[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="double,5,black" type=1 line=0 align=center use=ex num="0,black"]
طلبـت رب ٍ يعلـم السـر والغيـب=يقبل صلاتي لـه ويقبـل صيامـي
ويجعل لنا عرض ٍ نزيه ٍ عن العيب=ويفكنـا مـن شـر سـو الآثامـي
ابـن ادم ملفـا الـردى والعذاريـب=لو ما فعل رميـت عليـه التهامـي
جليت عن نفسي شبا الشك والريـب=ولا حسب يلقون العرب بي كلامـي
وربعي لقوا بي عقب شيبي عذاريب=بتسطير كـذب مفسريـن الحلامـي
قلت اخبروني ويش معنى هاك العيب=قالوا على ساقـة رفيقـك تحامـي
قلت ان هذا من قديـم ٍ لنـا عيـب=مستارثينـه مـن خـوال وعمامـي
العيب ترك المعرضـة بالمواجيـب=ولا الرفيـق بفزعتـه مـا نلامـي
رفيقنـا كنـه بـروس الشخانيـب=في راس حيد ٍ نايـف ٍ مـا يضـام ِ
ورفيقنـا مـا نجدعـه للقصاصيـب=يجبر بنا لو هـو كسيـر العظامـي
ورفيقنا لو هو مـن الجـد بصليـب=متعلـق ٍ منـا بـراس السنـامـي
هذي قدايمنـا ليـا عـدوّا الطيـب=ونـذرا الـى هبّـت لنـا بالـولام
ويوم الوغى ما نستشيـر الزاريـب=ليا طار عن سود العيـون اللثامـي
ومركاضنا يشبع به الطير والذيـب=ونروي معاطيش السيوف الظوامـي
نلحق على سـرد ٍ يجنـك جناديـب=بمطارق مع مثـل صـف النعامـي [/poem]
[align=center] للشاعرالامير: عــبـــيـــد الـــعـــلـــي الـــرشـــيـــد
وسلامتكم 00 قولوا صح لسانك ! 00 إيه كذا صح بدنكم جميعا 000 [/align]
المواضيع المتشابهه
العرض العادي
