يانــــاس هذي معناة ناصر السبيعي محد حاس فيه ! للخفجي خاصه وللسعوديه عامه

[جنون أنثى]

ناصر السبيعي يستنجد من الصين

أحمد الفهد هاتفه وتكفّل بمصاريفه ومصاريف أخيه
عشرات الكويتيين اتصلوا بتلفزيون الوطن لمساعدة ناصر السبيعي
عشرات الاتصالات انهالت على تلفزيون الوطن مساء أمس عقب الفقرة التي قدمها المحامي خالد العبدالجليل التي عرضت كويتيين تورطوا في عمليات علاج في الصين عبر احد المكاتب لكن ما اثار المشاهدين وحرك عشرات الاتصالات من فاعلي الخير الراغبين في المساعدة هو ذلك الاتصال الذي اجراه المحامي العبدالجليل بالكويتي ناصر السبيعي الذي علق في الصين حيث يخضع اخوه الى علاج من غيبوبة تلازمه. وأجهش المتصل مرارا بالبكاء مستنجداً بتلفزيون الوطن والمستمعين، ما حرك عشرات المتصلين، وكذلك الطاقم الدبلوماسي في السفارة الكويتية في بكين.
وقد تمكن الشيخ أحمد الفهد رئيس جهاز الأمن الوطني من الاتصال بناصر السبيعي وتكفل بكامل مصاريفه ومصاريف اخيه المريض.
و«الوطن» إذ تشكر تلك الروح الطيبة التي تعكس معدن أهل الكويت في التكافل والتعاون لتدعو الله ان يديم هذه النعمة ويحفظ بلادنا من كل مكروه.
المحامي خالد العبد الجليل قال لـ«الوطن» عن الموضوع المثار وما واجهه أبناء الكويت، وفزعة أبناء الكويت لهم، قال: لقد كانت ردة الفعل الصادرة من أهل الكويت أروع من أن يعبر عنها، فقد اتحد جهد تلفزيون «الوطن» مع مشاعر أهل الكويت فشكل مزيجاً فريداً ورائعاً تمخض عن تهيئة العدة لارجاع ناصر السبيعي وشقيقه الى الكويت، ويبقى أن تتحرك الجهات المعنية في الدولة لاتخاذ ما يلزم من إجراءات تجاه هذا المكتب المتسبب بالمشاكل كي لا يستمر في مثل هذه الممارسات في حق أهل الكويت ممن اضطرتهم الظروف المرضية لأمهاتهم وأبنائهم للتعامل معه والسفر الى الصين.



"""""""""""""""""""""""""

ياناس الله يجزاكم خير انا بس حبيت اوصل لكم معلوومات بخصوص ناصر واخوووه اللي بالغيبووبه
هذاا الكلام اللي شفتوه الحين ناصر يناس الى الأن يعاني معاناة محد يدري عنه هذا الكلام اللي من الكويت وربي ياناس ياعالم كله إعلام وشهره على حساب ناصر واخووه هالمسكين اللي مايدري عن شي البوص سووا والفهد سووا هذا كله إعلام إعلام فقط عارفين شنو إعلام يعني ناصر الى الأن مو مستفيد منهم بشي وووين حكومتنا وووين قناة الأخباريه ووووين وووين إحنا سباقيين داايم للخير بس وووينهم عن عيالها اللي يقطوون انفسهم في كل مكان يدورون الفزعه ولا حيات لمن تنادي المشكله الكوويت وقناة الوطن والصحف الكويتيه ماقصروا بس حرام ناصر للحين مو مستفيد منهم بشي ناصر يعاني من معاناة اخووه هذي كله من الكويت إعلام وبس محد سوى لناصر اي شي ناصر أخوه الحين قاطينه بمستشفى النقاهه بالرياض وحالته ازدادت اسوء يعني يمكن يوم بالصين اهوون شووي حرام ياعالم والله مايصير ناصر جالس يتكلم في بحر معقوله محد حاس فيه اقل شي مستشفى مثل العالم والناس مو هالقطه اللي قاطين اخووه فيهاا تذكروا ان اخوه وراه بنت وولد الى الأن مو شايف وولده حرام والله حرام وووين حكومتنا ووين المسؤلين وين اهل الخير لا تفكرون وانا من هالتفكير ان ناصر بعد ماطلع بالكويت انه خلاص مو قاصر عليه شي وانه صار ملياردير وربي وربي وربي من مصادر موثوقه ناصر ريال واحد محد عطاه ناصر يعني الكويت اخوها اعلام فقط لا غير مااستفاد منهم ناصر بشي ناصر بس يبي احد يدخل اخوه مستشفى زي العالم والناس اتمنى اللي يقدر يساعده يساعده تكفون يااهل الخفجي ووووينكم !!!!!!!

