يامحطة ضحكتة

[مخاوي الشوق]

إنشد الشوق ببراءة في ضلوعي كم لبث

وإسأله .. هو للجروح اللي يسببها دوا ؟؟

خابر إنّه ذيبٍ أمعط ما يهرول من عبث

والعطايب نهشْته والذكريات إذا عوى

والهوى ما فيه خير وما وراه إلا الخبث

وأستعيذ بخالقي لا آكون طايع للهوى

وأذكر الله طامعٍ في رحمته يوم البعث

وألعن الشيطان مع جنده ملاعين الثوا

وأكفخ لصيد السمينه وأجتنب ما كان غث

والردى ما هو بعلّه فـ الشجر يومه ذوا

يامحطّة ضحكته ما ينقطع للطيف بث ؟؟

والمصيبة جاوبتني ضحكته .. ما لك لوا

والطواري في هجوسي ناشبه نشبة شبث

ما تعدي ليلتي .. والبال من ذكره خوا

سافر وناوي يحج البيت يوم إنّه ورث ..

طيبة أمه والعفاف اللي من طهوره ضوا

وبالمشاعر لا فسوق ولا جدال ولا رفث

كيف يحسب غيبته وحضوره بعيني سوا ؟!

حلله ربي وأنا لو جيت بأنصح له وأحث ..

لا يقول إنّه بيرحل .. لو على الغيبة نوى