تهدي له الحب اول يوم صادفها
من يتقن الكذب هذا الحب ياسهله
نفس السوالف معا غيره تسولفها
في وقت واحد تحب ثنين بالجملة
===================
حلوة ودلوعة وذوق ومثيرة
لبى نعومتها من الساق للساق
مربربة وباين عليها قصيرة
وانا ماحب الطول والناس اذواق
===================
كم ذبح بشار ناس ابريا!
*وماذبح بشار إلا هالحسد!*
اللي خلى الكلب ينهش سوريا!
*للأسف هذا دجاجه مو اسد!
===================
اعيش رغم ان الزمن ماترك شي!
*وسج رغم ان الهموم انهكتني!
*يعني بما معناه كائن فقط حي!
*احمل مشاعر صادقه #واهلكتني!
====================
خاطري ضيق ولا عندي سعة
وما اتحمل كلمةً تبحث خفاي
واكثر اشياء الحياة الموجعه
ماتجي في الوجة .. تاتي من قفاي
=====================
انت وشهو يضرك لو قطعت السبل
الضرر في عيوني والجمر في يدي
شوفتك شب نار وجو صافي وابل
وصدتك مثل حاجة في يدين الردي
====================
بح صوتي من كثر ماكنت اردد ..
*حس فيني / حس فيني / حس فيني! إ
اعتبرني جيت هالمره اهدد ..*
لا تضيعني ترى غيرك يبيني!
==================
ناس تنام وناس تبقى تفكر!
*وعزي لمن مثلي قضا الليل تفكير!
*ان كنت صاحي دق دقه وسكر!
*وان كان جاك النوم تصبح على خير!*
=====================
مدري من الاجواء او من جنابك!
اعاني من الحر "ودي اصيّف"!
من كثر ما احس بحراره بغيابك!
*في عز هذا البرد اشغل مكيف
======================
وين رايح ملّت ايديك الجروح
*باقي بقلبي مكانن م انجرح !!
*اجرح هنيّا وبعد الجرح روووح
*خلني كلي حزن مابي فرح
=====================
الله يسقي زمان الطيش يازينه!
*طفلٍ واكابر دموعي تحتضن رمشي!
*ومن شيطنة جهلي المغرور وسنينه!
*أحس لو دست ظلي بـمنعه يمشي!
=====================
المسأله ماهي على لبسنا حكر
*كم من غطاء يكشف لنا عن خطايا
*المسأله ياصاحبي حالة فكر
نبقى بدون الفكر ناسٍ عرايا
=====================
والله كان ( المفارق ) تحت رغبتها
قرار واتخذته ما كنت انا مخيّر
سنتين " حاولت " اتناسا محبتها
هي بسهوله نست ملعُونة الخيّر !
===================
ماهقيت الصد منك ماهقيت!
*ارجع وتذكر كلامك ان قلت لي!
*يومك تردد لـ ابو تمام بيت:
*'ما الحب الا للحبيب الاولي
===================
يإللي تعرفون طبعه بس قولولي •
وشلون يرضى حبيبي لا زعل منكم •
زعلان منّي وأشوفه ماهو بـ حولي •
إن مارضى صدّقوني راح أجننكم !
====================
الحين انتي بكوم والناس في كوم*
ولو هبت هبوب الجفا ( ما تهبك )*
ما دمت احبك علمي عينك النوم :
خلي السهر لـ عيون من هو يحبك !
====================
اقرا مواضيع أمس واكتب عن اليوم!
*وإن حد نشدني قلت: لا اكتب ولا اقرا!
*حب النقا راعيه بالصمت ملزوم!
*وانا بحال الحب وأخباره ادرا!
====================
غمضي ياعين ابغى آقوم بدري !
لـ اجل اشوفه وهو *رايح للدوام
واتاخر عن دوامي وكل عذري*
قبل نومي جاني شوية زكام *
==================
تزعل ولا قلت: اسمحيلي وأنا أمون!
*تقول: مابي كيفي أنا زعوله!*
وليا زعلت أقول أبي بوسه شلون!*
تقول: يـا بعد العنب مـا تطوله!
