اخر المواضيع

اضف اهداء

 

العودة   منتديات الرائدية > المنتديات الإبداعية > منتدى القصص والروايات
 

إضافة رد
مشاهدة الموضوع
 
أدوات الموضوع انواع عرض الموضوع
قديم 27-10-2007, 05:46 PM   رقم المشاركة : 1
أخت القمر
رائدي برونزي
 
الصورة الرمزية أخت القمر
الملف الشخصي







 
الحالة
أخت القمر غير متواجد حالياً

 


 

مذكرات بدوي يدرس في امريكا

جايبة لكم قصة كفاح لشخص عاش حياته في الربع الخالي وهي قصة حقيقية ومو خيالية والله ذكريات حلوة فيها مواقف تضحك من جد ومواقف محزنه ومواقف

خلوها مستورة........................

وتخيللللوا من الربع الخالي لأمريكا (طبعاً انتم بتطلعو اذا قريتو القصه بشيء والله عمركم ماحسيتوة بس سمعتو عنه) وانا بقول لكم على نهايه القصه انا بأيش طلعت...

مابدي أحرق عليكم القصة

وعلى فكرة القصة اللي كاتبها الشخص نفسه صاحب الذكريات


بس ترى بدي أنزلها على حلقات(لاتزعلو لانو القصه تستاهل )

[طبعاً منقوله من أحد المنتديات]

بسم الله نبدأ>>>>>>>>>>>

الحلقة الأولى والثانية

صحراء….بيوت شعر…… 270 راس من الغنم……34 راس من الابل ….(الله يشرفكم) كلبين لزوم الحراسه…..وايت ما قديم لزوم تموين الجماعه بالمويه……الموقع في الربع الخالي …..مجموعة عوايل بدويه جدا، تنتمي الى قبيله عريقه من قبايل الجزيره ساكنين في ها الجزء الصغير جدا من فضاء الربع الخالي مثل ما ذكرت. في لهجتنا البدويه البحته نسمي مجموعة الناس اللي تعرف بعض وساكنين في نفس المكان في البر نسميهم (جماعه). ولدت في البدو وعشت وربيت……الغريب جدا ان ابوي الدكتاتوري القوي جدا وافق اني ادرس رغم اني اصغر اخواني الاربعه اللي يعتبر اكثر واحد مثقف فيهم خريج صف ثالث ابتدائي مكافحه. انا درست وما راح اقول لكم المآسي والبلاوي اللي كنا نواجهها بس على شان نروح او نجي للمدرسه ، ما بالكم بغيرها . على العموم خلصت الثانوي-علمي، واللي حولي كلهم كانوا يقولون اني عبقري وفعلا خلصت الثانوي بتقدير امتياز وكانت النسبه 97 في الميه. طبعا النتايج اخذناها من المدرسه بعد كل الناس ما خذوها اللي بالتلفون واللي بالجرايد وغيرها. النتايج كانت تظهر في الجرايد واكثر الناس تقريبا تعرفها منها ، بالنسبه لنا ما نعرف شي اسمه جرايد ولا نعترف بها ....طبعا ممكن تقيسون على هذا باقي وسايل الاعلام مثل التلفزيون اللي كان جدتي الله يرحمها اذا جابوا طاريه الناس اللي يجون من المدينه كانت تسميه (النصراني).....الراديو او الرادي مثل ما نسميه كان هو الوحيد الموجود......رادي روسي قدييييييم مره وكان موجود بس عند واحد من الجماعه يشغله للصبح على شان يسمع الناس القرآن. واحد من اعمامي كان هو الوحيد اللي موظف في المدينه وكان يروح لشغله(كان يشتغل خوي فى الاماره) اسبوع ويجينا سبوعين وكان عنده سياره حوض وكل اسبوع اذا كان موجود ياخذ الشيبان ويروحون يصلون الجمعه وكان يمر على الاماره ويشيل كل الجرايد اللي هناك لأن اكثر الناس ما تاخذها ويجيبها ...طبعا ماهو بثقافه والا زود علم لانه مايعرف يقرا اصلا بس كان جزء منها نفرشه سفره والجزء الباقي تاكله الغنم (تصدقون.....يعني غنمنا مثقفه اكثر منا)....نتيجة الثانوي كانت في بعض ها الجرايد ومع ذلك ما درينا عنها. ذاك اليوم يوم اني اخذت النتيجه وجيت اول واحد قابلته ابوي قلت له(يبه يبه ابشرك نجحت بممتاز) عارفين وش قال لي ....قال : بركه افتكينا من هالدراسه ....يالله يالله خلنا نروح نجيب (الفاجر) من عند فلان. انتهى كلام ابوي.....طبعا الفاجر هو اسم بعير كان الوالد يعزه كثير وبدون مبالغه كان يعزه ويعز بعض الحلال اكثر منا حنا يا عياله. على العموم قلت له ابشر بس خلني اسلم على امي ودخلت وسلمت عليها وعلى خواتي وبشرتهم ......قالت امي بسوي لك براد شاهي (جايزة النجاح)....الشاهي في ذاك الوقت كنا نعتبره شراب الارستقراطيين لان وجوده كان نادر جدا وكانت القهوه العربيه هي المشروب الرسمي....الاكل طبعا كان بسيط ثلاثه او اربعه اشياء رئيسيه تدخل في عمل عدة اصناف ...الاشياء الاساسيه هي :البر...اللبن...اللحم...
التمر(الرز ما كان موجود بتاتا مو لان حنا ما نعرفه بس كنا ما نحبه) . على العموم رحت مع الوالد ورجعت بسرعه وطول الطريق رايح جاي وانا تفكيري في الشاهي.....(لاحظوا
>واحد مخلص ثانوي علمي وجايب ممتاز ويفكر بس في الشاهي.....‍‍‍‍‍‍‍؟؟؟) .....رجعت حصلت الوالده والبنات جهزوا الشاهي وسووا خبز البر على الصاج.....وقمنا نشرب من ها الشاهي ونغمز من ها الخبز ما راح اقول لين شبعنا بقول لين خلصناه......طبعا شاهي الباديه دايم يسوونه على النار ويزودون السكر لان الاكلات الحاليه عندهم قليل جدا....وطبعا شاهي امي كان (عسل مره) من كثر السكر......وذاك اليوم طبعا قضيت اكثر
الوقت خارج البيت ماهو لاني ابغا اتمشى ولا فرحان بعد الامتحانات لا والله من المغص
اللي ذبحني بعد الشاهي.......................ب كره اكمل لكم واقول لكم وش صار يوم قلت
للوالد بروح ادرس في مدينه ثانيه قال.......

