استفسار من الاخوان للاهمية

[ابو ردينا]

السلام عليكم ورحمة الله وبركاته
تم البحث في قوقل عن موقع سوق الخضار والفواكه والاغنام بالخفجي ولم اجد اي معلومه تفيدني انا لم ازر الخفجي من قبل وتحتم
علي الذهاب واداء واجب لشخص يهمني امره كثير بالكويت وحاب اكرمه ولا اخسره وحبيت اخذ معي له ذبيحة وتوابعها من الفواكه اللتي تعبرعن معزة الشخص عندي وتقدير له فحاب اسئلكم عن موقع سوق الخضار والفواكة والاغنام وهل ادخالها للكويت غير مخالف للقانون واذا بعد الاسعار عندكم كيف هل تختلف كثير عن مناطق المملكه ارجو افادتي الاني محتار مع العلم انا بكون قادم من مسافه لا تقل عن 1500 كيلو وشكرا

[زياد المبارك]

هلا فيك اخوي ابوردينا

ادخال الذبائح عبر الحدود غير نظامي

الاسعار بالكويت اغلى من السعودية بحوالي 200ريال

وبالنسبة للخفجي اهلها طيبين واذا سألت اي واحد راح يدلك المكان اللي تبيه بكل رحابة صدر

وحياك الله

[دانة الكون]

وعليكم السلام ورحمة الله وبركاته
اعتقد ممنوع تدخل ذبيحه او لها اجراءات طويله و معقده
اما الفواكه بكل شارع تلاقي خضار
و عندك اسواق المزرعه فيها جزء مخصص للخضار و الفواكه

و ان شاء الله الاعضاء يفيدونك

[الطالب المستجد]

موفق بإذن الله ... لك مني أجمل تحية .

[ابو فهد 77]

الايام هذي انت بشخصك دخولك للكويت غير مستحب كسعودي
تدري هاجس كورونا يغلق الاشقاء سيما وقد عرف في بلادنا يعني صرنا شبهه.
ثم يااخي بهالحر تبي تاخذ ذبيحه يخوي خذلك تمر فاخر او مجموعه عطور او بخور او اي شي من انتاج البلد
وياحبذا سجاده صلاة وربطه مساويك وماء زمزم
عاد النتائج الله يعينك عليها.

[شاب طموح]

مرحبا
تاصل بالسلامه ان شاء الله ..

اذا قصدك تاخذ ذبيحه مطبوخه بصحون مافيه مشكله عادي احنا اكثر من مره ناخذ معنا ذبايح للكويت لأنها ارخص .
اما اذا قصدك تاخذ ذبيحه حيه يعني خروف فهذا ممنوع .
سعر الذبيحه الطيبه تقريبا" 1200 ريال على اخر علم لي .
فيه سوق للخضار والفواكه اذا وصلت الخفجي بالسلامه اسال اي بنقالي بالشارع ويدلك .

المعذره على ردي المتأخر