أنا يجتاحني رجفه , لو اسمـع بـس , وقـع اخطـاك
اجل وش عاد لـو شفتـك ؟؟ , حشـا , والله تموتنـي
أنا لو سلهمت عينك , بعينـي , قلـت لـك ( نفـداك )
أنـا داخــل بـوجـه الله , ووجـهـك لا تضيّعـنـي
انا من وين ماوجهـت وجهـي , فـي الوجيـه ألقـاك
أحـس انـك تبعثرنـي , ولا ادري كيـف تجمعـنـي
أجي لك شرق يسرقنـي , جنوبـك , وانسحـب منّـاك
وأجي لك غرب يسرقنـي , غروبـك وانـت تشرقنـي
[ أحـس انّـك معـي دايـم , واتـوه بعالمـك واحيـاك ]
وافوق احيان واتسائـل , لـك الله كيـف سخّرنـي ؟؟
تفاخر ( لعنبوا غيرك) , ترى غيـرك , يمـوت اهنـاك
وربـي ينتظـر كلمـه , وأصــد وهــو يكلمـنـي
ومادام الله عطا لـك شـي , فاشكـر واغتنـم ماجـاك
ومـادام اتشوفنـي ساكـن , نصيـحـه لاتحرّكـنـي
أنا لو قلت لك بانسـى , ورب البيـت , صـدق انسـاك
لذا : , لـو شفتنـي بانسـى , فانـا طالبـك تمنعنـي
واذا قـررت تمنعنـي , وشفـت ان القـرار أعـيـاك
مـا بيـك اتقـول وش تبغـى , تـرى والله تضايقنـي
انَـأبغى ؟؟ , قول وش ما ابغى !!, على بعضك كذا أبغاك
ولعيـونـك , باخرّبـهـا , واذا مجـنـون قـيّـدنـي
انا ابغى كل مايطري, عليك اسمي,, يهز اقصاك
وابيك ان شفتني مذنب, بحك توب واغفرني
أبيه ايصير فـي عينـي , منامـك والرمـوش اغطـاك
وأبيه ايصير فـي عينـك , منامـي وانـت تسهرنـي
أبي حبّـك , وأبـي قربـك , وأبـي ( لبّيـه ) يالبّـاك
أبي ضمّك , وأبي شمّك , وأبـي لـو طلـت تجرحنـي
أبيـك ان قالـوا الشاعـر , تقـوم اتـفـز دون ادراك
أبيك اتحس بـي دايـم , أنـا اقصـد وانـت تسمعنـي ,’
وقـل مجنـون لا يسمـع , ولا يفقـه , وانـا اتحـدّاك
ايلا منّي نويت انسى.,,. بشوف اشلون تمنعني ،،!!
عذوبة انسكبت إلى روحي بعد أن قرأتها ،،!
على أمل أن تروق لكم ،،!
العرض العادي
