من (عسكريم) التوت للعلك ابو ريال

[قصة ألم]

[align=right]مـدخـل ( عهـدي بهـا قبـل تلبـس عبايـة )[/align]

[align=center]السلام عليكم ورحمة الله

هذه القصيده فيها الشي المضحك و الجميل

اتركم مع احداثها الشيقه ... لكم من اعذبه [/align]



[align=center]عهـدي بهـا قبـل تلبـس عبايـة
وأنا بعد قبل لا ألبس شماغ وعقـال


طفلين نتهجـى حـروف الهجايـة
الله ياماأجمـل سواليـف الأطفـال


كانت لنا في كـل شـارع حكايـة
وكنا نقـول علـوم ماهيـب تنقـال


وكنت أتقاسـم معاهـا مـا معايـة
من(عسكريم)التوت للعلك ابو ريال


وكانت بعكسـي شاطـرة بالقرايـة
تقراء جـزء عـم وطـه والأنفـال


وأنا لكـالله مـن مـواري غبايـة
مدري أبو نقطه هو الذال أو الـدال


وكانت لأبوية تشتكي مـن شقايـة
وتعلمة كيف أربـط البـاب بحبـال


ياما على ظهري كسر من عصايـة
يقولي : خلك وأنـا أبـوك رجـال

وأمي تقول :أدع لولـدك بالهدايـة
خوفي تصيبة من كثر الضرب بهبال


وأنا لا شفتها من أول الدرب جايـة
مدري انا الي ملت او الدرب مال؟


أحس قلبي يرتجـف فـي حشايـة
ماكنة إلا ضيـف لا هـز فنجـال


ياما من ( السعلو )تخبـت ورايـة
لا خو فوها فية ثم شافـت ضـلال

تقـول: خلـك حبيـبـي معـايـة
وأستانس ألعب عندها دور الأبطـال


وأغار حتى مـن عيـون أصدقايـة
لا طالعوها قلت :تكفوووون ياعيـال[/align]



[align=left]مـخـرج ( وأنا بعد قبل لا ألبس شماغ وعقـال )[/align]

[الدووووخي]

اقتباس وأنا لكـالله مـن مـواري غبايـة مدري أبو نقطه هو الذال أو الـدال وكانت لأبوية تشتكي مـن شقايـة وتعلمة كيف أربـط البـاب بحبـال ياما على ظهري كسر من عصايـة يقولي : خلك وأنـا أبـوك رجـال وأمي تقول :أدع لولـدك بالهدايـة خوفي تصيبة من كثر الضرب بهبال

ههههههههههه ’’’

مشكووووووووووره خيتو ’’’

[خفجون]

هههههههههههههه
حلوووهههههههه
يعطيك العـافـيه
يـا قــصـة الم
عالموضوع
...........
........
....
..
.