هل فعلتعا مع اختك

[ابو جوزى التومي]

هــل فعلتها مع أختــك من قبــل ..؟؟

جــاوب و بكل صراحــهـ ..
متى أخر مره دعوت اختكـ على مطعم ..؟؟

أو فكرت بالجلوس معها ..؟؟
هل ستكون الاجابه .. بالأمس ..؟؟
منذ شهر ..؟؟
منذ سنه .؟؟

لم ادعوها في حياتي ابدا ..!!

تختلف إجابتكم .. من شخص لاخر ..

لــكـــن .. !!

هل سألت نفسك ..

ماهي ردت فعلها لو جربت ودعوتها أو أعطيتها جزء من وقتك
ماالاثر الذي ستتركه في قلبها ..

فجميعنا يعلم أن الأخت تحب أن يكون لها أخ

ترى منه الإهتمام والعطف والحنان ..

فماذا لو افرحت قلب اختك بدعوة الى مطعم أو جلست وتجاذبت معها أطراف الحديث ،

فأنت تحكي لها قصة وهي تحكي لك ...

ربما تقول ..

مشغول ..

مش فاضي لها ..

ولو كان احد اصدقائك لقدمت له عينيك ..

ان ماكنت فاضي لها كما تزعم .. فمن الذي سيفضى لها .. ؟؟

أتريدها ان تبحث عن رجل اخر غيرك .. ؟؟؟

ولو بحثت ستجد .. !!

نعم ستجد تلك الذئاب التي ستعطيها مالم تجده عندك ..

فلتحاولو جميعا أن تعطو أخواتكم شيئاً من وقتكم ..

فهن يستحقين هذا ..

وأنتن يا بنات ما سيكون إحساسكن عندما تجدن لفتة إهتمام كهذه من إخوانكن ..؟؟

ارجوا من الجميع الرد والمشاركه لكي يكون الاخوان والاخوات اقرب لبعضهم

ياجماعه اتركو عنكم العصبيه
وجابو بصراحه
انا خاطبت ناس بالموضوع هذااا وبعضهم بدوي جنط )يقول وش تبي انا اي تبيه انا اجيبه له
اتمنى من الجميع ان يفهم قصدي
زين
ودمتم
اخوكم
ابو جوزى التومي

[قلوب دامية]

والله لو يسويها اخوي معي ........ يمكن يغمى علي من الفرحة

وشكرا

[جذااب]

الفكرة من حيث المبدأ ممتازه لكن يمكن ان تكون باسلوب ثاني مثل يكون هنالك وقت مخصص تجلس مع اخواتك في البيت وتنتاقشون وتتسامرون وتكون هناك مناقشات في مشاكل بعض...... اما مطعم لوووو تفحط ما اخذها انا زين اوديهم للسوووق خخخخخخخخخ

[بــ الخفجي ـنت]

تسسسلم يمناك يالغلاا

موضوع حلوو وان شا ءالله يأثر على الاخوان

انا من ناحيتي الحمد الله

اخوي دووم يطلعنا وما يخلي علينا قاصر

ربي يخليه ويحفظه لنا يارب

الدور والباقي على اخوان باقي البنات ههههههههه


لا عدمنا جديدكـ

تحياتي

بـ الخفجي ـنت

[فارس الحب]

اتمنى بكون لي احوات كان ما خليت يوم الا دعيتهن

شكرا للمضمون و الفكره

[هوآجيس]

موضوع حلو وتشكر عليه

انا عن نفسي ولله الحمد كل يومين او ثلاث اجلس معهم من اول الليل لين تصبح علينا الشمس واجيب لهم فطور واقول لهم يلا عاد تقلعوا روحو نامو بنام طبعا خلال هالفتره أسمع لهم عن جميع مشاكلهم سواء بالمدرسه او بالنت او بالبيت او مني واشرح لهم الصح من الغلط بحكم إني أكبر وآحد بالبيت والحمد لله بفضل من الله إني عندهم مثل بر الأمان اللي متى ما ضاقت عليهم الوسيعه لقوني باب مفتوح لهم ولكن بعد ما تركت أهلي وجيت هنا للخفجي بحكم ضروف العمل فقدوني وهالشي ألآحظه كثير خصوصا يوم يلقوني فاتح المسن ويزعجوني ويقروشون رآسي بالجرس كلن يبي يسولف معي بوآدي جد عرفت معنى كلمة (( أخ )) اللي فيه شباب كثير مو مقدرينها ولآ عارفين معناها أو قيمتهآ ....
والله إنه شعور لآ يوصف يوم تشوف أخوآنكـ يسحبون على دوآمآتهم بس عشان يجلسون معاكـ ... أنا بحكم ضروف الدوآم لآ رحت للديرهـ أقعد يومين والثالث أمشي رآجع للخفجي ووالله إنهم يغيبون عن مدآرسهم بس عشان يجلسون معي لآ صآدف إن الأوف عندي جاء بوقت مدآرس ودوآمآت

