[align=center]السلام عليكم ..
حبايب قلبي أرسل لي أحد أصحابي أبيات .. ورديت عليها بـ مثلها
وحبيت أكتبها هنيا .. ما أطول عليكم لكن ..
أبياته تقول /
يا حسين الحال جا بالحال طاوي = والسهر سبة شقا العين الشقيه
والسنين محال وايامك رجاوي = والقلوب صحاح والدعوى نقيه
افتني في عود ما حقق مناوي = بكرته عفرا وله بكره لقيه
ان شكينا ما تفيد به الشكاوي = وان سكتنا لا رعود ولا ابرقيه
وان تداعينا تلاحقنا الدعاوي = والسكوت يضيع به حق البقيه
وانت ياللي تارد العد الرهاوي = ويش علمك بعد زرت اللاذقيه
هو صحيح انك بهالدنيا غناوي = صح والا عيشتك هذي تقيه
خابرك ما انته تدور للفتاوي = والشنينه من زبيب الرازقيه
وأحترس والعلم غطه بالغطاوي = بالكفن والا بوسط المطبقيه
الذهب جاكم ورده كم يساوي = جاتكم والرد نبغـــــــــــــاها وقيه
والسلام ختام
/
\
قمت أنا رديت بـ الأبيات هذي
ان لفى الهاجوس بهـّــرت القهاوي ** وزدت أنا لـ البـُــر سمن ٍ بـ الفقيه
والدهور ان كان منّت بـ العطاااوي ** اتجهت لـ خالق السبع الرقيـــــــــه
الجنوب وغربها فقر ورشــــــــاوي ** والشمال يتووق لأرض ٍ مشرقيــه
أنبعت بـ الخير لـ الوسطى عناااوي ** ضمت البترول والضميــــا سقيـــــه
يا قماش العود وقماش الحقـــــاوي ** غير خام النفط .. خام البارقيـــــــه
والبروق اللي تلاوح لـ الخـــــلاوي ** مثل من سـِلب العصا .. والبندقيـه
سـُقت أنا بيت الشـِعر يم ّ الحراوي ** ونمت في بيت الشـَعر والفندقيـــــه
والله ما ساوي جميح ٍ بـ العرااوي ** ولا بــدر واللي بها بـ الخاااانقيــــه
جاك رد القاف يـ الطرب الهوااوي ** ومستعد ٍ كان لـ الوابل بقيــــــــــــه
والختام .. الله يجيرك مـ البـــلاوي ** لا تولعها بـ قاف آوي .. و .. قيــــه
وسلامة الجميع
( العمــــر )[/align]
[/align]
العرض العادي
