اليوم يالربع جايبلكم سالفه حصلت يوم السبت 18/4/1431هـــــ
كنت في زياره بعد الظهر لبيت اختي وجتني بنتها الصغيره تسلم علي
المهم بعد السلام قالتلي شفت خالي انا شاطره قلتلها عفيه عليج
واسترسلت البنت قالت اليوم ودوني صف ثاني غير صفي فبادرتها
انا بالسؤال ليش قالتلي لان في مفتشه جايتنا وشالوا البنات الكسلانات
وحطونا مكانهم شفت شلون هذا دليل على اني ممتازه المهم ضحكت
والصحيح اني ضحكت اكثر ونا بالسياره متوجه لبيتي . يالله الحركات
وصلت لمدارس البنات موكافي بالدوائر والمؤسسات الحكوميه او مدارس
الذكور والانفلات الا محدود . بس قعدت اتخيل شكل الابلات وهن يكيدن
للموجهه او المفتشه ويحاولن يفلتن من هالمطب السراحه جرأه لاتخلو
من الكميديا واتوقع ان جماعه طاش راح يستفيدون منها مبتكره الحقيقه
اعجبتني كثير وتستاهل الست المفتشه لان جنابها تستحق هذه
القرطسه . والا كيف علموا بقدومها لولا اتصالها على المديره وكانها
تقول استعدوا لاستقبالي وهالله هالله بالشاي والقهوه واذا باقي
شويه حلاوه او مكسرات من هاللي تطلبونه من البنات بحجه الاعمال
المنزليه هم زين مايضر وحتى يعلم كذلك القابعون خلف الكراسي
ان الست الاموره مفتشتكم المحترمه تعمل وتقوم بالزيرات التفتيشيه
انا ياجماعه قاعد اكتب وانا اضحك وبقيت ادق على صديقي القديم ايام
الكوره بس سمعت انه متغير بعد لبس البشت وقلت ياولد عن الطلايب
كفايه السحبله اللي كنت اسويها فيه بالملعب .
التعليم بخير ياابلات وصدقوني انا كنت متفائل خير بمدارس البنات وكان
عندي فكره ان الشد والربط عندهن افضل ولكن الظاهر انها بالمظاهر.
مع العلم اني التمس لهن عذر واحد او اثنين فقط
الاول ازدحام الفصول وهذه مشكله حقيقيه.
والثاني عدم متابعه الاهل لاحوال البنات العلميه والسلوكيه.
من كم يوم بنت طقت ابله الين خاب ثناها والمسيكينه راحت طقتها
من كيسها والبنت لازالت اداوم بالمدرسه ولا رانبو وللعلم ترى البنيه
ماعندها واسطه واسطتها الوحيده عدم وجود قانون صريح يخول المديره
بحذف البنت وملفها خارج اسوار المدرسه.
واخر دعوانا ان الحمدلله رب العالمين.
المواضيع المتشابهه
العرض العادي
