رسائل حزينة

[نور الإسلام]

تنحت بي الذكرى على سكة الحرمان



وأشوف الأمل بعيون حزني وحرماني



تحملت هم وضيق ما يحمله إنسان



يوم الزمان بكل شدة تحداني



يشم السعاده فاقد العطف والحنان



ظروف التعاسه وين ما روح تلقاني




`~~ حزن~~`
فيني خلايا تنزف الحزن والهم



وفيني طلاسم ماحدن قد قراها



فيني هموم تذرف دموعها دم



وأنت الحروف الباقية عن سواها



لك خافقي رحب وهلا وسلم



ولك العيون تعيش لأقصى مداها




`~~ حزن~~`
تسألني وش لوني !
لوني سمار الشمس
تهمك جنوني ترى جروحي خمس
<أول جروحي>
قلب ميت من الإهمال
<ثانيها>
صدمة حب مات برواقة بال
باقي ثلاث جروح بحكيها وأروح
<الثالثة>
أحزان من راسي لأقدامي
<الرابعة>
هجران ماتت بها أحلامي وماعدت
أنا أهتم بجراح ما تلتم
باقي الأخيره
الأخيره ضعف ونزف ودمع وقف
بالعين جمر حمر ماجف
<خامس الأخماس>
ما عاد بي إحساس
<وتسألني عن كيفي>




`~~ حزن~~`
أمسك خيوط الليل وأقول وش عاد



ينفع وجود الذات من غير ذاتي



وأعلن ضياعي وأترك النفس تنقاد



يم السراب وبالصحاري مناتي



وأركب سفينة فوق الأمواج نشاد



وين الرفيق ووين فاهم صفاتي





`~~ حزن~~`
نجتمع صدفة وتبعدنا ظروف



نلتقي ساعة وفرقانا سنين



يا كحيل العين لو أنك تشوف



جرحي اللي داخل ضلوعي دفين



كان ترحمني وفي حالي تروف



ما تطاوع بي كلام الحاسدين



أكتم الونات وأمسح بالكفوف



دمع عيني والخلايق غافلين





`~~ حزن~~`
درب الهوى ياصاحبي يحرق الدم



والليل ما يرحم عيون السهارى



ضيق وملل وغيره هم ورى هم



أسأل مجرب ولا تمشي في دروب الحيارى



أما تجي بنت تقول للقمر قم



ولا بلاش من الهوى والعذارى





`~~ حزن~~`
البارحه مافرحت العين بالنوم



ترعى نجوم الليل فأول وتالي



على وليف يزعل القلب باللوم



هو منوتي يا صاحبي هو راس مالي



وحظي اللي نام ما ينبغي القوم



دايم وحظي في الدهر ماصفالي





`~~ حزن~~`
يفز دمعي وأقهره داخل العين



أخاف عذالي يقولوا هزيمه



لا والذي والف قلوب المحبين



ماحدرت دمعات عيني ظليمه



أنا بكيت من الوفاء والوفاء دين



لأجل الصديق وذكريات حميمه





`~~ حزن~~`
أنا تعلمت الجفاء من تغليك



ومن المذله والخضوع أنتهينا



من كل قلبي يشهد الله ناسيك



غير الضياع والمذله وش لقينا





`~~ حزن~~`
أحفظ بقايا مابقى وأترك اللوم



وأصبر وبصبر والله أعلم بحالي



حبك سرق من ناظري لذة النوم



سرق الخجل عين هدبها حكالي



عليك يا ظالم شكى الظلم مظلوم



منك أشتكي لك بالهوى ماجرى لي





`~~ حزن~~`
ياللي تبي تعرف أسراري وعنواني..
الضيق والحزن واللوعه عناويني..
وان كان ودك تدورني وتلقاني
في كل لمة حزن يمكن تلاقيني
بكتب الحزن والضيقات تقراني
والناس من زود أحزاني تبكيني

[ثلجة وردية]

السلام عليكم ورحمة الله وبركاته
نور الاسلام
فيني خلايا تنزف الحزن والهم
وفيني طلاسم ماحدن قد قراها
فيني هموم تذرف دموعها دم
وأنت الحروف الباقية عن سواها
لك خافقي رحب وهلا وسلم
ولك العيون تعيش لأقصى مداها
تسلم ع المسجات الرووعه
ويعطيك العافية خيووو
أسعدك الله وين ماكنت
في حفظ الرحمن

[نور الإسلام]

ثلجة وردية



أشكرك ع المرور


والذوق الرائع


لك جزيل الشكر

[كورن فلكس]

يعطيك العااااافية


رسااااااائل راااااائعة

[نور الإسلام]

الله يعافيك


اخي الكريم


كورن فلكس

[فتى الرائدية]

[align=center]


الله لايجيب الحـــــزن ..


ألف شكــــر لك يانور الاسلام

[/align]

[نور الإسلام]

أشكركـ فتى


ع المرور المميز

[شمس الرائدية]

رسايل مليئه بالاحاسيس ..
تجعلك تعيش الللحظه..
شظايا تناثرت من ذوقك الرائع .
رائعه بحضورك المخملي هنا..
حضور مكلل بروعتك .
انتقاءك مميز,,

[نور الإسلام]

كل هالكلمات التي


أرسلتيها يا شعلة منتدانا


دليل ع حسن ذوقك


لقد تفجرت في داخلي

كالقنبلة

لكـِ كل التقدير

[عزيزة نفس]

الله يبعدنا عن الحزن ياررب





الله يعطيك العافية