أموت .. لكن حرام فلا أتعنا له ( سليمان المانع )

[أبو رائد]

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا تحسب إني عديم إحساس يا داله = درب المراجل أعرفه زين وآدله

لي حال .. بس أنت وش فهمك للحاله = لا صار توزي جريح الروح وتغله

ما أعيل .. لكن تحمس القلب عيّاله = ناس ٍ ترفّع عدم الأصل وتجله

جتك أتفه الناس رجليّه وخياله = ماحر من الله على غيره تحلل له

وقتٍ تدهور ودهور خيرة ارجاله = تقول مخطين ؟ .. لا بالله ولا بالله

الجوع يطوي ضلوع الذيب وعياله = وأبا الحصاني يسن السيف ويسله

وقتٍ مخاتل يجب الناس ختاله = لو تلبس الدين لا مذهب ولا مله

شفت الليالي خبيثة فعل قتاله = والفقر يكسر عزوم الرجل ويذله

رجل ٍ تعرّى ويخجل شوفة ظلاله = يشوف حلمه ولكن صعب يوصل له

ورجل ٍ شبه رجل تمشي له على باله = والرزق لو هو لغيره .. جاه .. مازله

تطرف الحظ في حله وترحاله = لا جاك كله .. وإلى منه غدا كله

خلا النشاما .. لحر الضيم حماله = وخلا خويك يجيه الغيم ويظله

أموت .. لكن حرام فلا أتعنا له = وقل للذي قلت .. ثاير وأرفضه قله

[/poem]