==================
إنت تدري عن غلاتك والعذاب!
كل يوم تقول لي قلّي أبيك!*
ياحبيبي كل ضلعٍ منك ذاب!*
لكن ارحم يرحم الله والديك!
=================
دايم تقاطع كلمتي خلها تفوت
اخاف تفهمني غلط يا ظنيني
يعني ليا من قلت لك جعلك تموت
خلني اكمل .. جعلك تموت فين
=================
آسف أزعجت سمعك يوم ناديت!
ضاق صدرك وأنا صمتي علي ضاق!
كنت مشتاق جداً يوم دِّقيت!
بس مو ذنبك إنِّك منت مشتاق!
=================
كآنك تبي للضيـق معنى وتفسير!
الضيق: صدرٍ مآعرف يطرد الهم!
وكآنك تبي تعرف وشنهي المقآدير!
تمسي بحضن أمك *وتصبح بلآ أم
====================
طآحت دموع آلغرآم وقلت: وش حدك!
يآدمعتي لآ تنزلين ومرتبْك عآلي!
قآلت: مكآني خِلْقَة الله على خدك!
وإلآ عيونك مكآن لـ صآحبٍ غآلي
===================
إذآ أخذت آلمسأله بالتحدي!
خذهآ من لسآنِي كذآ ع آلبلآطه!
من خلقتي مآشوف أنآ نآس قدّي!*
مآهو غرور أقولهآ للإحآطه
==================
أمل شوف الناس ورد ومصادير!
واللي يقول اشفيك كنه يهجيني!
يعني على ما قيل من باب تصوير!
لاحدٍ أبي قربه ولا أحدٍ يبيني
==================
الحر / والزحمه / وبعض التفاصيل!
تأثر أحياناً على طابع الناس!
حبني من بعد العصر لـ آخر الليل!
أنا الظهر إنسان ماعنده إحساس
===================
أكيد وآضح على أحوآلي: متأثر؟
كم ﻵحظ الصبح فيني بهذلة ليلي!
وإن شفت دمع المحآجر طآح متنثر؟
قبله سنين الموآجع بيّدت حيلي
====================
رقيقة الجلد بيضا ورث قبل الدلع!
تضيع في لون بشرتها مساماتها عيونها!
السود تصنع فـ الأمان الهلع!
الله ياضحكة أحياها على أمواتها
====================
جيتك آدور ضمتك فيني إنعآس!
خلّني آغفى تعبت من آلمآسي!
ضمني حيل واقرآ سورة آلنّآس!
يمكن آلله يخفف من هم وسوآسي!
========================
علمتني إن الوفا طبع الاحباب!
ورسمت عمري وردتين وسحابة!
خذني لوجودك ضمني بين الاهداب!
عمري بدونك ما اتحمل عذابه
========================
ماني مجادل لو يطوّل بوحك!
كثر الجدل مبطي مسكر بابه!
لانك اذا بتخطي تمثل روحك!
وانا اذا بخطي امثل لابه
===========================
مدري وش اللي من كلامك خنقني!
كنك بكل احبال صوتي تعلقت!
انا كذا من يوم ربي خلقني!
ماعرف اوسع خاطري لا تضايقت
===========================
قبل كلام أحساسنا والكتابه!
أنتي قصيدة عشق قلبي كتبها!
في جيتك قمرا وهمس وسحابه!
حتى عيونك غير يغري عتبها
===========================
انا اذكر تعاهدنا ودعيت انت وقلت: آمين!
عسى حبنا باعلا المراقيب منزلته!
انا وانت ماننسى بعض دامنا حيين!
هذا عهدنا ولا انت نـاسي وبدلته
===========================
تقول برا عج وين انت رايح؟
اخاف صدرك من صفاه يتحطّم!
من حرصها تعطيني احلى النصايح!
واموت لا قالت: فديتـك تلطّم
===========================
الصبح ماهو طلعت الشمس للكون
واليوم ماهو .. يوم لو مر .. دونك
تدري لو ان الامر بيدي وش يكون؟
نعلن صباح الناس طلة .. عيونك
===========================
تشتكي جوّالها إرساله ضعيف!
