كتب الشاعر مخاوي الليل قصيده بعنوان ( مـكسبي يامسندي )
وهي رد على قصيدة ( طق بالحومه ) للشاعر عبدالله عبيد البقمي .
قصيدة الشاعر عبدالله البقمي
------------------
طـق بالحومه سـما فوق السواده
وارتفع فوق الغيوم الممطراتي
فرخ حــر ٍ لاطـلع يعجـب هــداده
ما تبـرقع والطـيـور مبرقعـاتي
اشقـر ٍ تـوّه وحـش بـأول مهاده
والقوانـيص والعيون مشبهراتي
والسبـوق قصار ما فـيـها زياده
لا كـفخ ثم تلـته شاف المـماتـي
لا جزا الله من تسـبب في اصطياده
يـوم شهر عـن جميع الحايماتي
عانده حـظـه وللنشبات قـاده
ماكذب في وصف حظه في الحياتي
يـوم لاح له الفرج واونس سعاده
صاح حـظـه يـنـتخي لبس العباتـي
جـودوا سـبقه ومـاهي باٍله عـاده
مير تـدبـير الـولي بالكايناتي
==============
قصيدة الشاعر مخاوي الليل
( لمشاهدة القصيده عبر الفيديو )
[RAMV]http://khalidabdulrahman.net/pom/f1/30.ra[/RAMV]
مـكـسـبي يامسندي حفظ العباده
والدروب الكايده حدرى وطاتي
خوتي للذيب ماتطلب شهاده
وانت ياذيب الفيافي صرتي ذاتي
انت يابن عبيد شيخ ٍ سيد ساده
قرم وابن اقروم ياعز اللجاتي
انتم اهل الشور يانعم الإفاده
مكرمين الضيف حيل ٍ مبركاتي
وش على العقبان من دبي الجراده
مايروع الذيب من ترع النباتي
والبهم عرض الغنم يعتاش زاده
والعصا في يد راعيها سواتي
بعض نبت الارض مايدفي رماده
هـش.. لـو انه جـمـوع محزماتي
وبعض نبت الأرض يستوجب حصاده
يحرص الفلاح في حـشّـه بتاتي
كل فارس لي تعثر به جواده
مايخونه ساعده ضد العداتي
والردي قرب له فراش ووساده
مايشب الضو في ليله يباتي
صبينا صبي ٍ عزومي في جهاده
صبينا فكاك ترفات البناتي
صبينا وقت اللقا يقدح زناده
اولاد زايد مطعمين الجايعاتي
طيرنا قرناس لاتخشى زهاده
طيرنا وقت الهدد طلعه ثباتي
========
وسلامتكم
المواضيع المتشابهه
(( طق بالحومه + مكسبي يامسندي ))
العرض العادي
