[ يا .. شاطي الخفجي ] !

[نواف الفهاد]

*
*




يا ( شاطي الخفجي ) من العام لـ العام ..
.. حكي(ن) .. مضى نصّ العمر .. ماحكيته .........!!

أجاهد الدنيا .. على صبر .. مادام ........!!
.. واللي مضآلي .. من سنيني .. ( نسيته ) ......!!

أنقل تعب دنيا .. و .. دمعات و .. هيـــام ..
.. وأنقل شقى .. مرّ العمر .. ( ماشكيته ) ..........!!

وأشوف .. ( ناس ) تهندمت خوش .. هندام
.. و ( نفوسها ) .. عريا .. من الصدق ( ميتـْـه ) ...!!

وأشوف من يحسب من حساب ( الإسلام )
.. وإليــا أذن المذّن .. ( زبن ) .. وسط بيته .........!!

لآ يعرف المسجد .. ولآ يعرف قيام .......!!
.. ولو ( تلفــّـت ) بالفجر .. ما ( لقيـــته ) ...........!!

وأشوف و أغمـّـض .. ولآ نيب .. منلآم ...!!
.. لي العذر .. ( غمــّـضت ) .. مما .. رأيته .........!!

( قابض جمر ) ثابت و صابر و مقدام ....!!
.. ولو عذربوني .. عندهم .. ( مارميـــته ) .........!!

ولآني على ( عثرات الأخوان ) .. همــّـام
.. وإن ضايقوني .. قلت .. ( يمكن ) و ( ليته ) ....!!

ولآ ( أغتاب ) غيري كيفه إن طاح أو قام
.. ( لحمه ليامن مات ) .. لأ .. ما ( كليـتــــْـه ) ...!!

وإن جيت أبي أنام .. من قبل لآ أنام ..!!
.. أستغفر الوالي .. من اللي ( جنيــــته ) .........!!

وأقول .. ياقلبي ترى العمر .. أيــــام ...!!
.. ومايرجع اللي فات .. لآمن .. ( فنيـــــته ) .......!!

و أبني وفآي لـ بعضهم بيت وخيام .....!!
.. و يخذلني .. وأرجع .. وأهدم اللي بنيته .........!!

يا ( شاطي الخفجي ) و .. خطوات الأقدام
.. عندك .. دليل الحب .. ( موجك ) .. هويته ......!!

لكن .. أبي أمشي من العام للعام .....!!
.. وفي داخلي حكي(ن) .. بقى .. ماحكيته ......!!

*
*

[سند مطر]

صح لسانك يا ( نواف )
.. قصيدة جميله ..
بصمتك الشعريه واضحه ولا تتغير .. جميل
قصيده اعجبتني وقرأتها اكثر من مرًه ...!!
وبها مانعيشه في واقعنا
جميله ياجميل ...!!
وفقك الباري ....!!

[دانة الكون]

رووووووووووعه
عزا الله صادق
" زبن بيته "
صح لسانك و علا شانك
الله يعطيك العافيه ع القصيده المميزه

[عبدالعزيزالوادي]

[align=center] .








هذآ أنت يآ نوآف دآئماً متفرد ومبدع
و لك بصمه جميله جداً بـ الشعر الاجتمآعي
و ربي يآ نوآف أغليك













[/align]

[عقيلي المجلاد]

الله يانواف

ماهذا الابداع

نص شامخ يحمل الصبغه الايمانيه والروحانيه ان صح التعبير
ابيات تكتب بماء الذهب
وكل بيت يحمل حكمه وجزاله معه



صراحه ومن دون مجامله انت عمله نادره

ويكفي شهادة ابو مويس فيك


تحيه وتقدير لك ياجزل

[نجـد]

اكثر من روووعه
معاني واصله نابعه من صدق احساس
صح لسانك بلا عدد وسلمت يمناك
تحيني لك

[الأصمعي]

ولآني على ( عثرات الأخوان ) .. همــّـام
.. وإن ضايقوني .. قلت .. ( يمكن ) و ( ليته ) ....!!


يسمون المدح بوجه الرجل ذم وانا اسميتها فخر


هذا انت يا صاحبي

[حسن الحارثي]

تسلم يا نواف سلملي على بوحك الجميل ومبدأك الراقي
وشاطئ الخفجي الهادي
صح الله لسانك مليون

[مشبب البشري]

الله الله الله

لله درررررك يابو فهااااد على هذا النص الفااخر

ابدعت ولا يستغرب من الابداع فانت من صانعيه

قصيده راقت لي كثيرا بما تحتويه من الاشاااره الواضحه لكثير من الاخطاء

التي يقع فيها الكثير . وعتب من قلب صااادق لاخوان تود لهم الخير رغم المعاناه

لا اقول بعد قرائتي هذا النص الجزل والغني بالادب الايماني سوى ان اشكرك من القلب


تقبل جل اااااحترااااامي وتقديري وبشوق للجديد كما تعودنا ان نجده من نزف قلمك الفذ

[الواثقه بالله]

صح لسانك

قصيده رائعه يعطيك العافيه