[جنون أنثى]

معقوله مافي احد يكدر يسووووي شي والله ماتوقعتها منكم يااهل الخفجــــــــــــــي
اكيد فيه اصحــــــــــاب وزملاء لناصر واخوووه محمد معقووله ماتقدروون تساعدوونه او على الأقل تواسووووونه يأهل الخفجي وياجمااعة ناصر وينكم وووينكم لو ناصر مشارك بشاعر المليووون ماكان صار هذا حاله بس الله يجبر بخاطرك ياناصر ويقوووم اخوووك بالسلامه

[أبو علي]

< بسم الله الرحمن الرحيم >

والله يا أختي ما باليد حيله , والشكوى لله , بس إن صدق مع ربه فإن أهل الخير كثير وما راح يتركونه
بس أنا اللي ودي أعرفه
وش معنى تطالبين أهل الخفجي بالذات ؟؟



والسلااااااااااااااااااااااااااااااااااااااااااااا اام .

[عهد الغرام]

اقتباس هذاا الكلام اللي شفتوه الحين ناصر يناس الى الأن يعاني معاناة محد يدري عنه هذا الكلام اللي من الكويت وربي ياناس ياعالم كله إعلام وشهره على حساب ناصر واخووه هالمسكين اللي مايدري عن شي البوص سووا والفهد سووا هذا كله إعلام إعلام فقط عارفين شنو إعلام يعني ناصر الى الأن مو مستفيد منهم بشي

يعطيك العافية



ليش الظلم وانكار وقفت الكويت واهلها مع ناصر لو مو قناة الوطن ناصر الي اليوم


بالصين ومحد يدري عنة وبالنسبة لسعد البوص ما اعتقد يخلى ولد عمة ناصر وكان


عشاء ناصر بيت البوص وامام كثير من قبيلة سبيع متواجدون


ناصر معانتة مو مع الكويت هو وصل ارض الوطن وهني يجي دور دولتة اتجاهـ يعني


احمد الفهد والسفارة الكويتة ولا هم بحاجة الي اعلام وما قصرت انهت معانتة

ورجعت الي الوطن سالم

وللعلم سعد البوص عرض علية علاج في مستشفي جابر الاحمد الصبااح وهو للقوات المسلحة


ويوجد فريق طبي امريكي لعلاج الامريكان وهو الي رفض وحب يكون علاج اخوة في الرياض


والله يشفي اخوة ويشفي جميع مرضي المسلمين


ويسلموووووووووووووووووووو



ولج

[جنون أنثى]

مشــــكور اخووي ابوعلي بس انا اخص اهل الخفجي لان ناصر ابن الخفجي من اهل الخفجي ...


واختي عهد الغرام للأسف اختي معلووماتك مالها داااعي وانتي عندك خطاء بالمعلومات واذا انتي ماتدررين عن شي اتمنى ماتتكلميين ومشكووره مره ثانيه !!!

