[poem=font="arial,6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كثر الله خيرك يالزمان الشحيح = من عرفتك وانا ماشفت منك بركه
من عرفت الزمن ماصح غير الصحيح = لكن الحظ الأقشر ماقدرت أتركه
والله إني أغبط الخافق المستريح = حظ من سار في درب الهدى وسلكه
أطرد الحظ وأتعبني بكثر المطيح = كل ماجيت قربه ماقدرت امسكه
باني وسط قلبي للمآسي ضريح = كل ماخطت جرح جاء جديد أفتكه
مانفع قلبي الهايم كثير النصيح = صادني بإحتيال وخطه محنكه
كل مامر طيفه قمت أصوت واصيح = مير يرجع صدى صوتي ولا يدركه
سج ياقلبي المغرم وكونك فسيح = عل تلقى حبيب مخلص تملكه
وجعل ربي يعينك يالخفوق الجريح = ويبعدك عن دروب الذل والمهلكه
ويا لساني تحلى بالكلام الفصيح = كان تبغى تفوز وتكسب المعركه
وآخر القول خذ مني كلام فصيح = ابتعد عن دروب الذل والمهلكه
[/poem]
المواضيع المتشابهه
هلا وغلا 
العرض العادي