كثر مايعلّق يسبب موتها!
مادرت جوّالها المسكين كيف!
ذاب من داخل بـ سبّة صوتها
===========================
ما يكسر عزوم الـرجال إلا الغرام
ولا يلعب بعقل الـفهيم إلا الحريم
ولا يحفظ أحوال الشباب إلا الصيام
ولا يكره الفعل الـرذيل إلا الحشيم
===========================
تعيش راضي ذات من غير ليعات
ترضي محبًك والذي مايحبًك
ماهو بشرط اتحقق المستحيلات
اهم شي اقنع بما كتب ربك
===========================
تدري وش اكثر شي ما كنت هاقيه ؟؟
انسان يشعر في مماته وهو حي
وتدري وش اكثر شي ما كنت ناويه
اعـالج عقولـن مراضا بـلا كـي.
=============================
سلامات؟ ليه أزعل عشانك تخونين!
ترى الوضع عادي ماهي أول خيانه!
انتي قبلها خنتي [4] مهمين!
أمك/ وابوك/ وسمعتك/ والديانه!
===============================
يآهآتفي مآعآد لـ آلشحن قيمه!
تشب تطفي تحترق مآشحنتك!
يآهآتفي لولآ رسآيل قديمه!
كان والله يآهآتفي مآحملتك
=============================
احيان فيها عقل وأحيآن مطيوره!
وأحيآن تخطي علي وتقول: بإلعآني!
تضحك على لهجتي لآقلت: مآجوره!
وألحين صآرت بلهجتنآ تحدآني
=============================
مشتاق لك من لهفتي لين مدري!
ومشتاق من مدري الين انت تشتاق!
شف كيف عندي هالامل وسط صدري!
وانته ولا همّك ولا كنّه افراق
===========================
لبى الفراش اللي يضمك ويدفيك!
ولبى المخده يوم ترفع جبينك!
ولبى عيون في نظرها تراعيك!
ولبيه ياللي بالغلا كاسبينك
==========================
أخاف ادق؟؟ وتشره: تو يذكرني!
وانا غلا انفاسي تنادي بذكراك!
بعلمك شغله؟ وابي زين تفهمني!
إعرف ترى لامت باموت وياك
===========================
فكرة غرامك كانت أكبر غلطه!
لأنه شعورك ماهو مثل شعوري!
مشكلتك أنك ترفضين السلطه!
ومشكلتي أني شخص دكتاتوري
==========================
تبيني اسأل عليك وأنت ماتسأل؟
يعني انا الطين وانت اللي من الفضه!
رغم اني من يوم حبيتك وانا اذبل!
اللي يشوفك معاي يقول: ياحظه
==========================
الصدور بحور والقلب مثل الغابه!
كل قلبٍ يجتمع فيه حقد وطيبه!
والحكي عاري جسد والسكوت اثيابه!
والتسرع منقصه والركاده هيبه
==========================
ياقسوة الاقدار في صوت رجال!
لا شاف من حبه بعد وقت صدفه!
ياشينها في بحت الصوت لا قال:
الآدمي هذا انا كنت احبه
=========================
بخير لو ما صار بالوضع تغيير!
وإليا بغيت القرب ماهو هلا بك!
الحب خلص باقي شوي تقدير!
ومادام فيه شوي فـ أحفظ جنابك
==========================
من خلقنا الله وحنآ عزيزين النفوس!
مانوطي شمخ الروس غير لـ (ربها)!
الليالي علمتنا وصمينا الدروس!
نعرف النفس المريضه ونعرف طبها
===========================
فيها تناقض بشع يارب سامحها!
ولاجيت تنصح بترفع مستوى ضيقك!
تصوّر الجسم وتغطي ملامحها!
وتكتب تحت نكّها: يا رب توفيقك
===========================
ابنسحب يمكن مع الوقت تشتاق!
وتمطر لي البهجه ويزهر زماني!
