[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="double,4,black" type=1 line=0 align=center use=ex num="0,black"]
سطرت من قاف الحزن ماطرالي=وكتبت من زين المعاني والاشعار
وجلست مع بالي وحيد لحالي=ماغير انا وهموم قلبي كالامطار
وراجعت تاريخٍ معاكم مضالي=تاريخٍ ازكى من الروابي والازهار
كنا جميعٍ والقلوب بوصالي=واليوم بفرقاكم من الهم منهار
وطرى علي حميد سيد الرجالي=ابوي ابوي اللي على الجود مدرار
وذياب ابو محمد حر الجبالي=اشقر على طول الصعيبات جبار
واخوي ابو جاسم على الدوم عالي= يكرم ويحشم عن قليلين الابصار
وعبدالله بفعله على العز طالي=يامسندي لامن نخيته بالاعسار
هو الكرم والجود فخرٍ علالي =حييت يامنسل طويلين الاشبار
لاوالذي سواك رب الجبالي=لفديك انا بروحي ولوصار ماصار
وسطرت في بدع المثايل مثالي=لتاج النشاما مزبن الضيف والجار
ابو وليد الذيب بوقت المحالي=ياما بجوده سالت انهار وانهار
ولامانسينا وافيين الخصالي=مشعل مع ماجد ونواف واقعار
وديواننا العامر بعلم الرجالي=مجلاس طلقين الشوارب والاخيار
نعمين ثم نعمين باهلي وحالي=حنا (الجدي) تفخر بنا كل الاقطار
هذا وانا بالهم عايش لحالي=بديار غربٍ ذايقٍ فيها الامرار
وذكرت مايطري علي وطرالي=واطلب من الله يجمع الشمل والدار
واختامها بازكى صلاتي وجلالي=على نبين قادنا لدار الابرار[/poem]
[align=center]وسلامتكم
محبكم/ مدلول[/align]
المواضيع المتشابهه
العرض العادي
