الجيب والقرناس وخوة أهل الطيب .............. تسوى مقابلة الحضر بالمدينة .. !!

[أبو فهاد]

الجيب والقرناس وخوة هل الطيب *** تسوى مجالست الحضر فالمدينه
ما أسبّهم واعرف انا مابهم عيب *** بس الهوى ياهل الهوى حـد ( لينـه )
عزبه وخيمه والصحاري مضاريب *** والتيس من قبل الضحى صالخينه
ومعلقينه من كراعه على الجيب *** والبـن الاشقـر تونـا حامسينـه
شبّت حطب ماهي بشبة عياسيب *** ارطـا وعرفـج يمنّـا حاطبينـه
واليا سنت شب الجروم اللواهيب *** قام المقهوي قّرب المـاء بدينـه
ركّب دلال مجلدات المقاظيب *** بغـداد مـن سـوق الحفـر جالبينـه
بيضن تلالا يطعمن المشاريب *** تبعد عـن انفـوس العبـاد الغبينـه
واليا احتمى ماهن يشيل المراكيب *** يحـط كيفـن بالنجـر طاحنينـه
فنجال ونص وردهن يمه قريب *** وجاب البريق وسكـره فـي بطينـه
وحطه على صفه هذيك المهاذيب *** والبن فاح وركـده فـي سكينـه
وجاب الدلال الي يعرف المواجيب *** ثنتين غير الـي بهـن عاملينـه
مجنون كيف ورتب الامر ترتيب *** حـط البهاروريـح هيلـه يازينـه
ثم زلهن لين استوى باخر السيـب *** وحطـه بنـاره ربنـا لاتهينـه
وقال اقدعوا تمر حلو توّه امجيب *** اخلاص من دار الحسا محظرينـه
ثم صب فنجاله ومابه عذاريب *** والله علـى الفنجـال تسلـم يمينـه
مجربن ماهـوب يحتـاج تجريـب *** اي والله انـا كلنـا مجربينـه
مافيه ظيف وكل ابونا معازيب *** والشـاي خـدر والـورق حاكرينـه
وعقب السوالف والقهاوي مطاليـب *** كـل يناظـر للمواتـر بعينـه
نبي نهيّف فوق روس المراقيب *** وانفّرع القرنـاس لاجـل السمينـه
اليا خطفها خطفتن بالمخاليب *** تبري النفـوس الضيقـات الحزينـه
واليا انتهى المقناص جبنا مكاسيب *** والحر الاشقر عقبها مبرقعينـه
ونمشي ونلقا يمّنا فطر شيب *** ومفرود يطرد مـن ورى امـه تنينـه
وسط النفود ولانمر الشخانيب *** نخاف من ظرب الحصـى فالمكينـه
ووساع صدر ونطقنا بالتراحيب *** واعقولنـا هـي العقـول الرزينـه
ياليت لي دورن بغوج الاطانيب *** وانسى حضارات الخـراب وسنينـه
اخير من طرد البنات الرعابيب *** واحدن تسمّع مـن عذابـه ونينـه
ممشاي صح وخوتي للاشانيب *** رجل يصد اعـن المراجـل ياشينـه







الشاعر : عبدالكريم الجباري .. !!!

[الضيغم]

الله

الله

الله


الله عليكـ يا مبدع وش هالذوق يا ذووووق ..



رووووووووووعه القصيده صح لسان شاعرها وسلمت يمين ناقلها ..



بصراحه الشاعر عبدالكريم حمسنا على الطلعات يابو فهاد يوم قال :



شبّت حطب ماهي بشبة عياسيب *** ارطـا وعرفـج يمنّـا حاطبينـه


ثم زلهن لين استوى باخر السيـب *** وحطـه بنـاره ربنـا لاتهينـه



مجنوووووووووووووووون


مرزوق نبي نطلع لنا طلعه ترد الروح ..


مشكور مره ثانيه وبالتوفيق للجميع ..

[جليس الرائدية]

أعجبتني قافية الشعر

سلمت على نقلها يا نواف

[أبو فهاد]

اقتباس المشاركة الأصلية كتبت بواسطة جليس الرائدية أعجبتني قافية الشعر سلمت على نقلها يا نواف

حياك الله بس أنا ماني نواف .. !!

[داعــ العين ــج]

هــلا بك



أبو فهـآد




قصــيدة في قمـة الروووعــة ..



يعـطيك العـآفية ..


لاهنت يالغــلآ ..

[أبو الهنـــــوف]

سلّـــمت يمينك يأبو فهااااااااااااد ...


نقل و لا أروع .. الله يعطيك العافية يالغالي

اقتباس ووساع صدر ونطقنا بالتراحيب *** واعقولنـا هـي العقـول الرزينـه ياليت لي دورن بغوج الاطانيب *** وانسى حضارات الخـراب وسنينـه اخير من طرد البنات الرعابيب *** واحدن تسمّع مـن عذابـه ونينـه ممشاي صح وخوتي للاشانيب *** رجل يصد اعـن المراجـل ياشينـه

مميز حتى في نقلك للقصائد ..

[نوماس الدبلوماس]

[align=center]قال اقدعوا تمر حلو توّه امجيب *** اخلاص من دار الحسا محظرينـه
ثم صب فنجاله ومابه عذاريب *** والله علـى الفنجـال تسلـم يمينـه


بيض الله وجهك .. صح لسانك .. يعطيك العافية ولاهنت يالغلا يابو فهد

احترامي وتقديري لشخصك ..[/align]