انا ماعرف إن البطا كان لـ افراق!
بس اعرف انك صرت إنسان ثاني
=============================
مـهي صغيره بس ماهي كبيره!
اصغر من التعظيم واكبر من الذوق!
ومـهي اميره الا وش الاميره!
تعيش بين الناس لكنها فوق
==============================
انا تولعت بك ماعاد اي فكه!
مدري البلا منك والا إني تبليتك!
لو كل ذنب تغفره في ذرى مكه!
كفرت ذنبك ولا شفتك ولا اطريتك
==============================
قد قلت أبموت لامن راحت وراحت!
وللحين مامت ياضعفي وياقوّي!
سؤال لامن طرالي دمعتي طاحت!
عقب الجفا بيننا هالحين شتسوي
===============================
ما اخبل من اللي ينوي البعد ويعود!
ولا اشين من الصاحب ليا من تردا!
لا اهديت له في روضة الرفقه ورود!
واهداك طعنه في صميمك وعدا
===============================
مافيك شك ولا يجي شك مني!
لكنّها الغيره كذا تعمي العين!
ولا انا من كثر ما أحسنت ظنّي!
بالموت لو تدعي علي قلت: آمين
===============================
دامك حبيبي كل أحوالي بخير•
وإن قلت: وينك يكفي تْقول: كاني•
القلب لك وإن كان يطمح له الغير•
مايقبل القسمه على شخص ثاني
=============================
احزان وهموم ومحبين وقلوب!
وليل وسهر وافكار وعيون غرقا!
رتّب حروف العشق بالله باسلوب!
صعب ابتدي ونهاية العشق فرقا
=================================
مرّني واجلس معي لو ربع سآعه
لآ تعذر بالظروف و في دوآمك ..
لعنبوك منين وآرث هالقطآعه ؟!
لآ خوآلك قآطعين ولآ عمامك
================================
عن كلام الناس يكفيني يقيني!
انك اجمل من كلام الناس عنك!
وكان قصدك صمتي ورعشة يديني!
من كثر خوفي عليك آخاف منك
=================================
لا ندهتك رد صوتك أغاني ياسمين\
وإن ندهتيني أجيلك أسيل من الوله\
انتي أجمل أجمل أجمل حكاية عاشقين\
من سوالفهم على الغيم تنبت سنبلة
====================================
اكسر الروتين والعن والدينه
اترك الماضي وفكر فالمضارع
ضاق بيتك فيك ؟ ياوسع المدينه
( والكوفي شوبات ) ماليت الشوارع
=================================
يا لعنبوها: (فاتحه - للشهيه)!
لا سولفت لي شفتها ودى اكل!
خلوها تسكت لا تزيد الاذيه!
خلوها تسكت وش لها بالمشاكل
================================
ضميان حبك وجيت ابغى تقهويني!
وفنجالك اللي تصبه مابرى حالي!
بِأسَمْ البدو مايجوز انك تخليني!
مادمت للحين ماهزيت فنجالي
================================
ياصبآح الخير ، يا حلو القوآم
قوم گل النآس ،تنطر قومتگ !
گآن تبغي النآس ماتروح الدوآم
غمض عيونگ و گمّل نومتگ
===========================
ياسيد الحلوين من بيض وسمر!
عليك يابخت الملافع والعبات!
على الخيال الخصب ماظني يمر!
وصفك يامسقط راس كل المعجزات
==========================
رح كمل البعد كآنك تقدر تطيقه!
ترى إلتفاتك غلط لا تلتفت كمل!
أنا تعودت بالفرحه وبالضيقه!
من راح عني عناد .. عناد باتحمل
============================
تدري وش اللي صار من بعد ما أقفيت!
ضاعت في هالدنيا معاني الصداقه!
حتى الوفا قفى ولا له ابد صيت!
وأخاف من عقبك اكوّن علاقه
==========================
الصدمّه اللي تسمى بالفعل صدمه!
ركز معي وافهم المقصود من بدري!
تقدم الطيب والاخلاص والحشمه!
