السلام عليكم ورحمة الله وبركاته
قصيدة من روائع المبدع ( سليمان المانع )
بعنوان ( اخ .. متطفل )
[poem=font="Simplified Arabic,5,darkred,normal,normal" bkcolor="transparent" bkimage="backgrounds/8.gif" border="solid,4,gray" type=2 line=0 align=center use=ex num="0,black"]
أنا رجل..كله بلاده..وممرور=لاهوطاع وقته ولا الوقت طاعه
احيان يومه من عذابته دهور=واحيان يمرق..مرقة الربع ساعه
مطحون حزن بريح الأحلام منثور=حاضر..ولكن غايب..مثل إشاعه
متواضع حد: الـ بلاها !! ومغرور=وأحن ..وأبسط واحد بالجماعه
ماكن عاش بهالمسارح ولا دور=به شيطنه من يوم خلق وصياعه
مره رقا..رقا..مالقا سور=لين إشترى نجم الثريا..وباعه
هالآدمي بحدور..بطلوع..بحدور=دايم مسفط..وش مسفط؟!..كراعه!!
لا هو تشمل يم عرعر وأب القور=ولا هو مدور بعد مكه شفاعه
مكتوم بأطراف نجد..على جور=الخبز عنده..جل وقته..طماعه
لا هو ليا فكر من اللوم معذور=ولا هو أنطلق وأكمل مسيرة ضياعه
ياحسبي الله...يا أبعد الناس مشكور=ياحسبي الله...يقطعك...ياقناعه
ماني على اللي ((كل ماصار )) مقهور=اللي قهرني إن التطفل بشاعه
قاطع بمصلح وأبو فالح...وأبو نور=وها الأخ جاي يلومني عل القطاعه[/poem]
المواضيع المتشابهه
العرض العادي
