كـلام الناس ....!!

[ثـامر البـلوي]

المشهد الاول :

بنت وحيده امها وابوها ... امها وابوها كبار في السن يبيلهم من يرعاهم ويهتم فيهم ... البنت بتتزوج .. اذا طلعت من بيت اهلها وسكنت مع رجلها قالوا الناس هاللي مافي قلبها رحمه تطلع وتخلي اهلها هالعاقه ... اذا سكن رجلها مع اهلها .. نقدوا عليه الناس قالوا ساكن مع اهل مرته ... واذا سكنت البنت واهلها مع الرجال قالوا جت وجابت اهلها معها الرجال ناقصها ولا ناقص اهلها؟؟
وش الحل؟؟؟ تقعد البنت ما تتزوج احسن عشان كلام الناس؟؟؟


المشهد الثاني :
اخوين ساكنين في فله الاخ الاكبر في الدور الاول والاصغر في الدور الثاني .. الاخ الاكبر عنده درزن بزران مزعجين :( الاصغر ما عنده بزران وحالته الماديه سيئه والدور كبير عليه هو ومرته .. اذا اجر الاصغر الدور بامكانه يستفيد ماديا ويفتك من الازعاج اللي تحته ... لكن اذا اجر الدور بيقولون الناس اللي ما يستحي ماجر الدور ومدخل في بيت اهله غريب
وش يسوي في هالحاله؟؟ يسمع كلام الناس ويقعد على حاله الميؤوس منه ولا يطاوع عقله وياجر البيت؟؟


المشهد الثالث :
امرأه مقطوعه من شجرة .. لا ام ولا اب .. لا اخ ولا اخت ... لا شهاده ولا وظيفه ... عندها ست بزران ومات ابوهم ... اذا تزوجت قالوا الناس ما عندها وفاء ما صدقت يموت رجلها وتزوجت ... واذا قعدت ما تزوجت ماتوا عيالها من الجوع
وش الحل؟؟

المشهد الرابع :
جحا (مدري ليه كل ما ذكرت اسمه ضحكت .... والله انه يوسع الصدر )
اكيد كلكم تعرفون قصه جحا وولده والحمار بس معليش ابقولها واسمحوا لي بشوي تحريف
مشى جحا وولده والحمار .. شافوهم الناس قالوا هالاغبياء معهم حمار ولا ركبوا عليه ... ركب الولد قالوا الناس شوفوا العاق راكب ومخلي ابوه يمشي ... ركب حجا ونزل الولد قالوا الناس شوفوا هالاب اللي ما يرحم راكب ومخلي ولده يمشي .. ركبوا الاثنين فوق الحمار ... قالوا هاللي ما يرحمون راكبين فوق الحمار مسكين ... في الاخير شال حجا وولده الحمار ....
ما قلت لكم يوسع الصدر




والمشاهد كثيرررره ... واللي عنده زياده يكتبها الله لا يهينه

الزبده :
* الناس ما يسكتون
* .. رضا الناس غايه لا تدرك
* كلام الناس ما بيوكلش عيش ... يعني ما ينفع
* كلام الناس ما ياخر ولا يقدم
* اللي في راسك سووه ولا عليك من احد ... دام انه لا يخالف الدين
اكيد بتقولون ما جبت شيء جديد

[blink]لكن[/blink]



الســـــؤال :
مع علمك بالاشياء اللي فوق
هل تقدر تتجاهل كلام الناس ؟؟؟
هل تقدر تتخذ قراراتك ... من دون ما يكون لكلام الناس تاثير فيها؟؟؟؟
اذا وقعت في حيرة من كلام الناس ... وشهو الراي اللي بيمشي؟؟ كلام الناس ولا عقلك؟؟





منقوووووول تحياتي لكم

[حنين]

من راقب الناس مات هماً

اذا ما فيها مخالفه للشرع بلا كلام الناس بلا هم

يعطيك الف عافيه ثامر

[ابتسـ ألم ـامة]

[glint]هـــلا وغـــلا [/glint]
أخوي ثامر البلوي

اقتباس * الناس ما يسكتون * .. رضا الناس غايه لا تدرك * كلام الناس ما بيوكلش عيش ... يعني ما ينفع * كلام الناس ما ياخر ولا يقدم * اللي في راسك سووه ولا عليك من احد ... دام انه لا يخالف الدين

