لارقيب ولاحسيب بالمستشفى ..!

[sweety]

السلام عليكم ورحمة الله وبركاته
الى متى الخدمات السيئه بمستشفى العام بالخفجي
لي قريبه هناك

1- تطلع من العنايه وتطلب بطانيه عشان البرد ويقولون مافيه الا اللي عندك واغلب البطانيات
للعنايه فقط
2- تجلس يوم ونصف ماتلقى أحد يغير مفرش السرير لك وكل وحده تقول ع الثانيه.
3- نظافة المكان مافيه يجون المستخدمات يمسحون اللي عند الباب ويروحون اماتعقيم كامل للغرفه
ودورات المياه مافيه ..

لازم تروح بنفسك وتكبر الدنيا وتخلق مشاكل
عشان الكل يعرف شغله ..
ليش مافي نظام ومتابعه ..

[الراهي]

.
.
وعليكم السلام ورحمة الله وبركاته
موضوع هام .. ومعاناة متواصلة مع مستشفى الخفجي العام
الله يعينكم .. ويشافي مريضكم
.
.
صحيح المفروض يوفَّر ( غِطاء ) إضافي للمريض
وخصوصاً مع إشتداد البروده بهذه الأيام
.
.
^
^
قبل عدة أيام حصل بالمستشفى العام حاجة غريبة
ما كنت أتوقع تحصل

.
.
الأولى
وهو ( إنقطاع الماء ) على المستشفى
كنت متوقع فيه ( إحتياطات وموفرين خطط )
من أجل عدم الوقوع بخطر إنقطاع الماء
وخصوصاً بمستشفى عام
.
.
الأهم
< إن بعض أهل المرضى أتوا لـ المستشفى قبل عدة أيام
<< ( بجراكـل ماء ) أو كما يسميها البعض
( صحات ماء )
وذلك بسبب إنقطاع الماء
.
.
وبرروا هذا الفعل بسبب إنقطاع الماء
وما جاهم المشروع وووو...
.
.

.
.
الثانية
وهي النقطة التي ذكرتها وهي ( النظافة )
أو تعقيم الغرف
< مع نفس مشهد إنقطاع الماء
كانت ( العاملة ) تنظف الغرف ودورات المياه
بماء فقط وبدون معقم << وذكرت بأنه يضر المرضى
وإضطر أهل المريض أن يأتوا بمعقم ( من خارج المستشفى )
حتى يعقموا الحمامات أكرمكم الله
<< وأتت نفس العاملة وقالت عليهم
ضعوا .. ضعوا على أرضية الغرفة .. وسوف أقوم بالتنظيف
عجباً < هي تقول يضر بالمرضى
أم أن الصحيح ( لايوجد معقم بالمستشفى )
.
.
.

[sweety]

أهلاً بك استاذي الكريم ( الراهي ))..
لاعاد تستغرب شيء
المضُحك المبكي فوق اللي ذكرته ..
اليوم معي الوالده كبيره بالسن
يوم جينا نطلع مع الاصنصير( اللفت)..
قالوا لي لاتستخدمينه
لان الكهرب راح يطفي ع المستشفى
واضطرت الوالده تنزل مع الدرج
..
ماادري وش هالمستشفى مافيه
( كهرباء- ماء- انعدام النظافة )..!
وين ميزانية الصحه لهم ..! :(

[دانة الكون]

اما عاد ما فيه معقمات
لا يكون تبيعه العامله
الله يكون بالعون
المستشفى تنقصه رقابه صارمه و دقيقه ع كل شيء

[غالي و عالي]

المستشفى سايييبه
فرحنا بالتغييرات اللي صارت و للاسف الوضع على ما هو عليه

[{ شجـــــووون}]

وعليكم السلام ورحمة الله وبركاته

إي والله صدق المستخدمات بس ترش ماء بدون ما تغسل بالمكنسه وما تنظف زين
وكذلك مافي تبديل للمفارش
هذا غير الأكل الله يديم النعمه..

[وتر .]

[align=center]
ههه ليه هي وقفت على العـام ؟ أتمنى احد يروح ألأهلي الساعه 2 بالليل يشوف العز اللي فيه المراجعين والمرضى ، فعلاً ارواح بغت تروح فيه , وللأسف بعضها راحت .. ربنا يكون في العون .
[/align]

[ام هشام123]

رعاكم الله .. لاهنتم .. شكرا لتواجدكم الجميل,,