الراس بيت شيوخ والحلم جاسوس
للنفس يقطع من تركها ثواني
خذني وطلعني ولو الهوى كوس
اباتنفس شي صافي وهاني
داخل تصادم فكر ومزاحم نفوس
على فتافيت الغوى والغواني
في اللوبي هذا كل شي ضايع ومعكوس
ماكن في ها الكون رب واماني
اثاثه الغامق وتصفيفة الكوس
تدل على ذوق راقي وداني
شفهم وشف كيف الفشل يجعل الروس
اشياء كماليه مابين الاذاني
وشف كيف هذا ثمل ويعثر ويدوس
على مسمى جده الاولاني
وشف كيف هالشايب برغبته محبوس
تحت شعار ان اخر العمر فاني
احس عنده عيله وبنت عروس
تخجل من ابوها كثير وتعاني
وشف ها الجمال اللي مدثر ومحيوس
مثل الكلام اللي بليا معاني
فتاة تعرض جسمها الغض بفلوس
ويبيعها في اليوم عشرين زاني
وشف هاالثنين هناك تراهم جنوس
رجال بس رجال من نوع ثاني
ضحايا نفط وقل طاعه وناموس
والام كانت طيش والاب اناني
كل الزوايا طافحه قبح ونجوس
تسبح وفي الركن الاخير المواني
واحد يغني وعنده حثاله جلوس
كئن في ها الحياة الا اغاني
ياوخز قلبي وخزة الجرح با الموس
ياعالم مافيه حلم وتفاني
في ها اللوبي مافيه ريس ومريوس
الكل بايع نفس والكل جاني
والكل عنده عذر واهي ومدروس
لو قلت له ليه انت كذا؟ قال اعاني
انا اللي اعاني من القوس للقوس
هذا ماهو بجوي ولاهو بمكاني
بركض وابي يركض معي الف فانوس
الى صباحات الغلى والتهاني
روح معي والواقع احيان كابوس
وانا ما احط اللوم على زماني
احمد ربي كل مادق ناقوس
اعرف حدودي واستحي من كياني
واصمت الا جا للحكي روس وعسوس
واضحك لو وجهي من البكي حاني
لو كل شي محسوس با الفعل ملموس
طلعت اخر جرح مابين المحاني.
المواضيع المتشابهه
العرض العادي