الله يحفظك ياناصر ويصبر قلبك ويقووم اخوووك بالسلامه ياقادر ياكريم

تقبلوا مروري ,, الحلا والزين

[fazza3]

مشكورة يا أم الحلا والزين
وأنت فعلا حلوة بروحك الطيبة وزينة بأخلاقك ووقفتك اللي عن عشرات الرجال .

وللأخت عهد الغرام معلوماتك مشوشة مثل الكثيرين الذين خلطوا بين موضوعين
وحتى لا أطيل عليك ، فقد كفانا ناصر عناء التوضيح هذه الليلة بإضافته لموضوع
مفصل في منتدى قبيلة سبيع الرسمي
وبإمكانك وغيرك من الإطلاع على الرابط التالي :

http://www.alglba.com/vb/showthread.php?t=2472


أكرر شكري لكِ أختي أم الحلا والزين .

فزاع السبيعي .

[الهائمه]

هلا اختي ام الحلا والزين

اشكرك على طرحك الذي يوضح مدى تعاونك في حل المشكله ومساعدته

وعساها بميزان حسناتك

ومن ناحيه الاخ ناصر ربي يقومه بالسلامه

وفيه وحده من جماعته قالت لي انهم روحه رياض وهالحين يتعالج هناك

والله يشفى جميع مرضى المسلمين ومسلمات

[عهد الغرام]

اقتباس واختي عهد الغرام للأسف اختي معلووماتك مالها داااعي وانتي عندك خطاء بالمعلومات واذا انتي ماتدررين عن شي اتمنى ماتتكلميين ومشكووره مره ثانيه !!! الله يحفظك ياناصر ويصبر قلبك ويقووم اخوووك بالسلامه ياقادر ياكريم تقبلوا مروري ,, الحلا والزين

هلا فيك


هذا كلام ناصر أختي ام الحلا والزين في منتدي سبيع

اقتباس وبعد أن تعرضت وأخي إلى ما تعرضنا له من سوء معاملة في المستشفى المذكور ، وسوء رعاية وعناية طبية رديئة جداً ، تقدمت بشكوى على المكتب في سفارة الكويت بالصين ورحبوا بي وكأني واحد منهم ورفعوا شكواي للخارجية في الكويت بعكس سفارتنا

طيب معلوماتي مالها داعي ناصر مواطن غير كويتي يعني كل عمل نقوم به له

اجر عند ربي وهذااا يكفي والدور على دولتة ورجالهاا المصلحين

وللعلم ناصر من ظهر على التلفزيون وقال اقدم شكري لفلان وفلان ........الخ


واحناا ليست بحاجة الي الاعلام وتبين دور الكويت لانه كل من سافر يعرف

السفارة الكويتية ماذا تقدم لمن يطرق بابهااا



الله يشفي اخو ناصر ويشفي ويشفي جميع مرضي المسلمين



ويسلموووووووووووووووووو



ولج

[ليلي عذآآآب]

[align=center]عهد الغرام عداك العيب .
بس سؤالي وأبيك تجاوبين عليه ولاتخلطين الأوراق ببعض !!!

### ( سعد البوص عرض علية علاج في مستشفي جابر الاحمد الصبااح وهو للقوات المسلحة


ويوجد فريق طبي امريكي لعلاج الامريكان وهو الي رفض وحب يكون علاج اخوة في الرياض )

لاتكونين عندهم في العشاء أو ناصر كتبها في منتدى سبيع أتقي الله في نفسك وعموما ناصر ماطلب من الكويت علاج أو غيره طلب يأخذون حقه من المكتب النصاب وثم كلن حب يطلع ويوي رفرش لأسمه أنه بيسوي ويفعل من شيخهم إلى البوص , وكانت طلبات الاخ ناصر واضحه من قبل الاعلام وبعده والاخ فزاع وضع لك رابط وخلي عنك الإتهامات اللي مافيها شي من الصحه مع العلم أنك مشرفة ولازم تكونين في صورة مشرفة للمشرف بعكس أختلاق الأعذار وقلب الحقائق اللي أنتي وناصر في غنى عنها وسكوتك أفضل من تعليقاتك اللي ..... !! هدآك الله وهدانا جميعاً والله يشفيك يامحمد ويسامح كل من حب يطلع على حساب سمعت وحاجة ناصر صلحان السبيعي إبن الخفجي .