يا حلووووووووووووين ابغى اشوف ردودكم عشان اتحمس واكمل ولا ترى أزعل







رد مع اقتباس
قديم 27-10-2007, 06:37 PM   رقم المشاركة : 2
شمس العمر
رائدي مميز
 
الصورة الرمزية شمس العمر
الملف الشخصي







 
الحالة
شمس العمر غير متواجد حالياً

 


 

Talking

بصراحة أنا متحمسه أعرف وش سوى هالبدوي
ياليت ما تتأخري في إكمال القصة
والله يعطيك العافية على النقل يا أخت القمر









رد مع اقتباس
قديم 27-10-2007, 06:54 PM   رقم المشاركة : 3
أخت القمر
رائدي برونزي
 
الصورة الرمزية أخت القمر
الملف الشخصي







 
الحالة
أخت القمر غير متواجد حالياً

 


 

من عيوني راح اكملها بس اول شي اشوف الردود







رد مع اقتباس
قديم 28-10-2007, 12:56 PM   رقم المشاركة : 4
فهدالقحطاني
عضو مجلس إدارة الرائدية
الملف الشخصي






 
الحالة
فهدالقحطاني غير متواجد حالياً

 


 

تكفين كملي القصة







التوقيع :
اضغط على الصورة لرؤيتها بالحجم الطبيعي




تستطيع أن ترى الصورة بحجمها الطبيعي بعد الضغط عليها

رد مع اقتباس
قديم 28-10-2007, 03:21 PM   رقم المشاركة : 5
ظنا وايل

[ :: شَخَصَيَةَ هآمَةَ

 
الصورة الرمزية ظنا وايل
الملف الشخصي







 
الحالة
ظنا وايل غير متواجد حالياً

 


 