ورفيق عمرك يبيعك وانت ماتدري
===============================
يتابع الشاشة ولا يضيق ساعات!
وان جاء يصلي ربع ساعة تضايق!
في عينه الدنيا حياه وملذات!
ليته درى وش تنفعه هالدقايق
===========================
ماكنت تنصفني وماكنت تظلمني!
تركتني هامشي في صفحة كتابك!
من اول اشتاق لوصالك وتحرمني!
واليوم فعلاً انا مشتاق لغيابك
========================
قال: لو حبيّت غيرك وش تقول!
قلت: احاول قد ما اقدر امنعك!
قال: لو عيت تطاوعك الحلول!
قلت احبه يابعد عمري معك
==========================
قابلتك البارح وقابلتك اليوم
والفرق واضح بين الايام وياك
البارحه طيرت من عيني النوم
واليوم متبري من إحساس يفداك
=========================
مريت في عدة مراحل لكني!
رضخت للواقع ولا قمت أحاتي!
رضيت بالمكتوب وأيقنت بأني!
أمر بأسوأ مرحله في حياتي
==================================
ماألومك ان دوّرت فيّ عيوب
ومسامحك ، جرِّح وذم وسب
الله خلق لـ الفاشلـين ، قلوب
تعرف تكره ، ما تعرف تحب
==================================
الله يوفّقْك وعسى دوم رايق!
روح وعسى دعواتي لدنيتك فيّ!
ليه اتنرفز وانفعل واتضايق!
وازعل على حاجه اساساً ماهي لي
==================================
الجفا موت وأنت من الجفا مـ عقلت!
ليه دايم معي بالوصل منت بـ كريم!
خايف ان طالت الفرقا وجيتك سألت!
ماوحشتك؟ تقول: انشهد انك قديم
==================================
لا جاك رقمي رد شف ويش حاصل!
آسف على الازعاج يالميت الحي!
دقيت من باب الغلا والتواصل!
ماني بـ محتاجك ولا ابغيك في شي
==================================
ماكل كلمه تحز بخاطري يعني!
بعض السواليف حشمه صدتي عنها!
لو كل كلمه ليا قيلت: بتوجعني!
يمدي توهقت باللي: مايثمنها
===================================
لا تكتئب وتعيش بـ ظنون وأوهام!
دامك سحابه لا يوقف هطولك!
وان ضايقوك في بعض الاحيان الاقزام!
مضايقتهم شئ يعني ياطولك
====================================
انا صفيت اليوم مع ضيق الأنفاس!
حتى انت ياحزني بعد ماتبيني؟
خلاص انا قررت اشيله من الراس!
ببيعني ولكن من يشتريني
===================================
لأننا نمشي على غير خطه
ولأننا نمشي على .. لا..اتجاهات
من كم سنه متوقفين بمحطه
وتديرنا في ذا الزمان المحطات
====================================
جيت السحاب ومالقيت الحبايب!
شكل السما في غيبتي أمطرتهم!
علمي بهم يوم انهم لي قرايب!
وانا الثمر وظلالهم وشجرتهم
===================================
قريت من (بانت سعاد) الين ما (فات المعاد)
حرف حرف,وكلمه كلمه,وبيت بيت
يمكن القى فيها ما يوصف شعوري
صدقيني : مالقيت
===================================
ليـت لي قلـبٍ بليد ولي عيونٍ تنام
كان ما والله لحقني على نفسي عتب
لا بكيت أحدٍ طواه الجفا تحت الظلام
ولا ذكرت من الشجر حاجةٍ غير الحطب
=====================================
لو : تمدح الضلما ولو تلعن النور
غيابك أشوفه بلحظة حضورك
مثلك مثل شمس الشتا مالها حضور
تشرق و لكن ما تدفّي شعورك
====================================
عثرات نفسـي ماتبـدل سجايـاي
ومطيـح غيـري مايعلّـي مقامـي
أصيب وأخطي و أتْعلّـم خطايـاي
وارمي ولو قدامي الفيـن رامـي
===================================
خلك مع اللي شاغلك وش تبي بي
انا مجرد شخص .. حده ..صداقه
ما هو بعيب انك تخونين .. عيبي
اني افكر .. معك اسوي .. علاقه
===================================
الحر و الزحمه و بـعض التفاصيل
تأثّـر أحيانـاً عـلى طابـع النـاس
حبيني مِـن بعـد العصر لاخـر الّليل
انا الظّهـر إنسـان ما عنده إحساس
===================================
قلتلك يـ صاحبي حظي تعيس
لا تجآفيني وأنا شايف وعايف
كم أردد لك شطر لـ ابن فطيس
لاتهملني وتاكلك الحسايف
===================================
من اول ازعل واعاتب يوم تجفاني!
