تكفون يا أهل الخفجي إستشارة عاجلة

[abuyaser140]

شكرا لكم جميعا على مروركم

أخوي (عشقي الهلال) هل حي الكيلو8 متوفر فيه الخدمات أقصد من ناحية المدارس خاصة الابتدائية الحكومية والمرافق الأخرى وشكرا على مرورك

[شاب طموح]

مرحبا
صباح الخير على الجميع

بخصوص المنافذ .. سألت لك موظف في المنفذ السعودي بالجمرك وقال لي ان الكبينة حقت موظفين الشركة هي بالاصل للديبلوماسيين ولكن لأن موظفين الشركة كثيرين جدا" فهم يفتحونها لهم لكن يقول لي الموظف اذا جيت وشفت فيه زحمة وقف بأي مكان جنب الكبينة على جنب وانزل للكبينة اختم وامش لاتوقف بالزحمة وسألته عن الجواات قال نفس الشي ينطبق على الجوازات اذا لقيتها زحمة وقف على جنب وانزل اختم وامش .. سألت لك بالمنفذ السعودي واعتقد الكويتي نفس الشي ..


أتمنى أكون افدتك ومعليش ع التأخير وتمنياتي لك بالتوفيق

[abuyaser140]

الله يسعدك وين ما رحت أخوي شاب طموح
ماقصرت كفيت ووفيت

معليش لو كثرت أسئلة عليك الله يحفظك
أخوي لو كان دوام يبدأ الساعة التاسعة صباحا فما هو أفضل وقت للخروج تلافياً لزحام المنفذ

كما أرجو إفادتي عن دوام الشركات اللي تسبب زحمة في المنفذ متى يبدأ ومتى ينتهي

وشكرا لك من القلب

[عشقي الهلال]

أخوي فيه توصيل مجانا من الحكومة لتوصيل الطالبات لمنازلهم وهذا يشمل ابتدائي ومتوسط وثانوي .... بس ما اعتقد أن فيه للطلاب بس تقدر تسئل مدير المدرسة وتتأكد ..
كل الي أعرفهم مسجلين عيالهم خاص ...

[شاب طموح]

اقتباس المشاركة الأصلية كتبت بواسطة abuyaser140 الله يسعدك وين ما رحت أخوي شاب طموح ماقصرت كفيت ووفيت معليش لو كثرت أسئلة عليك الله يحفظك أخوي لو كان دوام يبدأ الساعة التاسعة صباحا فما هو أفضل وقت للخروج تلافياً لزحام المنفذ كما أرجو إفادتي عن دوام الشركات اللي تسبب زحمة في المنفذ متى يبدأ ومتى ينتهي وشكرا لك من القلب

حياك ياغالي

في البداية شكرا" لدعائك ولك بالمثل وتمنياتي لك بالتوفيق وأهلا" بأسئلتك واستفساراتك في أي وقت

قبل لا أجيب على استفساراتك أحب أقولك شغله من باب الفائدة ، البارح بالليل كنت في الكويت - العاصمة - نفس المكان اللي فيه عملك وهو الفيحاء فما أدري ايش اللي جابك على بالي وانا رايح بالطريق فقلت خلني احسب المسافة عشان اقول للرجال هههههههه قلت يمكن تكون بحاجة لها كونك جديد على المنطقه تحتاج من تدخل الكويت مع المنفذ ساعة وعشر دقايق بس عشان تكون بالعاصمة بسرعة 120 كيلو فقط !! يعني لو داعس تاصل بوقت اقل . لاحظ اني حسبت لك الوقت من تدخل الكويت مع المنفذ مو من الخفجي !؟ لأن المنافذ على حسب وقت مشيتك يمكن تقعد بهن ربع ساعه ويمكن ثلاث ساعات !