يا هووووووه


ما خلصنا من دعايات باب الحارة وجيتو تكملون هنا



بسرعه كملو القصة


<<< متعلق







التوقيع :
اضغط على الصورة لرؤيتها بالحجم الطبيعي

رد مع اقتباس
قديم 28-10-2007, 05:35 PM   رقم المشاركة : 6
أخت القمر
رائدي برونزي
 
الصورة الرمزية أخت القمر
الملف الشخصي







 
الحالة
أخت القمر غير متواجد حالياً

 


 

تسلمو ع المرور وحاكملها بس بعد يومين لاتزعلو







رد مع اقتباس
قديم 30-10-2007, 02:15 PM   رقم المشاركة : 7
ابوعبدالرحمن
رائدي رائع
 
الصورة الرمزية ابوعبدالرحمن
الملف الشخصي






 
الحالة
ابوعبدالرحمن غير متواجد حالياً

 


 

يعطيك العافيه علي القصه الحلوه







التوقيع :

رد مع اقتباس
قديم 30-10-2007, 07:20 PM   رقم المشاركة : 8
أخت القمر
رائدي برونزي
 
الصورة الرمزية أخت القمر
الملف الشخصي







 
الحالة
أخت القمر غير متواجد حالياً

 


 

الحلقة الثالثة


بعد مشقه ورجاوي وعقُل وشمُغ طاحت بين ايدين الوالد وافق....صحيح اني ارتحت بعد ها الموافقه بس كان فيه شعور باني تايه واني بسافر بدون اي هدف او خطه وهذا شي طبيعي بالمقارنه مع طبيعة المجتمع اللي خارج منه. على العموم الحين جا وقت ترتيبات السفر اللي ما تعودنا عليها ولا فيه احد من الجماعه يعرفها ، بس ها المره جات من الوالد قال لي جهز نفسك على شان تروح معنا للمدينه ونحطك عند ابو فلان (واحد من الجماعه اللي ولده بيسافر معي) على شان يدبرونك مع عيالهم اللي بيسافرون. بيني وبينكم انا ما تعودت على المدينه وعيشتها والسبع ساعات اللي كنت اقضيها في المدرسه كنت اشوف انها واجد ودي ارجع للبر بسرعه (لاحظوا التناقض رغم اني راح اودع البر نهائيا)......رحنا للمدينه وعطاني ابوي فلوس صدقوني ما ادري هي كانت اقل ولا اكثر من حق التذكره ولا لا ، قال عطها ابو فلان يسنع لك السفر. تغدينا عندهم ذاك اليوم وبعدين تركني ابوي وراح وقال بمر عليك بكره للعصر...من الاشياء الزينه اني والحمدلله كنت مقبول من الجميع ما اذكر ان فيه احد ابدى لي عدم رغبته فيني او حقده علي، على شان كذا كنت محل ترحيب مره من هاالناس وكانوا مهتمين فيني (لا تسألوني عن اكلهم لانه كان عجيب غريب علي وكان بالالوان خصوصا الحلويات) تصدقون اكلهم جلست مده اسولف لهلي عنه في البر. حجزنا واخذنا التذاكر والسفر بعد اربع ايام.....ها الاربع ايام كانت مليانه حزن ودموع ومحاولات اخيره لتغيير راي عن الدراسه برا بس انا كنت متمسك رغم اني كنت متأثر جدا خصوصا بدموع الوالده. مرت ثلاثة ايام على نفس الحال ولازم اروح لجماعتنا في المدينه قبل السفر بيوم .....في اليوم الثالث يوم الوداع مسكني ابوي على جنب واسمعوا زين وش قال لي(.....الله الله في الرجله وفي الصلاه والدين وترى ما ودي اسمع انك صرت مدرس (لاحظوا مدرس اعلى درجه علميه يعرفها!) ....بس ماتكرم ضيوفك ولا تساعد اهلك اذا لفوا عليك.....ويلك ثم ويلك لجاني خبر انك فشلتني ولا مشيت في دروب السرسره (الفساد).....وانتبه من اعيال الحرام واذا نمت عند احد لا تنام قبله خله ينام لاول ...ولا
تمشي الا مع عيال جماعتك وعيال الحمايل.........الخ).....نصيحه ذهبيه صح..؟؟؟!!
عطاني مبلغ كان حوالي سبعميه اوالف والله ما اذكر ....امي بعد قامت تحط لي من ها الاكل في الشنطه....ودعت اهلي والجماعه كلهم نفر نفر وخروف خروف على شان (الوالد مايزعل)....ومشينا وكان المشوار مدته حوالي ساعتين وعليها وكان اطول مشوار في حياتي لانه مليان نصايح مالها لزوم...حطوني عند الجماعه في المدينه ......وجا موعد الرحله وكنا اربعه وكنت انا اكثر واحد فيهم كشخه؟؟؟؟؟!!!!! طبعا الحين انا مقبل على تجربه غريبه غير علقات الوالد وتسحيباته والخوف منه ...تجربة الطياره.ما تخيلون انها جاتني لحظه بغيت اغير رايي وارجع كله بسبة الطياره......تماسكت وركبنا الطياره وكنت مبتسم
ابتسامه اخفيت وراها كميه رهيبه من الخوف...اقلعت الطياره وما ادري كيف اوصف
الشعور...على العموم بعد ما ثبتت السرعه جاب المضيف الجرايد وكنا ثلاثه الشباب وانا
جالسين جنب بعض والرابع جالس في مكان ثاني ....وعلى شان انا (ستيك) وما ني بوجه
طيارات حطوني على الدريشه على شان اشوف ....المهم جا المضيف بالجرايد اللي علاقتي بها سيئه ووزعها يوم انه عطانا الجرايد شفت خويي اللي جالس على الممر حط يده في جيبه وانا عاد ما كذبت خبر واطلع فلوسي واقوم احلف ابي احاسب على الجرايد....طبعا المضيف انبهر واخوياي اللي تفشل واللي ضحك....وقال المضيف (يابو الشباب هذي بلاش) طبعا انا فضلت اني اقلب وجهي واجلس اناظر مع الدريشه احسن لاني عارف الجرايد بدت تنتقم مني ......على فكره انتوا عارفين ليش خويي حط يده في جيبه......ابد كان يبغى يطلع سبحته...!!!!!