اجيك مشتاق واقفي منك متعكر!
والا الله والله لو تقفي وتنساني!
مالي ومال المرض والضغط والسكر
===================================
اسخف موادع في سجل المحبين!
حطوه بإسمي والسبب فعلتك في!
نبني محبتنا لنا شهور وسنين!
ونهدم محبتنا بـ تامر على شي
===================================
يكتم أنفاسي من الضيقه بلى!
مثل مايكتم صدى الصوت الزحام!
وصوت سعد الغامدي كل ماتلا!
ريح فجر ، وغيم ، وبخير وتمام
===================================
جاري اتصال الحب بين الخفوقين!
الذبذبه همسك والإرسال صوتك!
والشاحن النظره من العين لـ العين!
ونهاية الخدمه ياموتي ياموتك
==================================
يمكن ألاقي في ( حياتي ) سعادة!
ﻻعشت بالدنيا بلا قلب وإحساس!
احساسي اللي مانفعني حصاده!
مابيه دام الناس تضحك على الناس
==================================
لايق عليك انك تشوفين نفسك!
انتي معي حلوه وحلوه بدوني!
لا تسأليني وش رايي بلبسك!
انتي بكبرك ماركه في عيوني
==================================
على زعلك وضيقتك وبكاك
تقدر تقول .. ادوّر السبّه
من اوّل احبك واحب رضاك
والحين .. ما احبك ولا احبّه
====================================
لـ العتب ياحب بين المحبين!
خل الغلآ في صوب وعتابك بـ صوب!
اما تحب إنسان بـ الزين والشين!
ولا بلاش تحب وتدور عيوب
===================================
مجنونها لو قلت: اعشق للجنون!
اي نعم اعشق تراب رجولها!
أمي اغلى عندي من هذه العيون!
الله يطول عمرها ادعولها
===================================
حزني عليها مثل حزن اليمامه!
اللي ذبحها بالهوى مقتل جبير!
تمشي بجسم ناحلات عظامه!
وتقول: وش سويت ياسالم الزير
====================================
القوي ياخذ من صدوف الليال دروسه!
مايطيح وبينه وبين الطناخه خوّه!
مصطلح ضعف العزيمه ماهو بقاموسه!
ضربه ماينقتل منها تزيده قوه
===================================
زان الصغير وليت أمه تخشه
عن العرب ومن الرجال يتوارى
كانت تعيّر بينهم بـ أم كشه
وصارت بـ طلتها تغيض العذارى
===================================
حكي الصراحه بعينهم رمح جساس
هم ينظرون النفق والكذب راحه
يا رب سامحني على مجامل الناس
الناس ما عادت تحب الصراحه
===================================
الحب واجد بس وين الآوفياء!
من كل عشره يطلع الوافي وحيد!
والتسعه الباقين عشاقة رياء!
احساسهم بالحب مصنوع وبليد
===================================
لا خلا من صدمتك ولا عدم
يـ مصحيني من الحلم الكذوب
مايوعي قلوبنا غير الندم
ومايعلمنا النجاح إلا الرسوب
=================================
لا تشيل الهم والدنيا متاع
ابتسم عيش الليالي في سرور
كم كبير، وكم كريم، وكم شجاع
خلو الدنيا وعاشو في قبور
==================================
تذبحين برمش عينك يـ الفتون
جل من سواك في صورة ملاك
وان خجلتي صار للوجنات لون
لعنبو جد الحلا ماكثر حلاك
==================================
حطو لها برقع مثل برقع الطير
حطوه دام قلوبنا موجعتنا
ولا النقاب اللي يسمونه السير
وش خانته وعيونها ضيعتنا
==================================
ويش اسوي في غرامك يا غناتي
جعل ربي يغفر لـ قلب تعنـآ
انت والشيطان خربتوا صلاتي
هو يشد القلب منا وأنت منا
=================
تسائلي .. عن كثر حبك .. على شان !!
