمح كبدي تعانيه
..............................وان ماكفاك الرمح جوّد سلاحي
ضيم ٍ بنى قصرٍِ وشيد مبانيه
...............................ولا قويت الضيم والحيل طاحي
يامن لقى خطي لخلي يوديه
.................................أو يرسله مع مهب الرياحي
حتى يعرف اني من الناس هاويه
..................................ولا عشق غيره من الناس صاحي
وأرخى القلم خطه وبانت معانيه
....................................وأطلب عسى ربي يزيد انشراحي
العرض العادي
