قصة المواطنة عجايب مع منظمة العمل والعمال ..!!

[عجايب]

[align=center]

السلام عليهم جميعاً


كريم رمضان


وعواده من عساكم




يالربع ... تعرفون اندونيسا جاهم بلا ...

ايه


يقولون بتصير رواتبهن 800 ريال . يعنبوهن .. بيشفطن الراتب ..

وبنقعد نتسلف منهن أخر الشهر


يهبن ..


عاد قررت الحكومه أطال الله عمرها .. إقامة السعوده..

وجعل بنات السعوديه يخدمن شعب السعوديه >> ياروحي يالوطنيه


وكلنا سمعنا بهالخبر




عاد الله يسلمكم يوم قلته لأبوي .. قال ابوي ..


حنا ماوديناكن تقهون بغرفه عند خوياتكن .. تروحن ترقدن وتمرحن بببيتهن


قلت عاد اسمع يالشايب ياللي ربي خالقك ابوي

: الحكومه لا قالت شيء .. انت وانا مانتكلم .. لا تعرفني ولا اعرفك


مير انا علمتك كعلم ماني اقولك ان الحكومه تبي رايك ..


لبى والله قلبك .. > وش عقبه .. ؟ << يعني كلمه تنفعنا للزمن :d:





وعقب ماسمعنا هالخبر بيومين ثلاثه مدري يوم ..


ويدق بيجري .. بسم الله خير اللهم اجعله خير .. وأروح لأقرب دكان

وأطق الرقم اللي طلع لي على شاشة البيجر >> هوااا روح يامجروح ..سفيره

الو .. السلم عليكم .. وعليكم السلام .. داقين علي ؟ ..اي نعم ..


خير ؟

قالوا معك .. منظمة العمل والعمال المدنية بالرياض >>

قلت حياكم الله ..


قالوا ..: يسلم عليك .. معالي الوزير ويقول تعالي لمكتبي بكره ..


وطوط وط وط ط


الو ياولد ياعرب ..


خلاص المساله أمر مو طلب ..


واروح لأبوي .. وكيت وكيت .. وعلمته السالفه ..

قال لحظه شوي


(( راح يغسل يدينه مني .. :d: ))



ويومن صلينا الفجر وحنا نغبش على ددسن ابوي ... مشغلين .. الرديّه


ونلبق عند مبنى الوزاره .. قال ابوي اقعدي لا كان فيه اوراق باجيبها لك ..


ويوم دخل عليهم وهو يقولون .. : لا ياخوي رح جيبها تدخل هنا

ابوي ضاقت بعينه الوسيعه .. ومسكن بيدي


والله ويدخلوني ذاك المكتب الوسيع ... اللي مسفيه الله ..


الطاوله .. تقل كبر أرض ابوي اللي باعها العام ...

والكرسي ..تقل سرير مو كرسي ...


والسراميك .. ودك ماتمشي عليها ... تقل بيتكسر ..

وان اجر ابوي


يبه هذا السراميك اللي تقوله امي .. مركبته ام سالم ...

وابوي ماهو صوبي . شايلن الدنيا على راسه . >> لأني معه

وكل شوي ينشدني انتي مسويه شيء ؟

وانا اقول : اعتقد لأ >> تعتقد .. لأنها ماهو واثقه بتهوراتها



ويوم جا الوزير .. >> تمون


قال اسمعي ياعجايب ... انتي يمكن سمعتي .. بالوضع المكركب .. اللي صار مع اندونيسيا بسبب

زيادة الرواتب .. واحنا معارضين .. بس نبغى نسوي تجربه وهي اننا نختبر قدرة بناتنا السعوديات
من باب ( زيتنا في بيتنا ) او ( دهنا في مكبتنا )


وانتي ياعجايب دايم تقولين بمواضيعك >> ياهوه ياعجبجب الوزراء تتابع مواضيعك :thumb:


دايم تقولين انا مرتن فاضيه وعاطله بقراطيسي والنصيب شافتس وانحاش

والقطار يوم مر من عندك دق ريوس :a:


عاد قلنا مافيه الا انتي . نجرب عليه . هالتجربه ..


وكل شيء تحت امرك .. الشرطه .. والهيئة .. والدفاع المدني والهلال الأحمر ..


انا حسيت اني باصير وزيرة على هالخدمات مو عاملة منزليه >> تجبر خاطرها بالمصطلحات



قلت أعتمد .. وأزهلها ... وأبصم لك على العشره .. وغيرك ماطرى ياشوق ..


قال خلاص كل اسبوع ببيت .. لابد تمرين على بيوت متنوعه ..

من حيث العدد والسن والحاله


قلت ابد أعتمد


من بكره قال : اوكيه ...



ونبدأ الشغل ...



أول بيت بدينا الشغل فيه ..


