السلام عليكم ورحمة الله وبركاتة
هذي قصيدة أعجبتني للشاعر (( ضيدان بن قضعان))
أرجو أن تحوز على اعجابكم......
ياوجودي كل ماهب نسناس الشمال
.................وجد من حده زمانه على اللي مايبيه
وياوجودي كل مااضحيت بمال الظلال
.................لاغفت عيني ولاذقت شيء مشتهيه
وجد من قفى وهو في رجاء كلمة تعال
.................والتفت من عقب ماقفى ولاحد لد فيه
وياعذابي لا دنى الليل من روس الجبال
.................وانتهى يوم من العمر ماعاد ارتجيه
وانتي ابعد من سماء الحلم ووصالك محال
................يابعد من هل دمعي ضحى الفرقة عليه
ياغناتاي لاتحسبين دمعي يوم سال
.................ضعف والا خوف والا كذا والا كذيه
والله اني من رجال يضدون الرجال
.................لاكن الحظ الردي ساق دمعي كل ابيه
والله اني كل مادار حوليك الجدال
...............قمت كن الموت يشر على قلب قبري بيديه
والله ان قدلي وانا اصد لاجالك مجال
...................صدة اللي لاتظايق تذكر قبر اخيه
ومن سالني قلت مدري اذا عاد السؤال
.................قلت لة تكفى سؤالك ترى ماهو وجيه
وش تبيني اقول عن من ترى ذبحي حلال
................والخطاء منها علي صرت احبة واهتويه
عذرها لو ماتعذر مثل واضرب مثال
..................واحد مايعرف الحر الاشقر يشتويه
وان رجعنا للتواصيف لله الكمال
...................لا انتهى ليل المزايين جاتك تبتديه
كنها غفل مع البدو طاوية الحيال
....................مايميز وصفة الا نبية من نبيه
واهني اللي وصلها وذاق من الزلال
...................رشفة مع غفلة الناس من فيها بفيه
واعزتي للي سواتي عشق مالا يطال
...................ويوم طالة ضيع الحلم بين امة وابيه
يااول احلام الطفولة على حد الخيال
..................الرجاء باللي حمل بيت من حملة بريه
حال دونك سيف عنتروتاسع حول حال
.................بثر حول حال دونك وانا ادعي هية هيه
ياللي غرك الحسن واطغاك الجمال
.................والله ان اموت ماشفت لاوصافك شبيه
لو يسام الحسن بجنية وريال
..................مابقى في سوق غيرك ريال ولاجنيه
كيف اهدك للمقادير وانتي راس مال
.................راس مال ومال والمال مايعطى السفيه
حافظك حفظي لعيني ورمشي لك جلال
..................وانتي تشحين بالماء وانا شفي مويه
شايف ظلمك وساكت وطال الليل طال
...................لاتركتي طعن قلبي وانا ماقلت ليه
لو بقى للهيل صبر على فوح الدلال
..................مابقى للقلب صبر على شيء يجيه
كنت احسب ان الغلى زال واثرة لايزال
.................في الحشى ماكنة الا دخيل في الوجيه
ساقني حبك على الموت وسنيني هزال
...............والظروف اقسى من الظلم للعرض النزيه
وانتي تسوقين عقلي على حد الهبال
..................تحسبين من بغى شيء يقدر يشتريه
ولا انا ياوجد حالي وجود مايقال
.................وجد من ضحى بغالية لارضى والديه
ياوجودي اول العمر قبل البس عقال
.................وجد من باع اخر العمرفي رهبة ذويه
ياوجودي كل ماهب صوتك من شمال
.................وجد من حدة زمانة على اللي مايبيه
العرض العادي