*
**
*

اقتباس هل تقدر تتجاهل كلام الناس ؟؟؟

نعيش مع الناس

وكلامهم وثرثرتهم لها أثر كبير على حياتنا

حتى مع تأكدنا من صحة ما نقوم به


يتناقل الناس الكلام ومعظمه إشاعات

ويسبب كل هذا مشاكل كبيرة

قد تصل إلى هدم البيوت


أسمع كثيراً المثل


لا دخان بدون نار

فمن يثرثر ينشر دخان ولكن بدون نار

يظلم الناس وويله من يوم سوف يحاسب على عمله المشين

اقتباس هل تقدر تتخذ قراراتك من دون ما يكون لكلام الناس تاثير فيها؟؟؟؟

بصراحة بعض القرارات أراعي بها كلام الناس

صحيح يكون تصرفي

بما يرضي الله سبحانه ورسوله صلى الله عليه وسلم


ولكن الناس ما ترحم


والأهم من كلام الناس هو عقلية من حولك

ومدى تفهمهم للأمور


ياريت كل إنسان يرى نفسه وينشغل بحياته

ويترك العباد لخالقهم

اقتباس اذا وقعت في حيرة من كلام الناس وشهو الراي اللي بيمشي؟؟ كلام الناس ولا عقلك؟؟

حسب الموقف وحسب كلام الناس


بعض الكلام نصائح لنا ونحتاجها

غير ذلك أقول


لاحول ولا قوة إلا بالله



كلمة أخيرة


أخاف الله سبحانه وأسعى لمرضاته


وعلى هذا الأساس تكون خطواتي


مع هذا أرجع وأقول


الناس ماترحم


وكثير من التهم تلتصق بالإنسان وهو برئ منها


حسبنا الله ونعم الوكيل





اشكرك من القلب على النقل الجميل


مشكلة يعاني منها كل الناس


مجهود رائع وحضور واضح

أثبت نفسك بفترة قصيرة ماشاء الله

تقبل أصدق الأمنيات بمزيد من التألق والتميز



وفقك الله وسدد خطاك لما يرضاه ويحبه

دمت بود


كلمــات مــن ذهــب

اجعل نفسك ميزاناً في ما بينك وبين غيرك

[nona]

هع هع هع هع



اسمحلي اقولك ..



موضوع عجيييب ... يشق شق


و ياه بوقته ..



بالنسبه لي انا ... ما عرف شي بحياتي اسمه كلام الناس




انا اسوي إلي ابيه ,, إلي ابيه اسويه (((( هذا قصدي ))))



مدام اني مقتنعه انه هذا الصح ,,\



و الناس تقول إلي تقوله شسويلها ... بعطيهم شاي بعد


عشان .. يحلالهم الكلام ,, إلي يسمع كلام الناس


ماراح يعيش ... مثلا يقول


خنسوي جذي او بروح منيه مع كذا ...


بعدين يقول بس الناس ..... و عاد انت كمل ,, راح



تنعفس حياته فوق تحت ,,






و مشكووور ..




بس





بقول




شي



حق



ابتسامه الم .. ترا في دخان بدون نار



مرا انا و صديقتي .. قاعدين نتدرب لامتحان العملي حق الكيميا ,,



انا قلت لها راح نخلط اشياء غير عن الكتاب ... طبعا اهيا كانت


خايفه




بس حنيت عليها لما رضت ..



و حطينا حمض الهيدروكلوريد المركز ((( المركز تحتها الف خط ))))




و يا هيدروكسيد الصوديوم ((( صودا الكاويه ))))



و خلطنا بعد 3 احماض ..



الله لا يوريكم ... طلع دخان .. بعدين سحابه بيضه




كان شكلها حلو ... بس خفت الأبله تلف علينا او يصير شي



جان اهفها ... و بس



طبعا رفيجتي .. حرمت تسويها مره ثانيه



خخخخخخخخخخخخخخخخخخخ







و هذا دخان من دون نااااااااااااااااار





و سلامتكم


و


احبكم