ماحدن حصّل بهالدنيا مراده ، وإلا انا لو هو على كيفي نسيتك!

[شمس الرائدية]

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

أدوّر عن ذهب عمري بقايا كنزي المفقود
وأشوف الموج يطوي الموج ويبحر مركب أيامي
عيوني بسمة أعيونك ولو صارت مطر ورعود
أبشرب من ظما دمعك وابغسل جرحي الدامي

غيبتك مرة وعلقمها زيادة ، وش سبايب غيبتك قلي فديتك
لاتعـلّـقني وانا مابي جَلاده ، لـ/إنتظارك بعد ما لهفه ضميتك
ليلة البارح وطيفك لي وساده ، احتريتك واحتريتك واحتريتك
يوم راح الليل واتفتق سواده ، وبان صبح مع تغاريده قريتك
ابتدا شعري يسطر من مداده ، مايسليني وانا ماقد سليتك
لا طريت الشعر يعبدني عباده ، الشعر بلوى وانا فيه ابتليتك
من حروف الشعر لبّستك قلاده ، تبخل بمدّك وانا ياما عطيتك
مشكله لاصار فيك الصد عاده ، وانت تدري لا رجعت البيت بيتك
ليتك تقدّر غلا القلب وداده ، وياكثر ما قلت لك ليتك وليتك
ماحدن حصّل بهالدنيا مراده ، وإلا انا لو هو على كيفي نسيتك
السهر لو هو تعثر بي جواده ، وانثنى جفني مع احلامي لقيتك
لكن اشهد لك , ولله الشهاده ، من شرب شوفي لشوفك مارويتك
كل شي يُمل منّه بالإعاده ، غير شوفك والتفاتك لا دعيتك
ادري انك منت في حاجة اشاده ، مختلف حتى بلبسك واتكيتك
شاعرك عاده على خبرك وعاده ، ايتوجه للقصيد ان مر صيتك
ياصباحات البيادر والسعاده ، انتهى موسم حصادك ماجنيتك

ياصاحبي هذا زمانك غير ، مختلطن الحابل مع النابل
عادي توقع كل شي يصير ، ومافيه شي إلاّ له مقابل
السر هذا الوقت ماله بير ، تبوح به لأول من تقابل
الشرق عانق موجة التغيير ، وإبكي على بغداد يا بابل
ماكل ساحه, ساحه التحرير ، وماكل ند يجي له مقابل
ياصاحبي لاتكثر التفكير ، الله يجيب الصيّب الوابل
مادام لك سلطه ولك تأثير ، اكتب وحلّق بي وانا قابل
في كل حرف ٍ تـنسجه للغير ، يعكس ملامح وجهي الذابل





السجن ماهو سجن الأجسام
الموت كانه تسجن عقـول
مادام تملك فكـر واقـلام
لاتقول لاقـوه ولا حـول
كم واحد ٍ مسجون بإحكام
ألّف كتب وابواب وفصول
لاصار مالك أيّـة احـلام
معناه صرت انسان مشلول
اللي بنو في مصر الأهـرام
بنو بعد تمثال ابـو الهـول
لاصار فكرك مالـه لجـام
مافيه صعب إلا له حلـول
والي يعيش بطرد الأوهـام
عمره مايجني يوم محصـول
العام يمضـي بعـده العـام
لابانت العنقـا ولا الغـول
والحض بعض احيان لاقـام
تعيش به محفـول مكفـول
ياصاحبي ياسـرع الأيـام
شده تحـل وشـده تـزول
لاواهنـيّ اللـي ليـا نـام
باله خلي ماهـو بمشغـول
كم بالحياة شروط واحكام
اللي وضعها غيـر مسـؤل
لاتشتكي من ظلم الإعـلام
ياكمّ به مبـدع ومجهـول
يبين نجم وتسقـط اجـرام
على خطوط العرض والطول
ماكل منـه يلبـس لثـام
إليا كشفه يصيـر مقبـول
اكبر دليل اخراج الأفـلام
لاشفتها يصبـك ذهـول
لوهو ينفذ حكم الإعـدام
ماشفت كل شوي مقتـول
مافيه نعمه مثـل الإسـلام
وانك بعفو الرب مشمـول




القصصآئدَ للمبدعَ : عطاالله ممدوحَ ،
المدخل والمخرج / بحر العيـون ، للبـــدر

عطيني عيونك الليلة وباكر يا عساه صدود
أمانة لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم وهم الدنيا قدامي

[/ALIGN][/CELL][/TABLE1][/ALIGN]

[أبو الوليد]

.






طرح جميل



الله يعطيك العافية يا ../ شمس الرائدية ...!!







::

وفقكم الباري

.. .. ومضـــــــــــــــــــــة .. ..

لآ إله إلا أنت .. .. سبحانكـ .. إني كنت من الظالمين .....!!

[ملح وقبلة :$]

.

اقتباس مشكله لاصار فيك الصد عاده ، وانت تدري لا رجعت البيت بيتك

اليييمه

الف شكر لك شمووسه .. .

والله يعطيك العافيه يَ رررررررب.. .

لآعدمناك

[بشاش]

الله يعطيك العافيه يا / شمس
... ألف شكر لك ...

[أبو فيصل]

كلمات روووووووعه


تسلم يمينك على الذوووووق

[صانع الإبداع]

اتنقاء .. جميل .. ورائع ..!
ربي .. يعطيك .. العافية ..!

[الدووووخي]

اختياااار راائع وجميل ..

الف شكر ..

[شمس الرائدية]

اقتباس المشاركة الأصلية كتبت بواسطة أبو الوليد . طرح جميل الله يعطيك العافية يا ../ شمس الرائدية ...!! :: وفقكم الباري .. .. ومضـــــــــــــــــــــة .. .. لآ إله إلا أنت .. .. سبحانكـ .. إني كنت من الظالمين .....!!

..

كل الشكر على التواجد الرائع

[شمس الرائدية]

اقتباس المشاركة الأصلية كتبت بواسطة ملح وقبلة :$ . اليييمه الف شكر لك شمووسه .. . والله يعطيك العافيه يَ رررررررب.. . لآعدمناك

..

كل الشكر على التواجد الرائع

[شمس الرائدية]

اقتباس المشاركة الأصلية كتبت بواسطة بشاش الله يعطيك العافيه يا / شمس ... ألف شكر لك ...

..

كل الشكر على التواجد الرائع