مواقف مضحكه

[الريم]

السلام عليكم، تحيه عطرره وبعد اتوجه لكل من اعضاء الرائديه المحترمين واقولهم
ليه مان نلعب لعبه حلوووه كل واحد يقولي موقف مضحك صارله
انا الحين مو حاضرني اي موقف
فتفضلووا ولا تحرموني من ردودكم
:p :love :p :love :p :love

[أبو رائد]

[c]
الله يعطيك العافية يا الريم


وأشكرك على هذا الجهد الطيب في المنتدى


وأبي أبدأ انا بموقف صار لي .. مع إنه مو بسيط .. لكن كبداية للموضوع

وننتظر من الأعضاء المشاركات ...


........

بالعادة ... إني ما اتصل على المسابقات اللي دائما تصير في التلفونات أو في الرقم 700


لكن مره صارت مسابقة في بداية رمضان .. فقلت خلني اشارك .. شاركت وجاوبت إجابة صحيحة

وتقريبا في 27 رمضان .. اتصل علي شخص وقالي الأخ فلان الفلاني

قلت نعم .. قال مبروووك فزت معنا بـ 25 ألف ريال

وسألني وش ناوي تسوي بالفلوس .. قلت إذا وصلت يدبرها الله

ثم سألني سؤال ثاني .. قالي .. طيب صديقك فلان الفلاني .. ما تعطيه شي ( اسم المتكلم )



فطلع .. مقلب :( قلت اعطيه الفلوس كلها .. وسويت نفسي ما مشى علي المقلب





وسلامتكم ،،



ولك تحياتي ،،

أبو رائد


[/c]

[الريم]

تسلم على المشاركه ابو رائد
يا اعضااء المنتدى وينكم ليش ما تشاركوون


انا زعلت عليكم خلاص

[غريب الدار]

يعطيك العافيه ياريم على هالموضوع

ولا تزعلين طال عمرك خذي هالموقف

هذا يا ستي قبل فتره ماهي بالقصيره حضرت حفل تكريم لناا في العمل وطبعاا عدد الحضور بدون مبالغه يتجاوز 600 شخص
المهم جاا وقت تقديم الجواائز للمسابقه اللي كانو مسوينهااا

>>>>>>>>> طبعا خويكم هذا مالكم امل يكسب حتى ولو انه كان مشترك لحاله

المهم طلع اسمي من بين هذولي اللي فاازو بالمساابقه

مع اني ماكنت مشارك بالمساابقه

طبعا استغربت بس قلت في نفسي يالله ياولد اخيراا جااء وقت الفرج صرت تكسب محد قدك

استلمت الجاائزه وطبعا كنت طاير في العجه مبسوووط

لكن لسووء الحظ وعشان تعرفون اني مقروود وانا طالع مع الدرج نادوني وش تتوقعون السبب

طلع تشابه اسماااء

ياحييييييييييييه

العن ام الاحراج وجهي انقلب الوان ساعتهااا وطبعا الحضور اللي كانو موجودين
فيه اللي منهم يضحك واللي منهم اشفق علي

اما انا بهالوقت كنت ادور للباب اللي خشيت منه

تصدقوون اني ضيعته ولاااااااااااااااااا والمشكله انه كان فيه اكثر من مخرج لكن تعرفون هول الصدمه

والله ياني انحرجت حتى يوم طلعت حسيت ان الشعب ياشرون علي

600 شخص واااااااااااااااااااااااو

المهم يا شباب انتبهو ولا تسوون زيي اذا فيه احد منكم طلع اسمه يطنش يطنش
خل الجائزه تقعد وبعد الحفل ياخذهاا اذا مابقى ولا احد في الصاااله

وسلااااااااااااامتكم

[ابو سلطان]

من اغرب واطرف موقف في حياتي يوم ركبت الطياره اول مره وكانت متجه من الدمام الي الطائف ولم تكن مباشره لان الطائره ستقف بالرياض وبالفعل ركبت الطياره وتوجهنا للرياض للهبوط وثم الاقلاع وبعدان اعلن المضيف عبر الميكرفون بان المسافرين للطايف عليهم البقاء لمواصلة الر حله حدث التباس باذني وكاني سمعته يقول علي المسافرين النزول وبالفعل اخذت شنطتي ونزلت مع الخيل ياشقرا ودخلت مطار الرياض وجلست عند اقرب كرسي وجلست اتفرج بخلق الله ناس رايحه وناس جايه المهم جلست حوالي ساعه وانا استني متي الطيار ه بتقلع ونقعت بالمطار لين مليت وبعد ها سالت واحد عن طيارة الطايف متي موعد اقلاعها قالي صح النوم اخوي الطياره وصلت الطايف بصراحه صرت في حالة ذهول وموقف الله لايوريكم :love

[الريم]

غريب اما موقف محرج بجد الحمد لله ولا مره صارلي هالموقف
مشكوور على المرور اخوي غريب .......
ابو سلطان الصراحه انك قاضي لي هالدرجه ما تسمع وش يقوول الطيار
ومشكووور ايضا ابو سلطان على المشاركه