كليه الخفجي ...

[رنين حلم]

السلام عليكم ورحمه الله وبركاته..

كيف حال الاخوه والاخوات ..ان شاء الله الجميع بخير

وانا اتصفح المنتدى قرأت موضوع عن كليه الخفجي ورايت بعض الخلافات وان الجميع يرونها باحسن حال

معليش بتكلم باللغه العاميه

انا كنت احد طالبات الكليه ومن خريجات هذه السنه

في احد المواضيع قالت الاخت((حلم الطفوله)) انا بجيب من نص الكلام وبرد على كلامها

اصلاً لون جدران جميع القاعات الحين هو اللون السماوي من إجازة الصيف والظاهر بالمقاطع هو اللون الأبيض ( إنت أي خميس تقصد بالضبط ؟ )<<انا اللي شفته ان لون الجدران باللون الابيض معذره ياختي

ثالثاً / جميع صناديق الطالبات تمـ تغييرها لصناديق معدنيه وبأقفال ..<<صناديق خشبيه ولم يتم تغيرها

رابعاً / بالنسبة لنظافة الكلية إذا الطالبات نفسهم ماهتموا بنظافة مكانهم عمرها ماراح تصير الكلية نظيفه لو كان ينظفها 100 عامل ,, وفي كل الأحوال تنظيف الكلية يتم بشكل يومي وتقدر ترسل أحد الصبح وتتاكد من هالشي <<انا معك باهالشي ان السبب الرئيسي هو الطالبات نفسهم بس معقووله مافيه غير طالباتنا هم القذرات انا دخلت كذا كليه وشفت طالباتها يرمون الاكل بس ماشفت مستوى القذاره اللي عندنا بس هذا يدل انه مافيه نظافه واهتمام

طيب نقول الوصاخه من الطالبات نجي للمكيفات؟ ندخل القاعه نحصلها مو قاعه مسبح مسسسبح من كثر الموويه اللي ناززله ع الارض من المكيف وين الناس عنها ليش ماصلحوها هذا غير النور الخربان والمكيف اللي مايبرد والسبووره الوصخه والطاولات المكسوره طبعا مو كلها مكسوره بعض منها

وهذااا غيرررر المسؤلات حدث ولاحرررج انفسهم بروس خشومهم جايين للاكل والشرب من تطلب من وحده منهم شغله قامت طولت صوتها وقالت مو عندي شووفي فلانه ويالله فلانه تقول روحي لفلانه طيب وحنا ؟؟ من يخلص شغلنا ؟؟

نجلس نطامر بين غرف المسؤلات كأننا نطر منهم

واحيانا نجي نلقى الغرف مقفله ليه ؟؟ انتو جايين تقفلون غرفكم وتاكلون ؟؟

حنا من يخدمنا اوراقنا من يصلحها ؟؟

يعني مدري وش اقوول4 سنين عايشين بعذااااب الواحد يطلعها منها مايفكر يرجع لها ولا يذكرها بالخير

اتمنى انو الموضووع ماينحذف ولا يغلللق لانه مهم في سبيل نجاااااح كليتنا الوحيده ومافي نجاح من غير انتقاااد


اتمنى اني ماطوولت عليكم واعذورني على الكلام الجارح بس هذي الحقيقه

[أبو رائد]

وعليكم السلام ورحمة الله وبركاته


الموضوع ما يغلق ولا يحذف طبعا إلا إذا كانت فيه إساءة لأحد

أما إذا كانت المواضيع للمطالبة والنقد البناء فسوف تبقى إن شاء الله

ويجيب من له علم بالموضوع .. وتتم المناقشة بإذن الله

[رنين حلم]

اشكرك اخوي ابو رائد على استجابتك لطلبي وان دل دل على حرصك للرقي الى الافضل ان شاء الله

[الهلالي2010]

شكرا لك على الموضوع
اذا كان هذا الواقع كما ذكرتي فان الموضوع خطير جدا ولايمكن السكوت علي بأي حال من الأحوال
أما قضية حذف الموضوع فاعتقد ان الإخوة المشرفين والإدارة لاتحذف اي موضوع مهم يخدم المصلحة العامة المشتركة للجميع ولكن اذا حصل فيه تطاول على اشخاص بعينهم او تعدي بالكلام والألفاظ او تجريح لأحد اوخروج عن النص فأكيد لازم يحذف الموضوع 0000 شكرا لك مرة أخرى00

[×|| حلمـ الطفوله ||×]

[align=center]
أنا ماراح أعلق على أي كلمه بالموضوع

وأكتفي بالقول

إني ماقد مره شفت موضوع يتكلم عن الإيجابيات

كله نتكلم عن السلبيات ونجلس ننبش عن الأخطاء اللي تصير

وأنا لاني خريجه هالكليه

ولا درست فيها

لكن ..

أنا أشوف مثل ماتشوفون وأسمع مثل ماتسمعون

والكل يشهد إن الكلية تغيرت بهالسنه عن السنوات السابقه وهالشي يتكلمون عنه في مجالس الرجال مو بس مجالسنا

ويعتبر جحود مننا لما ننكر جهود العميدة الجديده اللي صارت بهالسنه

وعلى فكره

وما اقول الا الله يسامح العميدات السابقات اللي خلوا الكليه بهذا الوضع المزري

وأخيراً ..

