ღღ هـَذهـَہ قصيــَدهـہ رائــع ـهـہ بكــل ما تعنيــهـہ الكـلمــهہ ღღ
للــشاع ـر المبــدع والمتـألق دوِـوِمــاً <~--~ { ح ـاَمِدً زيـَدٍ } ...,’
......
........
عفى الله عن خطى غدر الخناجر والقلوب أبطال
............... بسامح وأتركك تحت الظالم الحالك إلحـالك
دخيلك وفـّر دموعك ترى هدر الدموع ذلال
............... وترى ما فيه أحد يصبر مثل صبري بغربالك
أنا عيب ٍ عليّ أنقض كلامي والرجال أفعال
............... وإذا قلت أقطع حبالك تراني بقطع حبالك
عشان أكسب هدب عينك تجرّعت العذاب أشكال
............... وليتك ترأف بحالي علشان أرأف بحالك
مسوّي في حياتي شي لا يذكر ولا ينقال
............... حشى العدو حتى العدو ما يعمل أعمالك
تمسّيني على الهم وتصبّحني على الغربال
............... تقـلّبني فناجيلك وتقْصِــر عنّــــي دلالك
تحمّلت التعب لأجلك وأنا حملي يهدّ جبال
.............. رحلت من العذاب وما وقفت إلا على جالك
علامك.. كل ما جيك متواضع جيتني تحتال
............... معك إليا متى بصبر وصبري معك يحلالك
مثل ما أقبلت لعيونك لزوم تلدّ لي بقبال
............... ومثل ما قد حشمتك حس واحشم قلبي أشوالك
أنا ماحدٍ بجابرني أساير معك هالمنوال
............... ترى لاني تبيع ٍ لك ولاني بأصغـر عيــــالك
أنا جيت أعشقك نبض ومشاعر ما أعشقك تمثال
............... أنا جيت أسكنك وأحياك وأبقى فيك وأبقـــالك
أنا جيت بظمى عاشق تعب يطرد سراب اللال
.................... أنا جيت أستفز رضاك من فرقاك وألجا لك
أنا ما همت بك عاشق أنا كنت أعشقك بخبال
............... أنا ما كنت أحبك حب أنا كنت أعشقك هالك
تخيل من كثر ما خاف تلقى للزعل مدخال
............... أخاف أخطي على طيفك وأدوس برجلي ظلالك
تبعتك والعرب تتبع رعود البارق الهمّال
............... وأنا شفت المطر يتبعك في حلّك وترحالك
كأن اللي خلق حسنك خلقني مع جسدك ظلال
............... وصرت أقرب جسد يمشي معك بقفاك وقبالك
أبي قلبك يـحـس إنه فـقـد بمحبتـه رجـــــال
............... ملكته من هدب عين وخسرت رضاه بهمالك
صحيح إن الفراق أقسى ولكن الوصال محال
............... وانا صعب ٍ علي أرضي غروري وأضعف قبالك
بعد ما حققت عيني في بعدك للرقاد آمال
.............. أعوّد للسهر.. يا خوي فال الله ولا فالك
ببدّل نظرتك فيني وجيلك كل يوم بحال
............... بكون أقرب من ثيابك عليك ولا تهيّالك
بلمّك وأنثرك وأجمعك وأرجع وأننثرك باهمال
............... بخونك وأزعلك وراضيك وأزعل منك وارضالك
أبرسم بالثرى وجهك وأبدغن صورتك برمال
............... أبشكي للعرب فرقاك وأضحك عند عــذالك
أبهديك الوصال فراق وأهديك الفراق وصال
............... بسوّي مثل ما شوفك تسوّي وأفعل أفعالك
عشان تعرف من فينا الزّعول ومن وسيع البال
............... أبيك تذوق فنجالي وأنا بذوق فنجـــــــــالك
نصيحة واحتفظ فيها قصر معك الزمن أو طال
............... أبي تسمع كلامي زين وتحطه على بالك
إذا حبك هبال أطفال إلك عندي هبال أطفال
............... لا.. وأبشر بعد بهبال حب ٍ ما هو بهبالك
وإذا قصدك تهين اسمي عشان تشمّت العذال
............... حشى لاانت ولا غيرك ولا عشرة من أشكالك
<~--~-~ دوـومــَاً مبـَدَ‘عَ 
المواضيع المتشابهه
~--~> ღღ غ ـَدِرَ { ـالـَخ ـنِاج،َـرً ... ღღ <~--~ !!
العرض العادي