اطلع بفكره غير .. لاجيت اجاوب ..!!
الياذكروك أصحي ولو كنت نعسان!!
والياذكروا غيرك اقوم .. اتثاوب
==========================
اكسر الصمت واشعل للحكاوي فتيل!
ماورا الصمت نفعه وانت حكيك عسل!
المسامع عطاشا وانت صاير بخيل!
لا تكاسل فديتك خل عنك الكسل
==========================
محد ذبحني وخلى ذود قلبي هجيج
إلا شفاة حكاه (جمرتين و قدو)
لاقلت هذا الطريق تقول هذا الطريج
تبغي إتحضر و اناخابر إن ﺂ̵هلها بدو
==========================
امشي مع الدنيا من الحول للحول ..
وناس تبكيني وناس بكت لي ..
يطري علي شطر لشاعر يقول ..
كبير لكن الزمن ما عرف لي
=========================
لا صرت ماتقدر تصون الغلا فارق \
مادام انا معْك في بحر الهجر غارق \
ماهوب دايم مصير الحي يتلاقى \
لا والله إلّا مصير الحي يتفارق
=======================
صح انا واحد ولكني متعدد!
بين نزف وبين جرح وبين ذكرى!
كل ليله لا كتبت أبيات أردد:
هو يقرى اللي كتبته او مايقرى
========================
زودٍ على العقل وعلى الحسن من آل!
روسٍ لهم روسٍ على متونها بشووت!
الى رضت موتوا يا أهل روس الأموال!
وإلى زعلت جربت وش سكرة الموت
=========================
تبين على وجهك ذبول
لو حصل بيني وبينك زعل
لا سالوا عن سبب فرقانا قول
قدر الله .. وماشاء فعل
==============
لنا رب مايهمل هل الظلم والطغيان
شف قصورهم تنهار وقبورهم تُحفر
هذا مسلك الكفر وهذا مسلك الإيمان
فمن شاء فليُؤمن ومن شاء فليَكفر
==============
اعرف ان دنياك مرتبطه بدينك /
لاشعرت بحزن وهموم ونكاده /
ساعد العاجز و بر بـ والدينك /
وانا أضمن لك شعورك بالسعاده
==============
خلك ثقيل وخل كلآمك بـ مقيآس
مآ كل من يسمع همومك فزع لك !!
بعض البشر من حبها تقول لابأس
وبعض البشر من حقدهآ تبتسم لك
==============
تبي تشوف من التعجب علامات!
شف التناقض في القلوب الوفيه!
اصدق مثل يروي عجيب الحكايات!
صدر بدوي تلت حشاه حضريه
==============
وين ابتدي فيها او لوين انتهي ،
وانا القصيد اسطّره ( نبع نبع ) !
اللي اعرف الزين مايكمل واهي ،
بنت الذينا كامله شكل وطبع
==============
أبشّرك مـ/حنا بخير وسلامة
والله مافينا ولا شخص مرتاح
لايخدعك شاعر ينمّق كلامه
كاذب ومتملّق وتافه ومدّاح
===============
البنت ، واجب على طبعك تداريها ،
لو مابكت تخفي الدمع ابتسامتها !
مدامها تشوفك ... الدنيا ومافيها ،
سوّ ماتبي بس لاتجرح كرامتها
===============
غلاك يشفع لك ليا جات زله!
لأني أحبك حيل ولحد الإغماء!
انت الوحيد اللي لاجيت اتصل له!
مارحت أدوّر في سجلات الأسماء
================
السؤال اللي كسر خاطر حبيبك ،
من عقب ماكان عادي صار غايه !
