بالخير يهالربع
انا زعلانن من أهل الضحك والفرفشه وجيت ( وطقيت الخيمه هنياا بوجه طليفيح )
تجودو ابي اعلمكم بسالفتن حقيقيه هالمره مهي مثل الاولات
الاسبوع اللي طاف طال عمركم كنت بمنطقة رفحاء
المهم كنا جالسين عند واحدن من الربع وقال تدرون وشو اخر قرار نزلته وزارة المواصلات عندنا
قلت هاه وشو ؟
قال منعو المطاعم اللي على الطريق للي تجي عند المحطات
قلنا زين سوو والله بعضهن مابوه الا التسمم والامراض .
واستانست وقلت بنفسي والله زين هذي وزارة المواصلات به رجا ويدورون المصلحه العامه للناس
كلهم ولا تهمهم المصالح الشخصيه هههههه قمت اتفلسف .
المهم من باتسر مشيت انا وواحدن من الربع للخفجي
وبالطريق لقينا حادث ( الله يستر على المسلين ) وكانت عائله على جيب
المهم قلت لخويي امش لا توقف
قال لا ابي اوقف ( بوه من الشفايه ما الله به عليم )
وقفنا ونزلنا نشوف الناس وكان الحادث توه صاير والناس طايحين برا السياره
وفيه عندهم ناس مجتمعين بس قليل
المهم شفت ولد عمره حوالي 16 سنه يصيح من يده وكان واضح ان الكتف مخلوع
وقلت لخويي خلنا نسعفه . قال يالله
المهم جاب خويي بطانيه علشان نشيله به
وهو يجينا رجال قال ماتشيلونه
قلت ليه ؟
قال الاسعاف تبي تجي ومحد يشيل لين تجي الاسعاف
انتظرنا حوالي نص ساعه محد جاء
المهم قمت اناظر للمصابين ولا شفت بهم رجال الا الولد اللي قبل شوي والباقي حريم
وشفت طفله صغيره مغطينها ببطانيه وطالعه يدها ( كنت اعتقد انها متوفيه )
ومدري وش اللي خلاني امسك يده واشوف نبضه
ولقيت البنت حيه
قلت ياناس هذي حيه
وهم يجتمعون حولي
قلت يافلان رح جب البطانيه ( مايبي يسوي دعايه لخويه هههه )
وهو يجيبه وقبل نشيل البنيه
وهو يجينا اللي قبل شوي قال ماتشيلونه
وهي تندبل تسبدي قلت نشيله غصبن عليك
قال هالحين تجي الاسعاف
قلت لا تجيب لي طاري الاسعاف ترا تسبدي تعفزر من طاريهم الله يقلعهم
المهم شلنا البنيه ووديناه لمستشفى اقرب قريه
ودخلت قلت لهم بالله يا جماعه فيه معنا مصاب
وهو يرد علي واحد بكل بروده : رح ود السياره من عند الباب هذاك حق الطواري
قلت ياخي مافيه فرق تعالوا بسرعه الحاله ما تتحمل
قال ياخي النظام ما يسمح
قلت تشيلونه غصبن عنكم ولا قسما بالله اكسر مستشفاكم على روسكم (مهو بسيط جولان
اذا زعل ههههههه )
المهم جاني واحد وشلنا البنت ودخلناه عند الدكتور
وبعدنا بساعه جت الاسعاف ومعه حرمتين وفيه واحد مواطن معه جيب معه الولد
وقلنا الباقي وينهم قال سواق الاسعاف هالحين ابي ارجع لهم
قلت ليه مافيه اسعاف غيرك
قال بلا فيه عندنا ثلاث اسعافات بس السواقين مافيه الا انا ؟؟!
قلت وينهم السواقين ؟
قال تخبر اجازه ومحد يجلس .
ويوم قاله بغيت ارجفوه بالمغذي بس تعوذت من الشيطان
المهم راح الحبيب يجيب البقيه
وانا جلست عند البنيه الصغيره بغرفه لحاله
ويوم خذيت شوين ليمار هذي لجاجة خويي يتخانق معهم
ويوم جيتوه ليمار غايلن الدكتور
قلت وشبلاك يافلان عليه
قال ياخي هالغبي مايعرف المغذي من البنج وصار لوه ساعه يراعيلهن
ليما جاوه ممرض سعودي وسعلوه .
قلت يابن الحلال اسكت ليما نخلص بس
وحنا نروح انا وخويي يم البنيه ونجلس عنده ودموعنا تصب على منظره اللي يقطع القلب
وواحد يخم الثاني
وهو يدخل علينا شايب قال انتم معهم بالحادث ؟؟ هههههه
قال خويي انقلع الله ياخذ هالوجه يالشايب العايب هههه
مالكم بالطويله نقلوهم يم قريه ثانيه بس احسن منهم
وحنا توكلنا على الله للخفجي
ويوم جاء من باتسر دقيت على الاستعلامات وخذيت رقم المستشفى اللي هم فيه
ودقيت عليه وسالت عنهم وحولوني على واحد مرافق معهم
وسالته عن البنيه الصغيره وقالي ابشرك طيبه
وسالته عن اسمها قال (( انواااااااااااااااااااااااار ))
ووعدني انها تكلمني
وبعد حولي خمس ساعات دق على جوالي وعرفني بنفسه
وقالي انوار تبي تكلمك
وكلمتني ويازين صوتها ربي يحفظها
واخر شي قلت لها انوار تعرفيني
قالت ايه انت اخوي عبدالله
وماكان مني الا اني ادنه خليليه ( يعني قمت اعيط )
وعقب هالمكالمه تذكرت سوالفي مع نفسي اللي باول شي
وتقلدوا تحيتي
انوار
العرض العادي