...نسيت اقول لكم رحلتنا كانت متجهه للشرقيه...وبكره انشا الله نتقابل في الغربه







رد مع اقتباس
قديم 30-10-2007, 07:21 PM   رقم المشاركة : 9
أخت القمر
رائدي برونزي
 
الصورة الرمزية أخت القمر
الملف الشخصي







 
الحالة
أخت القمر غير متواجد حالياً

 


 

الحلقه الرابعه


على العموم مضت رحلة الطياره على خير واكتشفت بسرعه انها ممتعه وتصدقون قمت افكر واسأل الشباب اللي معي كيف الطياره تطير وقمت بعد اتذكر قوانين الفيزيا والرياضيات اللي درسناها....ما طولت ها الحاله كثير ووصلنا الرياض ....وكنت قبل ما تهبط الطياره اشوف انوار المدينه من فوق (ما راح اقول لكم وش كنت اظنها لأنها قويه شوي...!!!!!)....جلسنا في الرياض حوالي ساعتين وبعدين واصلت الرحله في طياره اكبر وناس اكثر وها المره كان فيه بنات يخدمون علينا في الدرجه السياحيه اللي ما دريت عنها الا في سنين متأخره بعد ما ركبت الطياره. رغم ان الرحله من الرياض للظهران كانت اقل من 45دقيقه بس كانت ممتعه جدا....وصلنا الشرقيه الساعه 11 في الليل واخوكم زي الاطرش في الزفه ما غير امشي ورا الشباب وما على لساني غير (بروسكم...فوقها) ماهو لاني بطران لا والله من قلة الدبره. فيه اثنين من الشباب اللي معي لهم قرايب في جامعة البترول وكان فصل الصيف في اخره ورحنا لهم في السكن وجلسنا على قلوبهم بالرغم من فترة الامتحانات اللي كانت في ذروتها وحنا ولا هنا. زي ما قلت لكم لا خطه ولا هدف ما غير مع الخيل ياشقرا....حتى السؤال كنت اخجل اسأل على شان ماحد يضحك على. بس الشباب والله ما قصروا قالوا لي انت معدلك عالي يعني قدامك ثلاث اشيا تسجل فيها ....جامعة البترول...ارامكو (ارامكو فيها نظام ابتعاث لامريكا لدراسة الهندسه والتخصصات العلميه)....والثالث كلية الطب...في جامعة الملك فيصل في الدمام. فكرت في كلامهم وقلت طيب ممكن اسجل فيها كلها واللي يجي يجي...قالوا عادي اذا ما تضارب وقت تسجيل واحد منها مع الثاني .....بيني وبينكم الطب ما فكرت فيه كثير...ماهو لانه صعب او ما اقدر عليه بس لان الفكره عن الطب ان شغلة الطبيب بس انه يضرب ابر ...لا ووين يضربها ...كبدو ننسى او نتناسى انه يضربها في اليد او في اي مكان ثاني ونركز بس على (الفخذ) وطبعا وانا اكتبها لكم فخذ الحين ترى مهذبها كثير الاهل هناك في البر يسمونها اسامي عجيبه غريبه وعاد تعالوا قابلوني لو اني قلت للوالد اني بطلع (تختور) على قوله. عموما ما علينا انا حطيت في بالي جامعة البترول وارامكو وبديت في اجراءات التسجيل وكانت ها الاجراءات في جامعة البترول اقل واخف اختبرنا اختبار القبول اليوم وبكره كانت المقابله الشخصيه وقرارهم بقبولك او لا....