اتمنى منك ذكر كل الايجابيات اللي صارت في خلال هالسنه

زي ماذكرتي السلبيات ..

تحيه عطرهـ

.
.

[/align]

[ناصر الزعبي]

مثل ماقال اخوي ابو رائد النقد الهادف من غير تجريح لايحذف بالرائدية

[كلي خفجاويه]

وعليكم السلام ورحمة الله وبركاته ..

اقتباس المشاركة الأصلية كتبت بواسطة رنين حلم وهذااا غيرررر المسؤلات حدث ولاحرررج انفسهم بروس خشومهم جايين للاكل والشرب من تطلب من وحده منهم شغله قامت طولت صوتها وقالت مو عندي شووفي فلانه ويالله فلانه تقول روحي لفلانه طيب وحنا ؟؟ من يخلص شغلنا ؟؟ نجلس نطامر بين غرف المسؤلات كأننا نطر منهم واحيانا نجي نلقى الغرف مقفله ليه ؟؟ انتو جايين تقفلون غرفكم وتاكلون ؟؟ حنا من يخدمنا اوراقنا من يصلحها ؟؟

فـي هـذي انـا مـعاك والله انـي اروح مـن وحـده للثـانيه ولا فيه فايده ولا اطلع بنتيجه يعني ابي افهم اذا مو انتي ولا اللي جنبك راح تخلص اشغالنا اجل من يخلصها .. ؟؟؟؟

اذكـر مره رحت اخـذ الوثيقه تبع اختـي صح مـا قصرت
معـاي وحده من المسؤولات هنـاك لكـن لما تعـبت خربشت
السجل الاكـاديمي وسلمتني اياه يعني تخـيلوا عطـتـني السجل
الاكاديمي معطـيتني اياه لكن مشطوب عليه ومعدل فيه بعض
الاشياء

يوم راحت اختي تسجل على اساس تكمل ماجستير قالوا لها السجل الاكاديمي مو مضبوط على بالهم اختي لاعبه فيه ..

ولما رجعت على اساس يعدلونه رحت لوحده بالكليه طلبتها تعدله قالت مو لازم الجامعات يحبون يعقدون
اجـل انتوا وش تحبون ؟؟

ومن نـاحـية النـظافة للأسف الغلط من الطالبات والكلية نـفسها

يعني الحـين جـايبين عـاملات نـظافه على الكـلية كـلها اعتقد بس 2 او 3 يعنـي وش يشيلون وايش يخـلون ..

واذا على صـناديق الطالبات للحــين خـشبيه والمـعدنيه حاطينها زينه ماشفت احد مـستخدمها

والطاولات والكـراسي صار لها سنين من افتتحت الكـليه

ونجـلس عليها ساعتين ثلاث ساعات لحد ما تتكسر ظهورنا

مايصير كـذا .. بس مـاراح اتكـلم عن انها مريحه ولا لا

انا اللي بنقده عليهم انها تـكـسرت وتدمرت وللحـين نجلس عليها ..

والجـدران مـدري وش مـسوين فيها الحـين ..
خـصوصا قـسم اللغه العربيه الدور الثـالث غـيروا اشياء بسيطه احنا ما نبي زينه وما ادري ايش على الجدران
يعني بخاخات ومدري ايش الله يصلحهم الصراحه تشوه الجدران والقسم كاااامل (( يبون يكـحلونها عمـوها ))


ومن نـاحية العـميدة الجـديده صـح مـا قصـرت لكـن فيه اشياء احنا محـتـاجين انها تتـغير

الشي اللي تغـير وكنـا نبيه المـكيفات والتـشديد على الطـالبات
مـثلا في الحـضور والغياب وشغلات مـثل كـذا...


وش نكـتب عن الكـليه وش نخـلي والله يا ما تكـلمنا ياما طـلبنا ابسط حقوقنا منها لكن للأسف لا حياة لمن تنادي ..


اعـــذروووني على الاطــاله ..

وربي يعطيك الف عافيه اختي رنين حــلم .. وسلمتي على طرحك

[رنين حلم]

منوررررين ياللي شرفتوو مووضووعي ..

الاخت حلم تقول نتكلم عن الايجابيات ؟ قولي اي ايجابيات نتكلم عنها ؟ عن الاستاذات ولا عن المسؤلات ولاعن التكييف ولاعن المقاعد ولاعن الشبكات اللي اغلبها معطله ولاعن زحمه القاعات ولاعن الكفتريا ولاعن نظافه الحمامات اعزكم الله

يعني يااختي ابي حسنه وحده اقولها عن الكليه بس موعارفه وش اقوول
يمكن الحسنه الوحيده انها ضمتنا من ضمن منسوباتها :(

[بشاش]

[glow=666666]

موفق بإذن الله ... لك مني أجمل تحية .

[/glow]

[معلمة مسرحة]

الله يساعدكم
بس يبيلكم ترفعوا خطابات للمسؤولين