قبل أمس أتصلت علي أمي الله يخليها لي تسلم وتسأل عن أخباري وهي تكلمني أسمع صوت عندها يقول متى تجي ... أختي الصغيرهـ عمرها سنتين ونص توها متعلمه السوآلف وعاد هذي يوم كنت بالديرهـ كانت دلوعتي محد يلمسها حتى أبوي وأمي وأنا موجود على طووووووول تجي تحتمي فيني
وش أقووووول ووش أخلي



شعور ما أقدر أوصفه ,, فرح +دمع + شوق .. لدرجة إنكـ ممكن بسبب كلمة ودكـ تترك وظيفتكـ وترجع لديرتك وأهلك و خوآتكـ لآنهم أكثر نآس يحتاجونكـ أكثر من أخوآنكـ لآن الولد ماعليه خوف مثل البنت اللي محتاجه أحد يسمعها ويحس فيها ويقدرها ويقدر أحاسيسها

أنا من الناس جربت إني أسمع مشاكل البنات بشتى أنوآعها وبين كل فترهـ وفترهـ أول سؤآل أسئله لـ خوآتي (( ما رف قلبكـ لآحد ؟؟ ))

يمكن يستغرب الكثير من الشباب وينقد على كلآمي ويفكر إني ديوث أو أو أو من هالكلآم اللي لآ يودي ولآ يجيب لكن اللي عندهـ عقل ويفكر ويفهم رآح يعرف إن البنت مثلها مثلك .. يعني مثل ما أنت تحب وتشتاق وتنفتن هم هي تحب وتشتاق وتنفتن ولآزم تعطيها مساحه تتنفس فيها عشان ما تنحرف خصوصآ بعصرنا هذا اللي كثرت فيها البويات والليديات والإيمو وماخفي أعظم

مشكور ياللي كتبت الموضوع على الطرح المميز ولو إنكـ فتحت فيني موآجع وأشوآق أحآول أدفنها خصوصآ إني مالي غير سنه بس من تركت الديرهـ يعني عروقي عادها خضرآ ويمكن تقوى علي وترجعني غصب عني

[شيخة الغيد]

موضوع اكثر من رائع ..

اخوي مايقصر بس يقولي روحي اطلعي .. غيري جو ..>> طيب اطلع مع مين

بس يكفي شوفتهم بالبيت فديتهم ..

مشكلتنا بالبيت الكل عاايش جوه يعني الكل بعالمه اخواني يمكن باليومين مااشوفهم .. ياطالعين يابغرفهم ... الخ

يعني تقريبا البيت في اغلب الاحيان هدووء...

بس اذا عزمني اخوي مثلا على مطعم اكييد بفرح ...الا بتشقق من الفرحه
واتذكر سواها مره كنت اصلا انا طالعه بالمطعم اتصل علي قال وينك قلت بالمطعم الفلاني وجااني تعشى معي وطلعنا مع بعض ..

والله يخليهم لي يارب ولايحرمني من وجودهم في حياااتي ..

[شيخة الغيد]

بصراااحه اهنيك اخوي هواجيس على رووحك ... والله يخليك لخواتك

[قلوب دامية]

أنا من الناس جربت إني أسمع مشاكل البنات بشتى أنوآعها وبين كل فترهـ وفترهـ أول سؤآل أسئله لـ خوآتي (( ما رف قلبكـ لآحد ؟؟ ))

يمكن يستغرب الكثير من الشباب وينقد على ؟


ماهوو إلى هالدرجة
قلنا انك حليو وحبوب م
ع خواتك
بس عاد فيه شي اسمه خصوصية !!

وفيه شي اسمه حياء

تقبل رأيي

[هوآجيس]

اقتباس المشاركة الأصلية كتبت بواسطة قلوب دامية أنا من الناس جربت إني أسمع مشاكل البنات بشتى أنوآعها وبين كل فترهـ وفترهـ أول سؤآل أسئله لـ خوآتي (( ما رف قلبكـ لآحد ؟؟ )) يمكن يستغرب الكثير من الشباب وينقد على ؟ ماهوو إلى هالدرجة قلنا انك حليو وحبوب م ع خواتك بس عاد فيه شي اسمه خصوصية !! وفيه شي اسمه حياء تقبل رأيي

أخوي فيه شيء أسمه خصوصيه بس لو ماشاركت أختك في هالشيء بالذات ممكن إنها تسمح لنفسها تطوور هالعلاقه من كيفها وتوصل لشيء لآ يحمد عقباهـ

أنا آخذ قاعدة حرررص ولا تخوون

لآنها لو قالت لي مثلآ حبيت ولد عمي أو ولد خالي فلآن أنا عن نفسي إذا شفت إنه كفو ويستاهل بروح أخطبه لها بنفسي ولكن لو قالت لي حبيت فلآن من الناس بسأل كيف عرفتيه وهل فيه بينكم شي لآسمح الله لآن أسلوب الضرب والذبح والنهج القديم ما ورآهـ إلآ الفضيحه والعار عليك وعلى أهلك لكن كل شي بالعقل يجي .... وإذا أنت كنت متابع مع خوآتكـ من بدآية أي شي بحياتهم يمديك تتدآركـ الأخطآء قبل تتفاقم وتصير العوآقب وخيمه ....

أشكركـ أخوي على النقد وهذي وجهة نظر وأنا أحترمها