وكان القرار بالقبول والحمدلله...بالنسبه لأرامكو لا كانت اختباراتهم طويله ومعقده وتابعتها لدرجة ان الدراسه في البترول بدت قبل ما تنتهي. من المواقف الكثير اللي حصلت لنا في الشهر ونص اللي جلسناه موقف في مطعم الجامعه ....نظام المطعم ان الشخص يدخل وياخذ صحنه وعدته ويمشي وياخذ الاكل اللي يبي من على السير ....بعد ما تاكل مفروض انك تاخذ صحنك وتقطه على سير الغسيل....وطبعا شباب والشغله في روسنا يعني بالبدوي الواحد منا يشوف نفسه (وليده) وشلون انا ولد فلان اشيل صحني ...المهم قمنا رغم ان العالم كلها كانت تشيل صحونها بكل طيب خاطر.... حنا لا قمنا ولا عبرنا احد ويوم صرنا خارج المطعم الا واحد من عمال المطعم ينادينا بكل عصبيه ويقول (لازم انتا في يرجع يشيل صحن...!!!)طبعا كل واحد رد الرد اللي هو والعامل طلعت في راسه ...ما اطول عليكم مدمدناه علقه عمره ما شافها وحطينا ارجولنا ولو احد عرف من اللي سواها والله لا دخلنا الجامعه ولا غيرها....طبعا انا ما اقول ها الكلام وانا اتمدح بالعكس حنا بصراحه كنا غلطانين والف غلطانين وهذي ماهي بداوه ولا شهامه هذي بصراحه تخلف وشوفة نفس على خلق الله.







رد مع اقتباس
قديم 31-10-2007, 12:49 AM   رقم المشاركة : 10
سجين فكر
رائدي ذهبي
 
الصورة الرمزية سجين فكر
الملف الشخصي







 
الحالة
سجين فكر غير متواجد حالياً

 


 

أخت القمر..,,..,,
ماذكرتي الجزء الثاني أبد..,,..,,
مندمج بهـــ القصة..,,..,,
يالييييت لو تذكرين الجزء الثاني من القصة..,,..,,







التوقيع :
اضغط على الصورة لرؤيتها بالحجم الطبيعي

لا تلومه يا ماجد إذا يتأملك من وراك .. في ملامحك كل الذكريات الجميلة

https://twitter.com/#!/sgeenfeker

رد مع اقتباس
 
إضافة رد

« الموضوع السابق | الموضوع التالي »

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مذكرات سكروووب..!! !!سكروووب!! :: منتدى الضحك والابتسامة والفرفشة:: 32 01-02-2010 08:47 AM
قصه بدوي في امريكا الكـــاتمM :: منتدى الضحك والابتسامة والفرفشة:: 13 19-09-2009 03:25 AM
مذكرات ابو انووووس ؟ ياليتك عندي منتدى الشعر المنقول والصوتيات 9 31-08-2009 08:54 AM



الساعة الآن 02:59 AM.

كل ما يكتب فى  منتديات الرائدية  يعبر عن رأى صاحبه ،،ولا يعبر بالضرورة عن رأى المنتدى .
سفن ستارز لخدمات تصميم وتطوير واستضافة مواقع الأنترنت