كان عباره عن بيت عجوز قاطينها عيالها بشقه معها شغاله اندونيسيا .. وراحت شغالتها


-----

طق طق طق سلام عليتس يام سعيد

وهي ترتاع العجوز .. بعذرها من زمان عن العرب وعيالها

قالت : من ؟

قلت معتس عجايب .. بنت الشايب ..

باقعد عندتس اسبوع .. واللي تبينه انا اسويه لك ابشري بسعدك بس ..


وهي تبتسي .. >> دموع السعادة والأطمئنان


قلت وين عيالتس .. وهي تعلمني قصتهم وقصه عقوقهم فيها

وانها ماتوشف منهم الا طرف غترتهم عند الباب لاجو يعبون الثلاجة ..


قلت متى يجون . وهي تقول بكره بيجون قلت ابشري بسعدك ..


ان ماخليتهم يركعون لتس ماكون عجوبه


قالت : لتس الخيط والمخيط يابنيتي انا تعبت

ويوم اصبحنا وحان موعد وصول ولدها وانا اتبرقع .. واشد حزامي .. واجي وراى الباب

ويوم فتحه وحط الأكل بكل الأنواع ..

قال من ورى الباب ( مستعجل ) : يمـــه جبت لك كل البقاله .. كل شيء تحبينه ..


قلت انا : جعلك مانت قوي .. ولا كثر الله خيرك .. حتى لو تبني المخازن الكبرى بالبيت


وهو يراعي لمصدر الصوت :a: ويشوف ان اللي يحتسي ماهي امه ..


ويبدأ الصراع اللفظي وبكافة المصطلحات المستخدمه قديماً وحديثاً ..


حتى انتهى بي المجال عند ابوي .. نحو بيت اخر .. :d:




=====

البيت الثاني


كان بيت كله بنات .. ابوهن ميت . وامهن كبيره بالسن .. بنات شقرديه :d:


بس على صح :thumb:

وانا تقل طايحاتن علي من السماء .. لا راحن كشته معهن ..

لا طلعن للسوق وراهن .. ولا اعرست خويتن لهن .. يالله ..

وفي اثناء الصرقعه والخبال .. وقفتني وحده منهن قالت : الأخت في الله ليه جايه عندنا ؟

قلت : تجربة العماله السعوديه n)

قالت : يعني وين فيه ؟

قلت بالبيت n)

قالت يالله روحي للبيت .. عند ماماتي


وانا انقهررر قلت لا .. ابي السوق معكم .. ونقعد نتحالف كلن يحلف على الثاني

وينتهي بي المطاف كسابقه عند ابي ..




اذكر اني مريت على بيت كله عيال ..

وصارت هوشه على التتن والصلاة ..


واذكر اني مريت على بيت .. طقاقات .

وأحرقت طيرانهن .. ولا عرفت أضبط شاهيهن >> وش اسوي هوو ؟؟





الوكاد اني طلعت بشهادة راسبه في التجربه مع مرتبة الشرف


واعلن بعدها الوزير في جريدة اليوم



وقالوا : نعطي أندونيسيه الفين ولا تشتغل عندنا سعوديه ..






عاد الكرف والله بيجينا برمضان مير جعل ربي يواجرنا ...ولا يحرمنا الأجر

ويهدينا .. ويعفو عنا وياكم ولا يجعل لنا ذنب الا غفره .. ذبحتنا هالدنيا

والوزاره ماطلعت الأسماء جعل تطلع روح شارون ..


كل هذا علشان مايصرفون رواتب برمضان .. !!


لاحول ولا قوة الا بالله



كل عام وانتم بخير ..


والله يبيحكم ويحللكم ..


ويتقبل الله طاعتكم



وزااااااانــــت علومكم ..



لاهنتم ....,,,’’’[/align]

[أحمـــد]

هلا هلا هلا عجايب ..


تري ماكملت الموضوع وطالع الحين بس لي رجعه ان شاء الله ...


مو تحسبيني متكي مثل المره الاولى تحسبيني ست ساعات اتهجا قصتس

اسمي بيظل موجود تحت <<< يشرح لها خخخخخخخخخخخ





برب





سلاااااااااااااااااااااااااااااااااااام

[عجايب]

8

8




لا لا خبرك عتيق صرنا محترفين ....


ننتظر نكستك وعودتك هونيا ....



سي يو *!^

[kl_al7b]

قصه عجيبه ياعجايب

والله انك حفله بدون كراسي

دمتي بود

[عجايب]

8

8


دمت برضا

الحفله والله حضورك > ماتدري وش تقول



سي يو *!^

[نجم]

هلا عجايب

مشكور ع القصة ..

[عجايب]

8
8

حياك الله يالنجم ماسوينا الا الواجب >> فاهمه غطأ :(


حياك ..

[حنين]

رووووووووووعه ياعجايب

فعلا ابدعتي


جعلنا مانصير شغالات

[شمس العمر]

ابداع بلا حدووووووووود
الله يعطيك العافيه ياعجايب
((الحمد لله إن امي وابوي سعوديين))