والأخت أم الحلا الله يقويك وينور لك دربك .[/align]

[ليلي عذآآآب]

[align=center]أختي وعزيزتي عهد الغرام للتوضيح والإضافه :

ناصر توجه لسفارة الكويت ورفع شكوى على المكتب .
ثم أتصل على المحامي بعد نصح اعضاء السفارة به أنه متميز وطلب منه المحامي بعد عودته للسعودية القدوم للكويت لتوكيله على القضية .
-------
بعدها بعدة أيام أتصلوا عليه قناة الوطن والمحامي وأخبروه أن لهم برنامج ووجهوا لناصر دعوه للمشاركه فيه لآنه في قلب الحدث ونفس القضية والموضوع متعلق لأشخاص تعرضوا لنفس مشكلته وبنفس المكتب .
----------
وبعد الاتصال قلبوا مواجعه وحركوا مشاعره وبكى وبكى معه الكويت وأن الرجل لايبكي إلا لفقد عزيز أو مغبون ,وطلب المساعدة بأخذ حقه من المكتب وليس مالاً او علاجاً .
عزيزتي وإنهالت عليه المكالمات واتصالات من شيوخ وشيخات ومنهم فهد الأحمد ومعرفته أنه سعودي من الخفجي وإتصالات من شعب الكويت الوفي والغير مستغرب منهم بيض الله وجوههم صغيراً وكبيراً نساءً ورجالاً والأهم من ذالك دعواتهم لأخيه بالشفاء .
ويتفاجاء بعدها بالصفحة الاولى بجريدة الوطن تكفل الشيخ بمصاريفه , وأنه مواطن كويتي فسؤالي وين صورة الشيك أو رقم الحوالة لناصر , وتم تدخل البوص بعرض علاج شقيقة وطلب ناصر إذا كان بالإمكان دخوله لمستشفى الصباح أو الأميري الحكومي والمجاني لقربه من الخفجي وأهله ولم يطمح بخاص لكن البوص قال سوف أدخله بالعسكري في الرياض فهو الأفضل وسوف يعامل معاملة vip , عزيزتي إذا جينا لتقديم الحقائق فهذه الحقيقة وكل الخفجي يعرفون ناصر ومحمد ومايرضون تشوهين صورته بذكر الأكاذيب عنه فمن المجنون الذي يرفض كما ذكرتي مستشفى الامريكان ولم تجيبي من أين حصلتي على هذه المعلومة وهي

سعد البوص عرض علية علاج في مستشفي جابر الاحمد الصبااح وهو للقوات المسلحة
ويوجد فريق طبي امريكي لعلاج الامريكان وهو الي رفض وحب يكون علاج اخوة في الرياض !!! إذا سمعتيها من شخص فزودينا بإسمه ورقمه , وبعد كلام البوص تراجعوا الناس لمعرفتهم بمقدريته على فعل ماهوا أكبر من كذا , ولكن بعدما ذهب الأضواء والإعلام ومحمد بالنقاهه وحالته تزداد سوءً طلب البوص من ناصر رفع برقية لولي العهد بطلب دخول لمستشفى العسكري خوووووش واسطة , إذا جينا للحقائق فهذه الحقائق يامشرفتنا وقدوتنا . وللمعلومية حفل عشاء البوص دعاء ناصر وتفاجاء بأنه دأعي أيضاً مصور الجريدة والصحفي أو مؤلف مقالته عن ناصر عجب عجاب والمفروض أن يكون لقاء الصحيفه بعد لقاء التلفزيون كما هو متعارف .
-------------------------------------------------------------------------------------------------[/align]