رجلن يغيب و يفقدونه هل الطيب..

الدووووخي · 17-12-2011, 12:44 AM

يالله تعديها على خير و .. [ تصيب ]
........... من حدنى .. أكتب خماله و / عيبه

يبغى الصراحه مابها .. شك او ريب
........... بَ أقولها و الناس كلن و .. [ طيبه ]

الحر ما ينفع بليا .. ( مخاليب )
........... و .. العقل للرجّال ..زينه و هيبه

و السالفة .. ماهى بلحيه / مواجيب
........... كلن على ( طبعه يجيبه حليبه )

بعض المنابت بالمراجل .. / عذاريب
........... و بعض المنابت للمراجل .. خصيبه

رجلن يبى طاريه عند الاشانيب
........... ورجلن يبى طاريه عند .. ( الحبيبه )

و رجلن / يودى بالسواليف و يجيب
........... و رجلن سواليفه ( لفعله تجيبه )

ورجلن يغض الطرف عن جارة صحيب
........... و رجلن عيونة فى .. ( محارم صحيبه )

ورجلن يغيب و يفقدونه هل الطيب
........... و رجلن ليامن غاب .. / ماحدن دريبه

و رجلن تشوف بخوته لك مكاسيب
........... و رجلن تشوف بخوته لك غليبه

و رجلن اذا اخطى يرى نفسه مصيب
........... و رجلن اذا اخطى يراها .. / مصيبه

قلت الصراحه ما بها شك او ريب
........... كلن على ( طبعه يجيبه حليبه )

اشره وشرّه كان تبغى المواجيب
........... عط حق تاخذ حق مابة ( معيبه )

××

للشاعـــر / مشعل بن دهيّـم ..

بشاش · 17-12-2011, 01:08 AM

صح لسااان الشاعر وسلمت على النقل

دانة الكون · 17-12-2011, 03:11 AM

قصيده رااااااائعه
صح لسان الشاعر
و سلمت ع النقل المميز

الله يعطيك العافيه.

الدووووخي · 18-12-2011, 01:05 AM

اقتباس

المشاركة الأصلية كتبت بواسطة بشاش


	صح لسااان الشاعر وسلمت على النقل

1000 شكر على حضووركــ ومروركــ ..

الدووووخي · 18-12-2011, 01:05 AM

اقتباس

المشاركة الأصلية كتبت بواسطة دانه الكون


	قصيده رااااااائعه صح لسان الشاعر و سلمت ع النقل المميز الله يعطيك العافيه.

1000 شكر على حضووركــ ومروركــ ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
افا يا قلبي الطيب	سحابة شقى	منتدى الشعر المنقول والصوتيات	18	07-06-2011 05:38 AM
الطيب	أبو نوره	منتدى الشعر المنقول والصوتيات	6	13-05-2009 09:53 PM
كيف رحلو عن هذه الدنيا	azooze	المنتدى الإسلامي	5	18-09-2008 10:53 PM
قصيدة الطيب	^-^ كوول	منتدى الشعر المنقول والصوتيات	5	25-12-2007 04:38 AM