القوافي الصعبه

[حمد الدليهي]

قدام خشم الريم
[poem=font="simplified arabic,4,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
العش باقي فيه تحذيفة الريش=بين الغصون اللي تمايح تعلّق
والفرخ طار وصاير ٍ عشه عشيش=تصغير عش وحلّق الطير حلّق
طير ٍ كفخ يطرد ورى لقمة العيش=وانا حصاتي في يديني وافلّق
قدام خشم الريم والذيب والجيش=حطيت لي سِلّْم عليه اتسلّق
اصعد وللقمه كفوفي مناويش=وعيون اخو سلمى تويق وتبلّق
يشوف له دوله والارزاق تحويش=دولة ادب ودروبها ماتغلّق
فاز الذكي ومضيّع العرف درويش=دربه زلق كم فيه عابر تزلّق

[/poem]

[حمد الدليهي]

[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياشيخ ياللي من ورى الحد ياشيخ=تعال وافتح لك دروج المكاتب
حاكم على شعبه يوجه صواريخ =وحاكم على شعبه يزيد الرواتب
وحنا وابو متعب تحالف وتاريخ=يعجز يفرقنا روائي وكاتب
مطنوخ في فعله وحنا مطانيخ=دوم نتفاخر فيه بااعلى المراتب
ولائنا صامد ولا فيه تشريخ=مالاتبه مع ساير الوقت لاتب
هجيج والا ذود الامه مناويخ=متكاتفين ومحتوين المعاتب
[/poem]

[حمد الدليهي]

كوكتيل كاس الغدر
[poem=font="simplified arabic,4,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يالله وانت المعتلي يالواحد الفرد البصير=يامنقدذ ٍ يونس وهو في داخل الحوت ونجا
ياخالق ٍ هذا طويل وخالق ٍ هذا قصير=ومثبت جبال الحجاز مثبت ٍ سلمى واجا
ارفع إليك مدبرات العيش وابغاك النصير=في حزة ٍ لاتاه عبدك فيك ماخاب الرجا
صيّرت في تدبير عونك بالزمن مالا يصير=لجئـتلك مسلم ومؤمن عند غيرك مالجا
ادعوك واخفض لك جناح الذل في سكة مصير=ضعيف لك وحدك وبعض الناس عرضته حجا
اعطيتهم نبذة دروس الشعر في صبح وعصير=في مدح والا في ثنا والا فخر والا هجا
كوكتيل كاس الغدر شرّبه عندهم مثل العصير=الحقد معهم سجته والطيب معهم ماسجا
الوقت دايم يكشف اللي منهجه ملعون صير=مهما تبيّن تحت نور الشمس والا في دجا[/poem]

[حمد الدليهي]

غصن الأمل
[poem=font="simplified arabic,4,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
غصن الأمل وقّف نموُّه ويابس =يسبر عسى تهدي له الغيمه رْذاذ
على الرخا .. كل ٍ تنفّذ وقابس=والا على الأزمات ياقل الانقاذ
لي حاجة ٍ من دونها القفل كابس=القفل مفتاحه ورى الباب مالاذ
وجهي بشوش وُجه الأيام عابس=النفس ماتقبل ولانيب وخاذ
بيارق امجادي قبل عصر هابس=تاريخ مايحتاج للشرح يااستاذ
حتى ولو جسمي مايلقى ملابس=اخير لي عاري ولا صرت شحاذ[/poem]

[حمد الدليهي]

هاجر حمام السلام
[poem=font="simplified arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
البارحه كان ليلـي صعـب جـداً صعـب=بانت مواريه لي من قبل وقـت العصـر
غديت دوله بلا سلطه وفوضـت شعِب=والشعب داخل حـدوده ماطلـع منحصـر
هاجر حمام السلام وكـل شـارع رعـب=يعني مصايب وسلب ونهـب بالمختصـر
ياهو تعب مابعـد مثلـه غزانـي تعـب=ولو طاول الحال عمري من وجوده قصر
وكل السبب من لعب بالقلب فعـلاً لعـب=لعب لعب لعب ياسر في دفاع النصر
خلا الجماهير تهتـف والمـدرب زعـب=والنصر ذاق الهزيمه والهـلال انتصـر
الصد يزعج مـن الهامـه لّْحـد الكعـب=والوصل يشبه لّْنهر النيل غـذى مصر[/poem]

[حمد الدليهي]

أرمل الأفكار
[poem=font="simplified arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
دارت الأيــام والـعـاقـل تـأمــل=ماتقـدم خيـر يمنـى كــل طـاغـي
الأصـايـل تسـتـجـد وماتـسـمّـل=ماتخالفنـي وانـا صـاحـي دمـاغـي
الأصـابـع كل ماقـامـت تنـمّـل=زاغ قلـب الفـارس اللـي مايـزاغـي
والحليـب اللـي بقـى ماهو مشمّـل=ضايفـه موجود فـي نبـذة بـلاغـي
ارمـل الأفـكـار يقـعـد ويتـرمّـل=مايحقـق شهـرة جميـحـي وُنـاغـي
مـن تعـذّرْ عـن لـزومـه ماتجـمّـل=هيكل ٍ في ثوب وعقال وُشماغي
خطوتـه للخـلـف منـبـوذ ٍ مهـمّـل=من صفـوف المجتمـع لاغيّـه لاغـي
الجمْـل لاصـار يـجـزع ماتحـمّـل=لو هدرمرّه يصير أمرار راغـي
الثـوابـت واضـحـه ماتنـتـزمّـل=يفرق الرافض عـن اللـي قـال باغـي
الغنـايـم للـعـزوم الـلـي مصـمّـل=ماتحققـهـا سوالـيـف الـفـراغـي
مـن يتابـع نقـص غيّـره مايكـمّـل=عاش همـه دام للنـاس استساغـي[/poem]

[حمد الدليهي]

خلـوه ياخذنـي

[poem=font="simplified arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
نهيّـتـهـمْ واشـوفـهـم ماتنـيـهـو=وانـا معـي شاهـد وشـاهـد وحـجّـه
علـى عماهـم فـي خطـاهـم تبيـهـو=وصاروا مثل طيـر ٍ تقـفـاه عـجّـه
افضلهـم اللـي بالتلـفـق تزيـهـو=اليّـا تحيّـزمْ شــوف ظـلـه يهـجّـه
الداهيه غيّـره رجـال ٍ تديهـو=مثل الذيابـه كـل ريع ٍ تلجّـه
مابـه تقهـوى مابـه إلا تقيـهـو=يابوزبـادي لـك زباديْـك رجّــه
يبقى هلا ممشـاي ماهـو هليهـو=ياللـي تخلـطـون التـمـر والتـرجّـه
مااحاول اسهى مع جمـوع ٍ تسيهـو=راسي مايرضى سيطرت قوم دجّـه
واللـي تعلـق فـيـه قلـبـي وُتيـهـو=تيهة مساري قيس مـع كـل فجّـه
خلـوه ياخذنـي علـى مايـبـي هــو=فـي طاعتـه فيـمـا يبيـنـي مـوجّـه
ملّهى مع اللي بالسوالف تليهو=اسـج فـي طاريـه سـجـه وسـجّـه[/poem]