على الله يازمن

[مخاوي الشوق]

على الله ي زمن




على الله يازمن بشكي جروحي والليالـي طـوال
على الله يازمن بشكي جروحي والليالـي طـوال
عسى راعي العنا ينسـى عنـاه وينشـرح صـدره

على الله يازمن بشكي همومـي والهمـوم جبـال
تـعـدّت عاصـمـة حـزنـي حــدود العالم بأسـره
خسـاره يالسنيـن اللـي كتبتـي سـيـرة الـرحـال
فرحت امس وحزنت اليوم بس الخـوف مـن بكـره
لساني كم شكى صمته والى منّه حكى ماقال!
طغى طبع السكوت بسيرة المحـروم مـن صغـره
سقى اللهيوم كنت اضحك وبالي مستريح البال!
ضحـوكٍ ماعرفـت الحـزن وش معنـاه وش قــدره؟
وكبـرت وكبـرت احلامـي وصـارت قـصـة التـرحـال
اماني فـي مهـب الريح وحـلمٍ ماكتـمل بـدره
بعذر اللي مع ايامه جلـس يبكـي علـى الاطـلال
تـذكر مـاضـي افـراحـه الـين خنـقتـه العـبـره
عزيـزه يالعـيـون اللي حضنـتـي دمـعـة الـرجّـال
حبستي دمعتـه بين المحاجـر يـوم ضــاع امــره
عزيـزه يالحـروف اللي سكـتـي والـكـلام يـقـال
حكيتـي ماشكيتـي الهـمّ وهـمّ القلـب ياكـبـره
عزيزه ياليدين اللـي ثنيـتـك باصـعـب الاحــوال
اكفّـك ساعـة الحاجـه وامــدّك سـاعـة الـقـدره!
وعزيزالنفـس لو يصبـر علـى صبـر الليالـي نـال
ابصـبـر والرجـل يصبر ومقـيـاس الـرجـل صـبـره
انـا منهـو حمـل همّـه علـى راسـه تقـول عقـال!
مجـاديـف الـزمـن دارت علـيـه ونَسـف الغـتره!
وانامنهـو فقد صوتـه وبعـض الـصـوت بــه مازال
دعـيت الله يـفرّجـهـا عــليّ وبــحَّــت الـنـبـره
أشيل الحمل عن غيـري وحملـي صـار ماينشـال
كماالشيـخ الهزيـل اللـي مشيبـه منقـضٍ ظهـره
جروحـي مزنـةٍ منهـا هطـل فيـض الشعـر همّـال
سقـت جـدب العـروق اللـي تبلـل ريقـهـا قـطـره
وعـن حـر الزمـن صـارت حروفـي للـجـروح ظــلال
تـذرّت عـن هبـوب اليـاس حلـمٍ قـد بـنـى قـصـره
عسـاهـا للمـطـر روحٍ بهـاوادي الظـمـا مـاسـال
عــروق سنينها جـفّـت وورّاهـا الـزمن غـــدره
عسـاهـا للمـطـر روحٍ قـضــى مرباعـهـا مـاطـال
كساهـا ثوبهـا الاصفـر وكانـت تلـبـس الخـضـره
علـى اللهينجـلـي وقــتٍ قضيـتـه هــمٍ و غـربـال
ويشعّ النور فـي قلـبٍ غشـى ليـل الظَلَـم فجـره
عـلـى الله والـولي الله وبامـر الله يـزيـن الـحال
ويضحك للزمـن قلـبٍ مـع همومـه قضـى عمـره

[دانة الكون]

ابيات مميزه
صح لسان الشاعر

الف شكر

[عبدالله المطيري]

:
،
صح لسانك
لا تحرمنا من طلتك المميزه
ألــف شكر
.....................

[مخاوي الشوق]

الشكر لكي يادانة الكون ومرورك الجميل والرائع

اخي هنيالك تسلم اخي على مرورك الطيب وكلامك

[شمس الرائدية]

’

صح نقلك و منقولك ..
آبدعت بآلجلب ..
تقديري ..’’

[مخاوي الشوق]

الرائع هو مرورك ياشمس الرائدية وكلامك الجميل

[الدووووخي]

روووووووووعه ..

صح لساااااااااانكـ ..

[مخاوي الشوق]

تسسسسسسسسسسسسسسسلم يادخدخ على مرورك الطيب