[poem=font="Simplified Arabic,4,black,bold,normal" bkcolor="skyblue" bkimage="" border="none,4,green" type=2 line=0 align=center use=ex num="1,black"]
واهني اللـي تقـدم فـي اجـازه داخليـه=
شهر من عرض الرصيد ولاتأثر في حسابه=
قدم اوراقـه وسجلهـا ضـروره عائليـه=
مايبي دوخـة دوام ولايبـي احد(ن)درابـه=
من بدايـات الربيـع وبالمطـر لاواهنيـه=
عادته يبهج خفوق(ن)لابتهج يكسب ثوابـه =
جهز العزبه بجمس شد حـروات ضحويـه=
والجماعـه يحترونـه ومحفوفـه بالغرابـه =
مالفى الا الجماعـه يحتونـه فـي مجيـه=
جاهزين بالخيام وكل(ن)محضـر زهابـه=
لمتن فيهـا طبيعـي محـد يخلـي خويـه=
كلهم واحد ولافي مـن يرفـع فـي جنابـه =
حركوا يوم الله سهل وسلكـوا درب سويـه=
محتفيـن بلمتـن واللـي لفاهـم ياهلابـه=
اربع جموس وجيب(ن)كنهم صفـة سريـه=
اقطوا درب الخباري وهزعوا غربي هضابه=
في فياض الله الوسيعه كلهـا بالحمـد ريـه=
فيها من عشب لاونه ينسدح ورع(ن)غدابـه=
والورود اللي تشكل كنهـا فـي مزهريـه=
والعصافير تخالف وقتهـا لحـن وطرابـه =
والخضار الي تقول مفصل بارض زوليـه=
خلقة الله العظيـم وقدرتـه مهـي غرابـه =
وقفوا كل المواتر وانزلـوا بـارض نديـه=
والتفازع بيد وحـده ليـن تموهـا الذيابـه =
ودون ماغاب الشفق تالـي زوال المغربيـه=
الوتد مطقوق بارض لخيمتن مست طنابـه =
يانديبي ماتشوف ان العرب بالعـون حيـه=
يوم شبوا من حطـب نـار لهيبـه يقتدابـه =
جلستن فيها تجمـع تسعـد العيـن الشقيـه=
جهز اصغرهم ثلاثه في وصايفهـن تشابـه=
من معاميل جلبها كيـف طنخـات بدويـه=
تردع اللي ماعرف للمرجله صدر الرحابـه
ركـد بنـار تاكـد مـن سناهـا مستويـه=
فوق منها دلة فـارة علـى مـن رد بابـه =
والقدوع منزلينـه فـي عـذوق السكريـه=
والرذاذ اللي يرطب جلسه بنسمـة ضبابـه =
والبريق اللي تفوح شيحـه ويركـد شويـه=
جاهز لاشـك يتنـى لاتقهـووا دار مابـه =
والقصايـد لاتقهـووا والملاغـز والحزيـه=
والعلوم اللي يونـس ليلهـا جـر الربابـه =
ولاهدا وبل المخايل وارتوى القيعـان ميـه=
جتها من فضل الكريم محملها سودا سحابـه =
ترعد ليا هل مزن يغسـل أثـام الخطيـه=
تبر ق وكن المطر فجر من الفرحه غيابـه =
عزته كلما ذكرتـه وانـا موسـى ماتهيـه=
لاني ماعندي اجازه الا كـان انهـا نهابـه=
ينقضي كـل الربيـع ولاتجينـا الموسميـه=
الا والرطوبه نتمنى فيها لو يومـن طلابـه=
الاجازه ماتعـرف بهـا لرطوبـه اولويـه=
من يشوف الصيف هذا زين مايرمي ثيابـه=
قلت ابي اكتب قصيده والتقط صوره فوريه=
واتبرد من هواها لوني مـن اكـد ريابـه =
المهـم انـي اغمـض واتنـاوش بندقيـه=
من خيالي وابي ارمي من فشق ابو شبابـه=
واتقنص على كيفى وامتطي فـوق المطيـه=
واحضر الراعي واخلي تسرح بجنبه دوابه =
ومستعد ارجع زمـان ماضيـن بالجاهليـه=
والجسد يبقى مكاني وانا في عهد الصحابـ=
بس من افتح عيوني وارجع امسحهن بيديه=
القى نفسي في مكاني وانقل احلامي كتابـه=[/poem]ووووووووووووووووسلامتكم
[/align]
العرض العادي
