لو كان حب البيض يشرى وينباع
والله لعرضه فى صفاته بلاشى
لابوه لابو كل ما به من اطماع
ياكثر والله ماحرمنى فراشى
لو زانت أرضه واخضرت عندك القاع
لابد ماترجع فياضه دشاشى
ياما نهونى وانصت القلب ماطاع
كن النصيحه هرج عاذل وواشى
لا واحسايف عمرى اللى معه ضاع
ايام يوم انى غرير(ن) وناشى
واليوم ما بين الحسايف والاوجاع
مره تهون شوى وأمرار ماشى
دورت لى بين الهواجيس مطلاع
وعجزت للقالى دروب ومماشى
وعودت لهمومى حزين(ن) وملتاع
ماشفت عن هاك الهموم انتعاشى
كله من عيون(ن) مظاليل ووساع
سود(ن) هدبهن فى طرفهن عكاشى
فيهن سهوم الموت من كل الانواع
فىهن عذاب ولا وراهن معاشى
حشن معاليق الحشا حش زراع
وخلن بقاياهن سوات القشاشى
لا جيت أطلبهن بتعديل الاوضاع
أغضن ولاحصلت منهن نواشى
وأرجع عليهن والتفت غصب وأنصاع
وأبدا معاهن من جديد النقاشى
سعود سعد الردعان..
المواضيع المتشابهه
:: لابوه لابوو كل مآبه من اطمـاع ::
العرض الشجري