صح السانك يافيصل الطواله

[ابوسعود]

السلام عليكم ورحمة الله وبركاته


اولا احببت اني اشارك بالقسم الشعري مع اني ماني بشاعر .

ثانيا ارى انه كثر الحديث في المجالس عن اغنية البرتقالة ( لله الحمد ما شفتها ولا سمعتها )
ولكم هذه المشاركة



جديد الشاعر فيصل بن طواله : البُرتقاله

وش يضر (( البُرتقاله )) والرجاجيل ,, القشور
مابقى رجال فينا .. ماسمع باالبُرتقاله

بس مافينا ولا رجال ناظرها .. غيور
والدليل : (( أبو البنيّه )) من يجي فينا .. بداله..؟؟

ليه (( يابنت العراق , الماجده )) هذا السفور ..؟؟
هل كذا (( حُرية الشعب العراقي )) وإحتلاله..؟؟

من سلب منك الإراده \ واغتصب فيك الشعور..؟؟
الحيا .. فينا (( من الله )) وش أدوات إغتياله..؟؟

هل صحيح إنك (( بعشره )) ياصبيه .. للبزور..؟؟
هكذا قرأت في (( إحدى الصحف )) تِلك المقاله..!!

أطربينا ياحزينه .. وإبعثي فينا .. السرور
ارقصي لأحزان شعبك ,, واطربينا للثماله

ياجميله .. وش أشاهد فيك أثناء الظهور..؟؟
وجهك الطاهر \ تشوّه من (( تخاذلنا )) جماله

هزي الإيمان فينا ,, ياموْلِية الدبور
واقع الأمه مرير (( وصمتنا المُطبق )) دلاله

مافهمنا عاقبة (( إن حُصّل مافي الصُدور ))
كيف نفهمها (( يارقاصه )) وأنا .. وياك .. داله..!!

المصيبه (( شايب الرحمن )) لاشافك .. يخور
من طلعتي \ قام يطرد , عن (( تلفزونه .. عياله ))..!!

واجد اللي قالوا : إركد .. قلت : لاوالله .. بأثور
دامني (( مؤمن )) فأنا \ ميقن بأن عندي \ رساله..!!

من يعيش اليوم ,, باكر يصبح من أهل القبور
والا انا . كل يوم (( موتي )) أنتظر .. حطة رحاله..!!

جيت أنادي (( للفضيله )) ياعرب .. بين السطور
والفضيله مستحيل تكون (( بدعه أو ضلاله ))

إنزلوا (( لاهل الشوارع )) يامقيمين القصور
إحتقار (( الفكرالآخر )) يُعتبر حُمق ,, وجهاله..!!

شرقنا الأوسط .. تزامت (( من معاصيه )) البحور
إفطنوا (( للشرق الأوسط )) قبل يأذن ,, بإنحلاله..!!

التّفُحش \ زاد فينا .. وإنتشر فينا .. الفجور
الوعي \ أصبح جريمه ,, ونضرة الواقع \ خماله..!!

قمت أشوف (( بنِيوات الدين )) يربطن الخصور
والشباب (( موظفين )) اليوم في بند \ البطاله..!؟

بعض (( تجار العروبه )) للقيم .. علة انحور
البلاد الينزلوها .. بدلوا (( هَلها )) عماله..!!

مايصير إن (( الفقارى )) مايلاقون .. الفطور
والغني \ مُسرف على (( معزوفة المنكر )) ارياله..!!

في مثل هاالشعر هذا .. ودك الواحد \\ حضور
والله يخلي لنا : شعّار يالاله .. يالاله ....

ومن يبي ياطا .. على (( الجُره )) حلاله .. لايدور
كاني أزعلته بكلمه \\ هذا انا .. كلي حلاله ...

لاأنا (( مُصلح سياسي )) ولاني (( معقّد أُمور ))
من قبل مني \ شكرته ,, ومن رفض \ مالي .. وماله..؟

[عبدالعزيز الجلعود]

هلا



تسلم يا
ابو سعود

وصح الله لساااان

الطووووووله

[الغــامــض]

[c]

بسم الله


الاخ العزيز ابو سعود

عودا حميدا اشتقنا لنصائحك الطيبه


وش يضر (( البُرتقاله )) والرجاجيل ,, القشور
مابقى رجال فينا .. ماسمع باالبُرتقاله


لا حول ولا قوة الا بالله

ارايت اخي العزيز ما ائل اليه حالنا الاسلامي والعربي

انتهت كل الكلمات اللتي تغنو بها في العفن الفني

واتجهو الى الفواكه , غيرنا يعملون ليل نهار على تحليل فوائدها

ونحن نتمايل حين نسمعها

غيرنا رائو قدرة الله عز وجل في ابحاثهم ونحن اهل القران نتفنن في
التغني والعشق والهيام ولا حول ولا قوة الى بالله

الكلام يطول وخيره ما قل ودل

تأسف معي على حال امة البرتقاله

يمكن لم يناظرها رجل غيور




تقبل كل التحيه ,,,,,,,,,,,,,,,,,,,,,,,,,,,,,,,,,,,,,,,,,,,
مني اخووووووك ,,,,,,,,,,,,,,,,,,,,,,,,,,,,,,,,,,,,,,,,,,,





heart2 heart2 heart2

[ابوسعود]

ابوريان


شاكر مرورك الكريم
ولك تحياتي الخاصة


الغامض

دائما واضح ...... لا ...... انت الوضوح نفسه .... وشاكر الك هذا الراي الرائع

[أبو رائد]

الله يعطيك العافية يابوسعود


ونشكرك على جهدك الطيب




تحياتي لك ،،

[احسـ العالم ـاس]

صح لسانك ابو سعود

وصح لسان قايلها

تحياتي لك

[الريم]

مشكوور اخوي ابو سعود على القصيده وصح لسانك وسلمت يمناك يا الطيب

[عبد الله بن شنار]

صح لسانك اخوي