نرجع لاستفساراتك :
بخصوص أفظل وقت لدوامك بما انه يبدأ تسعه فــ أقول بشكل عام أنا لو كنت مكانك راح اخلي لي وقت زيادة احتياط لأي ظرف ( زحمة منفذ - تعطل - زحمة الطريق بالكويت ) فعشان كذا أنا اقترح انك تطلع من بيتك 6:45 دقيقة .. وتكون الحسبة كالتالي نص ساعه هذي للمنفذين وهما غالبا" يكون فاظين بالوقت هذا وساعة ونص هذي للطريق من تدخل الكويت الى مقر عملك .. طبعا" بنائا" على الحسبة راح تاصل مقر عملك قبل وقت الدوام بنص ساعة غالبا" لكن مثل ماقلت لك الاحتياط واجب وركز على هالشي خصوصا" انك اعتقد اول مره تجي الكويت يمكن تضيع الطريق

أما عن دوام الشركات وزحمة المنفذ فــ اذا كنت طالع من الخفجي فتقريبا" من 6:10 الصبح تبدأ الزحمة غالبا" ( موظفين الشركات والمقاولين والمدرسات الله يهديهن على الزحمة ) وتنتهي الزحمة تقريبا" على الساعه 6:50 الى سبعه بالكثير << اللي جاي متأخر ههههه . يعني سبعه يكون المنفذ اشطه على قولة المصريين

أما اذا كنت جاي من الكويت ففيه توقيتين للزحمة بشكل عام ، بالنسبة للموظفين غالبا" زحمتهم تبدأ من 2:30 الى ثلاثه ونص ( غالبا" ) خصوصا" الساعه ثلاثة وربع مانصحك تجي الخفجي ابد لأنك راح تعلق بالزحمة - غالبا" - .
أما المدرسات الله يصلحهن فيعملن زحمة بدري تقريبا" ولأن مدارسهن مختلفة فبعضهن يبدرن يجن قبل الثنتين لكن الاغلب على الثنتين ..
فصلت لك الاوقات بالتفصيل عشان تعرف ايش اللي صاير وتكون بالصورة لكن بشكل عام من الثنين الى ثلاثه ونص الزحمة وارجع اقولك موظفين الميناء يعملون زحمة الساعه ثلاثة وربع .



ملاحظة صغيرونه : اقدر اجاوب على استفساراتك بشكل عام واختصر المسألة علي وعليك لكني مااحب هالنوع خصوصا" مع واحد جديد على المنطقه ، فظلت اني اعطيك البيانات بالتفصيل عشان تفهم الوضع هنا وبعدين انت تقرر من نفسك .


اعتذر مره اخرى ياغالي على تأخري بالرد لكن مثل مانت شايف حايسين الله المستعان بين الخفجي والكويت .. على فكرة اذا بغيت تروح العاصمة هاليومين _ يعني قريب- لاتروح مع طريق - الملك عبدالعزيز - لأن كلاه السيل وقفلوه ما ادري الحين فتحوه او لا لكن البارح واقفه عليه دوريات فعشان كذا رح مع طريق - الملك فهد - ترتاح نفسيا" وتاصل بدري باذن الله .

تحياتي وتمنياتي لك بالتوفيق ( اذا بغيت تاخذ معاك المدام فـ اطلع بدري بربع ساعة احتياط لو يكون مطابق الحريم زحمة )

[abuyaser140]

السلام عليكم
أخوي شاب طموح صراحة لساني عاجز جدا عن شكرك
ماأدري أتكلم على سعة صدرك أو أتكلم على تفصيلك الرائع جدا للموضوع
صراحة هنيئا للموقع بوجود شخص مثلك
والله يارب إن يستر عليك في الدنيا والآخرة
ويوفقك وين ماكنت وين ما رحت
أستودعك الله ياغالي.

[شاب طموح]

اقتباس المشاركة الأصلية كتبت بواسطة abuyaser140 السلام عليكم أخوي شاب طموح صراحة لساني عاجز جدا عن شكرك ماأدري أتكلم على سعة صدرك أو أتكلم على تفصيلك الرائع جدا للموضوع صراحة هنيئا للموقع بوجود شخص مثلك والله يارب إن يستر عليك في الدنيا والآخرة ويوفقك وين ماكنت وين ما رحت أستودعك الله ياغالي.

مساء الخير

بارك الله فيك على دعائك ولك بالمثل ياغالي . شكرا" على اطرائك اللذي لا استحقه ..

أتمنى لك وللجميع التوفيق