باكر ليا طحت

[دانة الكون]

باكر ليا طحت ..

أبـذكــر الله كـــل مـمـسـيـت وأصـبـحــت
وبــتـــوجـــه لــــــــه بــــكــــل الـــوســـايـــل
ذكــر(ن) لـيـا قلـتـه تطـمـنـت وأرتـحــت
لـــــي الله ومــالـــي عــــــن الله بـــدايـــل
أن عاننـي فـي طاعتـه طبـت وأفلحـت
وأذرانــــــي بـرحـمــتــه يــــــوم الــهــوايـــل
وآخذ لنفسـي قـدر وأن قصـرت شحـت
وحـثـيـتـهـا تـــرقـــى لــطــيــب الـفـعــايــل
أنــــا لــيــا مــنـــي وقــفـــت وتـنـحـنـحـت
أجــــي بــعــزة نــفــس والــــراس طــايـــل
على النقا ما نيب من تحت لي تحت
وجـهــي طـلـيـق وعـنــي الــشــك زايــــل
أدرك ليـا مــن جـيـت وأدرك لـيـا رحــت
وأقـــــدر الـمــعــروف وأهـــــل الـجـمـايــل
تـنــزاح ضيـقـاتـي وأنـــا مـــا تـزحـزحــت
وتـمـايــل حـمـولــي وأنــــا مــــا تـمــايــل
يا كثر ما خاويت وأخلصت وأنصحت
ويـا كثـر مـا سامحـت مخطـي وعـايـل
ويامـا عـن اللـي خاطـري فـيـه لمـحـت
وبـانـت عـلـى وجـهــي عـلــوم ودلايـــل
والسالفـه بالقلـب منحـوتـت(ن) نـحـت
ومحفوظـت(ن) بيـن الضلـوع النحايـل
كـاتــم وعـمــري للمخـالـيـق مـــا بـحــت
ولـــو طـالــت الأيـــام مـــا نـيــب قــايــل
أبـيـهــم يـقـولــون بــاكــر لــيــا طــحـــت
بـــــلاه والله كــثـــر مـــــا كـــــان شــايـــل


وسلامتكم ...

لشاعرها .. ناصر محمد

[خفجاااويه]

صح لسانك,,,,,,,,,,,,

[شموخيے غير]

سلمت يداك ع النقل

[صانع الإبداع]

؛

... الله يعطيك العآفية ع القصيدة .ْ.

[دانة الكون]

اقتباس المشاركة الأصلية كتبت بواسطة خفجاااويه صح لسانك,,,,,,,,,,,,

صح بدنك

شاكره مرورك.

[دانة الكون]

اقتباس المشاركة الأصلية كتبت بواسطة شموخيے غير سلمت يداك ع النقل

الله يسلمك و يعافيك

شاكره مرورك.

[دانة الكون]

اقتباس المشاركة الأصلية كتبت بواسطة صانع الإبداع ؛ ... الله يعطيك العآفية ع القصيدة .ْ.

الله يعافيك و يسلمك

شاكره مرورك.

[الدووووخي]

صح لسااان الشاعر ناصــر ..

اختيار مميز دانة الكوون ..

[دانة الكون]

صح بدنك
و التميز تواجدك

شاكره مرورك.

[بشاش]

الله يعطيك العافية