صدر بحمد الله الموافقة الكريمة على سفرنا إلى الطائف ومكة واحتمال جدة..وعليه يتم تبليغ الأخ حمد وباقي شلته..وأخبرنا أنه سيكون الإقلاع الساعة الثالثة إلا ربع<< الأخت دقيقه جدا
واخيررررررررررراااا ..بنسااااااااافر ..
ما اعرف اعبر عن شعوري بالفرحة إلا أنى قمت وقفزت على ابوى لأقبل راسة وانفه وشواربة والنقطه ( هي نقطه من الشعر إلى بين الشفة السفلى واللحية)
وأنا إلى افتح قاموس الكلمات الرقيقة<< مهيب عاده (الله يعافيك ويجزاك الجنة الله يخليك لنا يااحلى ابوى في الدنيا)
وبعدهاا اطيرررررر الى الغرفه اولم اغراضي وكالعاده تهاوشنا انا واخوانى على الشنط..اناااا اشوف انه من حقى كونى اختهم الكبيره ان اخذ الشنطه الجديده وهم ياخذون الشنط القماشيه..
المهم اتفقنا ان مى تاخذ الشنطه الجديده بشررررررط وهوووو انى أجلس جنب الدريشه..<< دائما مغلوبه على أمرهااا..
وحطيت كل مايخطر فى بالكم لا وحتى الى مايخطر على بالكم <<اصلا ماحلمووو فيك..
حطيت اكسسوارات ومكياج واقلام وخيط وابره.. وبعداشياء أعرف ان أمى بتنساها وبتفرح ان لقتها معى هناك مثل علبه مناديل صابون تايد ليفة قدر ضغط علبتين تونه<< سنعه بس محد مقدرهااا
المهم الشنطه بتنفجر من الاغراض وبالموت سكرتهاا طبعااا بعد ماجلست عليهااا الشغاله الحمد لله تسكرت الشنطه وكتبت عليهااا قاااااابل للكسر (تعرفون اغراضى مهمه)
جااااااااااااء اليوم الموعود لبسنا وتكشخناا ورحنا للمطار وتسابقنااا الى البوابه ودخلنا للطياره واستقبلتنا المضيفه الى دلتنا على مقاعدناا وحسب الاتفاقيه جلست جنب الدريشه الى اكتشفت فى الاخير انهاااا تطل على جناح الطياره يعنى ماقدرت اشوف شئ <<عين حاسد الله يكافينا الشر
وبدأت المعاناة المعروفه..حيث يقوم المضيفون بجهود جباره وبذل المستحيل لتكون مقاعد العائله متقاربة فى حين يتناثر العزاب هنا وهناك <<قااااااهرينهاااا
والله انا عندى اقتراح اتمنى تسمع فيه الخطوط هو ان تقسم الطياره قسمين واحد للرجال والثانى للنساء << على كيفك..
علشان نأكل بحريه ونتعرف على البنات<< هذا همهااااا
انا موتىاذا قدمت المضيفه الكافى لاخوى وهى تبتسم له وهو فرحان ومستحى ويهذرى بكلام يحسبه انجليزى (فوووود،فرانسوا،ثرتى ون،ويلكم)<< طبعا هى تبتسم تجامله وهو يظنها معجبه بخرابيطه ..
المهم استقرت الأمور واقلعت الطياره ومادريت الا واختى ريم تنغزنى (يالله متى يعطونا الاكل) وتطل كل شوى على الممر وانا قمت بالواجب واقرصهاا عيب والله لاحيا ولابعضه..
والتفت الا اخوى بدا ممارسه هواياته فى زياره دورات المياه واقوم واروح اطق الباب بقوة وصرخت صرخه حتى كابتن الطياره سمعهاااا واقوله اطلع بسرعه وهو الى يطلع خيرررر فيه شئ؟؟ ومادريت الا وانا فى كرسيي واقوله بصوت خافت اصبر كلها كم ساعه واتفرغ لك!! << قويه..
واثنااااء جلوسنا وكعاده الشعب ااالعربي نعيش حياه اخويه فكل واحد يأخذ راحته وكأنه فى بيته فالأخ فى المعقد الامامى منبطح على اخر درجه بغى يخنقنى ويطل على رأسي مجموعه من الرؤوس الصغيره مغرده..<<من زين هالاصوات..
وفى هذه الاثناء<< خلاص كم مره قلتيهااا.. تسمعون صوت اب يصرخ فى ابنه ياااااااااولد إجلس يا ح.. ..ك..... يااااا(....) املؤااا الفراغ بالكلمه المناسبه...
المواضيع المتشابهه
انا موتىاذا قدمت المضيفه الكافى لاخوى وهى تبتسم له وهو فرحان ومستحى ويهذرى بكلام يحسبه انجليزى (فوووود،فرانسوا،ثرتى ون،ويلكم)<< طبعا هى تبتسم تجامله وهو يظنها معجبه بخرابيطه 
العرض العادي
