نعمآ / بكم يازعب .. في كل ديرة !!

[نواف الفهاد]

*
*

شاركت قبل أيام قليلة في أمسية شعرية ..!!
كانت ضمن برنامج متكامل في زواج أخي محمد بن شنار الزعبي .. الله يبارك له ..!!
في محافظة الخفجي ..!!
و تشرّفت في كتابة أبيات .. في قبيلة زعب العريقة .. أبيات تضيف لي ولآ تضيف لهم .. كونهم فوق شعور المفردات ..!!
فـ نحن ولله الحمد كنا ولآ زلنا في جوار .. هذه القبيلة .. في حي الغربية ..!!
لـ سنوات .. تتلوها / السنوات ..!!
و لم يكونوا .. إلا نعم الرجال و نعم الجوار ..!!
الله لآ يفرّقهم !!





سلام يا أهل الوجيه السفيره ..
.. و نعمآ / بكم .. يازعب في كل ديره ..!!

من غير قاصر في جميع القبايل
.. و الدلو يظهر .. مايخبّيه / بيره .......!!

الله يبارك في زواج / السنافي
.. جعله زواج مبارك و فيه خيره .......!!

لآ جيت أترّجم .. مايخبيه جوفي ؟!
.. أعدّي من حيره و أوقّع / بـ حيره ...!!

أخاف لآ أقصّر و أجيكم مقصّر
.. و يقال .. ذا الشاعر بيوته قصيره ..!!

لآمن كتبت البيت / عدت و مسحته
.. مدري وش اللي بس ودّي أصيره .!!

العلم يكفي / و البنــادم معلّم ..!
و أعمى البصر يفداه أعمى البصيره !!

يازعب ماوالله تكفّي حروفي ..
.. نعمآ بكم خوّة .. ويانعم جيره .......!!

لكم مع أول سيرة الطيب طاري
.. وأنتم ذخيرة من بغاكم / ذخيره ....!!

الجار محمي عندكم .. و متعزز
من طيب سيرتكم خذى الجار سيره !!

أذكر كلام الوالد / و توّ عمري
.. صغير و الدنيا بعيني صغيره ....!!

يقول ( حظي يوم جاورت زعبي
.. أنام سالي بال عيني قريره ) .....!!

ناسٍ تحشم الجار / تحفظ حقوقه
.. و أنا ولد فهاد / وأتبع مسيره ...!!

ماجيت ذا الليلة / أحبّ الأماسي
.. لو أن جلسات الكراسي مثيره .!!

بس إني قلت اليوم فرصة سعيدة
.. للشمري .. يكشف خفايا ضميره !!



و سلامتكم ..!!



*
*

[دانة الكون]

يااااا سلام عليك يا ابو فهاد
صح لسانك و علا شانك
الف نعم بالزعوب
و الف مبرووووك للمعرس
الله يوفقه و يرزقه الذريه الصالحه

[مشبب البشري]

القدير /

ابو فهاد /

صح الله السااااانك وعلااااشااااانك

ابدعت في اختيار المفردات واسندتها لمن يستحق الاشاده وكلمة والنعم


وهنا اقول لك ونعم فيك وفيهم وبيض الله وجهك على هذه الجزاله ولا غرابه

ان تاتي بالجزيل دائما فانت مصدر له لاعدمناااا هذا الحضر الغني بالادب

الشعري النادر

لافض فوووك وبيض الله وجهك

تقبل جل اااحترااااامي وتقديري

[منديل ال سحوب]

القدير والاخ نواف الفهاد

تعجز الحروف لتشكل كلمة شكر وثناء لما ابدعت به
من شعر وماصاغته اناملك في حق قبيلتي زعب


وأنا لم أتواجد للرد والشكر باسم القبيله
ولاكن تواجدت لاقول كلمة حق

أنت المكسب الحقيقي لكل من يتعرف عليك بما فيهم انا


صح لسانك مدد بلا عدد

[أبو رائد]

[align=center]

صح لسانك يا نواف

وتستاهل قبيلة زعب كل خير




[/align]

[ناصر الزعبي]

صح لسانك ابو فهاد
وماعليك زود

[نواف الفهاد]

اقتباس المشاركة الأصلية كتبت بواسطة دانة الكون يااااا سلام عليك يا ابو فهاد صح لسانك و علا شانك الف نعم بالزعوب و الف مبرووووك للمعرس الله يوفقه و يرزقه الذريه الصالحه

( دانة الكون )
زعب جيران و أخوان و راعين مواقف ..!!
و شاكر لك حضورك المتجدد ..!
الله يسعدك !!

[نواف الفهاد]

اقتباس المشاركة الأصلية كتبت بواسطة مشبب البشري القدير / ابو فهاد / صح الله السااااانك وعلااااشااااانك ابدعت في اختيار المفردات واسندتها لمن يستحق الاشاده وكلمة والنعم وهنا اقول لك ونعم فيك وفيهم وبيض الله وجهك على هذه الجزاله ولا غرابه ان تاتي بالجزيل دائما فانت مصدر له لاعدمناااا هذا الحضر الغني بالادب الشعري النادر لافض فوووك وبيض الله وجهك تقبل جل اااحترااااامي وتقديري

( مشبب البشري )
لآ خلا و لآ عدم يابو محمد .. من هالتواجد العذب ..!!
و كلامك عن زعب .. كلام وافي من رجل وافي .. و ياعسى ربي يسعدكم جميع !!
و يشهد الله إنك .. غالي على القلب ..!
يابو محمد !!

[نواف الفهاد]

اقتباس المشاركة الأصلية كتبت بواسطة منديل ال سحوب القدير والاخ نواف الفهاد تعجز الحروف لتشكل كلمة شكر وثناء لما ابدعت به من شعر وماصاغته اناملك في حق قبيلتي زعب وأنا لم أتواجد للرد والشكر باسم القبيله ولاكن تواجدت لاقول كلمة حق أنت المكسب الحقيقي لكل من يتعرف عليك بما فيهم انا صح لسانك مدد بلا عدد

( منديل آل سحوب )
تحتل ّ الروح قبل الحرف يابو محمد ..!!
و أنت شيخ و ولد شيخ .. ولآ هو غريب منك .. ذا / الحرف الجميل ..!!
أبهجت القلب ... بـ ردّك الذهبي .. و اللي يعني لي الكثير ..!
و معرفتك .. شرف .. و خوّتك .. رآس مال ...!
جعلني ماخلا من الوافين أمثــالك .. ولآ عدم .. يا بعد راسي ............................!!

[لحظات]

يقول ( حظي يوم جاورت زعبي
.. أنام سالي بال عيني قريره ) .....!!
مدح في قمة الإحساااس الصااادق
يعاااافيك ربي ع القصيدة الرااائعة
وننتظر جديدك