&على طآآآري صبآآآآح الورد&

[شموخي عزي]

السلام عليكم ورحمة الله وبركاته



على طاري صباح الورد, وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه


على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـك تناسيتـه


يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه


أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه


أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه


تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنت ما ارويته


رحلت , وما بقى منك سواك إنت , و عنـا مفهـوق
عنـا ذاك الربيـع اللـي , غشانـي مـا تمنيـتـه


تعال , إجرح على كيفك , تربـع واستحـل عـروق
تدلـل والبسـاط أحمـد , وأنـا لرضـاك مديـتـه


قم إسهج لآخر ضلوعـي, تغلغـل داخلـي برفـوق
حلالك ما بقى منـي , مـع الـي لأجلـك أفنيتـه


من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه


وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه


دخيل دمعتين اللي, غـدت منهـا الخـدود شقـوق
ترفق سامحك ربي , علـى قلـب(ن) لـك أهديتـه


إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه


يذكرني صباح الورد , وإسمـك , والحـلا والـذوق
وأردد يا ( أجمـل أحلامـي ) بقافـي يـوم هليته

[ربـيع أنثى]

قصيده رائعه ..

سلمتي شموخي عزي ..

[شموخي عزي]

شـكــ وبارك الله فيك ـــرا لك ... لك مني أجمل تحية .

[أبو الوليد]

[align=center].






أبيات رائعة .. ..


صح لسان الشاعر .. .. وسلمت على النقل الطيب


لا حرمنا من جديد مواضيعك ولا عدمنا تواجدك


اللهم علمنا ما ينفعنا ، وانفعنا بما علمتنا ، وزدنا علما .



::


وفقك الباري



.. .. ومضـــــــــــــــــــــة .. ..

قال أحد الحكماء :
دواء القلب في خمسة اشياء :
قراءة القران بالتدبر ، وخلاء البطن ، وقيام الليل ، والتضرع عند السحر ، ومجالسة الصالحين .
وقالوا ايضا :أشدّ الأعمال ثلاثة :
إنصاف الناس من نفسك .
ومواساة الإخوان من مالك .
والورع عن المعاصي عند الخلوة عن عيون الناس .

[/align]

[goree]

oOo
صبآحك ورد
وقصيدة رآقيه عزيزتي .. ~
Oo[mark=666666]جــوري[/mark]oO

[mύβαřαķ αlsαhli]

يع ـطيك الف[mark=#cc99cc] ع ـآفيـه[/mark] ] × ~


يسس ـلمو )~

[كلي خفجاويه]

قصـيده رااائعه

يسلموووو الايـادي ,,

[شموخي عزي]

ياهلااا وغلاااا فيكم جميعاااً نورتوني
.
.
تحيااااتي