مقارنات

[qwqwqw]

السلام عليكم ورحمة الله وبركاته
المقارنة بين المدارس العربية والامريكية الحين انا بأمريكا cleveland ohio المدارس
احلى من السعودية لافي ضرب ولا هواش
ويعلمون الواحد يدخلون المعلومة بالراس
والمواد عاد امواد احلى واحلى كمبيوتر ورياضة كل يوم مو بالاسبوع ولا الفطور الصبح بالمدرسة
والغداء بالمدرسة احلى من غداء البيت والفطور بن كيك الي تبي وقارنو وبعد اسبوعين
انشالله اجمعلكم صور وانا بالمدرسة:d:d

[فيصل الجدي]

يارجال من قالك المدارس تختلف الا البشر هي اللي تختلف

[الناموس]

لا توجد خطة للتدريس لدينا

والدليل ان نظام ارامكوا العملي اصبح سعودي 100% والى يومك هذا ماشين على نظام الستينات بسبب عدم التفكير في مشروع تطوري

ولكن مع هذا يأتون الينا موظفين تحت بند مقاول راتب الواحد منهم مابين 2800 الى 3400 ويداوم 12 ساعة في مناطق شبه مأهوله ويقولك سعودة هذا من جانب اضخم شركة لدينا هنا وهي الشركة التي يجب ان تكون الافضل كمستوى وهذا مثال على سوء التخطيط

اعود للتدريس اليوم تدريسنا على نظام ( الارنب يأكل الجزره ) و ( مع أحمد قلم )

هذا ذات النظام هو اليوم يطبق ولكن بأختلاف صور اغلفة الكتب فقط ولا غير

فهل تريد منا ان نتطور بصور غلاف ...!

[يحب الخفجي]

اخوي اعتقد انك تمزح اي مقارنة هذي الي تبيها

[من عالم اخر]

يبقى الخير بالسعوديه , ويكفي تدريس القران واللغه العربيه الفصحى مع القواعد

والمدارس ماهي مختلطه , لأجل ما يتعلق قلب الشاب

وما عندنا حصص موسيقى ,

يا عزيزي الله يحفظك هناك من الفتن انت واهلك ,

وحنى بخير وعافيه وما شكينا من شي

[brb]

يكفي ان هناك في كل مدرسة رجل من الشرطة

غير ان الفطور والغدا في المدرسة

[طالب في امريكا]

طبعا المدارس الامريكية احلى طيب في كمبيوتر لا اكيد مافي الحين حنا بعصر التكنلوجيا

[طالب في امريكا]

اكيد بالمدرسة الي انا فيها قسم شرطة لان المدرسة كبيرة مثل الجامعة

[العودة]

اقتباس المشاركة الأصلية كتبت بواسطة qwqwqw السلام عليكم ورحمة الله وبركاته المقارنة بين المدارس العربية والامريكية الحين انا بأمريكا cleveland ohio المدارس احلى من السعودية لافي ضرب ولا هواش ويعلمون الواحد يدخلون المعلومة بالراس والمواد عاد امواد احلى واحلى كمبيوتر ورياضة كل يوم مو بالاسبوع ولا الفطور الصبح بالمدرسة والغداء بالمدرسة احلى من غداء البيت والفطور بن كيك الي تبي وقارنو وبعد اسبوعين انشالله اجمعلكم صور وانا بالمدرسة:d:d

وعليكم السلام ورحمة الله وبركاته

طبعا اكيد اخووي هناك فارق كبير بين اسلوب التدريس لدينا وبين امريكا

في السعودية اسلوب الالقاء فقط اي اوحادي الجانب فقط تسمع لا تناقش ومتى يدق الجرس عشان اخلص الحصه وامشي واقرق. هنا بامريكا قليل المدرس يتكلم قل الحصة مناقشة وش رايك وش تنصح طيب لو فرضا انه كذا وش تتوقع وهكذا . وثاني شي شف دوامهم من كم يبدا من الساعه 7 الصباح الى 4 العصر . وعندهم بريك الساعه 12 فترة غداء بالمدرسة واحلى اكل مو فلافل بايت والا فيه حشرات. وهذا غير صالات الترفيه. وجميع القاعات مجهزة بأجهزة عرض ونظام صوتي لتشغيل اي مادة صوتية تعليمية .

بالنسبة لصاحب التعليق اللي قال انه اختلاط وندرس اللغه العربيه .. أخونا تحدث عن اسلوب التدريس فقط وليس ما يدرس .. فقط مجرد توضيح

وبالنسبة لمركز الشرطة اللي بالمدرسة اذا كانت المرسة كبيرة مره قد تجد مركزاً للشرطة فيها وتلاحظ أيضا أن أغلب الجامعات في امريكا هنا فرعا للشرطة في الجامعة متخصص فقط في امور الجامعة .

كل هالمعلومات هذي من خلال تجربة وزيارة كم مدرسة امريكية ليست مجرد تخمين.

أجل qwqwqw في كليفلاند يمدحون ملاهي سيدر بوينت.

تراني جارك بمدينة Dayton,OH

تحياتي لك وللجميع

[brb]

اقتباس المشاركة الأصلية كتبت بواسطة العودة تراني جارك بمدينة dayton,oh تحياتي لك وللجميع

ياهلا بالجيران ... شلون الاوت لت الحق على التخفيضات

انا قبل سنه كنت حولكم (سينسناتي) بس دلوئتي بناشفل