لاعشقت انسان ماهو من نصيبك ،
تتركه ؟ .. ولا تحبه لـ النهايه
================
الأدب مايرتبط بالمستوى التعليمي!
والجهل ماهوب للي ما أكتمل تعليمه!
كم مثقف لو تفلسف لا يزال عليمي!
وكم من أُمي لا تكلم في كلامه قيمه
===============
لبيه حاضر وش اللي تطلبه قلي!
قلي وش اللي تبي وابشر بـ مطلوبك!
بس انتبه لا تناديني وانا اصلي!
اخاف اترك صلاتي والتفت صوبك
================
اخر الاسبوع انا دايم تعيس!
يطري أغلى شخص فارقته وسار!
لعنبوها ذكرياتك يالخميس!
يامفارق ياموادع ياغبار
================
هاك ورد هاك قلب هاك فرحه!
وهات هم هات غم هات اهك!
انت درسٍ يتعب العشاق شرحه!
وأنا شخصٍ ينتظر لفت انتباهك
============
بنات هالجيل , غارو من انوثتها
لانها بـ اختصار البنت اعجوبه
قالو / بان عيبها بس بعوابتها
وقالت : لهم دايم الحلوه تجي عوبه
============
الوسيله ماتبرر كل ( غاية )
والدليل: إني إبيك بلا / ھدف !
من بدايتنا وأعرف النھايه
لا مواعد ، لا مشاھد ، لا صدف
============
جابتك الايام ياحلي وترحالي!
وماهي غريبه عليك ان رحت وياها!
شكراً على كل كلمة ضيّقت بالي!
وشكراً على القهوة اللي ماشربناها
==============
جيت الومك لقيتك ماتحب المـلام!
قلت لك كلمتين من العتب وانفعلت!
صاحبي خلني ساكت علي الحرام!
لو اقول الكلام اللي تقوله زعلت
============
راح و ترك فيني .. بقايا لـ ذكراه ..
وأنا إلين اليوم مدري شـ أزيــّن؟
أحيان أقول العمر يمشي بـ مجراه
وأحيان أقول الشوق فيني مبيــّـن
===========
إسمع المنطق, وخـل الإكتئاب /
الكبير إن طاح ما أصعب طيحته!
الغياب أحيان , مايعني الـ/ غياب /
ولو يغيب العطر , تبقى ريحتـه
===========
المس يدِي شف كيف ترجف إلى آلحين !
تصدق آن الحآل هذا من العام ؟!
حسيت كن آخر لقانا من سنييين
مع آني احضن صورتك كل مآ أنآم
===========
وين آروح وطآري جروحه يسـم؟
سكر الموضوع كآفي ثرثره
تبغي تعرف شلون إحسآس آلألم ؟
حط قلبك عند شخص .. ويكسره
=============
عندي سؤال وخاطري .. تفھمونه
واللي معاه الحل ، يعطيني الحل
اللي ..تغلا.. وما قدرنا .. ( نخونه)
نبقى معه ؟ ولا نفارق و نرحل
=============
قـرب تعآل ورتب أوجـآع الأيآم
يمكن تعرف أسبآب صمتي ورآهم
أنآ خسرت أحبـآب وأيـآم وأحلام
مآ عاد تفرق لو خسرتك معآهم
============
آهـل الدلع فطورهـم! شي محسوس
قطعة شوكولاته ومعهـآ ..( مــربـآ )
وهـي فطورهـآ خبز بالسمن معفوس
وتزعل ليا قالوآ لهـا النآس ،( دبـا
=============
مدامني وياك راح أشعر [ بخير ] ,
لا تنشد : شلوني ويدّك فـيدّي !!
لوني فرح , ورد و غناوي عصافير
يعني محد بالكون الحين قدّي
=============
اجلس فديتك / مابقا للصبر حيل
هات السوالف لو يجي بعضها همس
الشمس وجهك والشعر كنه الليل
وحدك فقـط من يجمـع الليل بالشمس
=============
بمشي معك موضوع موضوع موضوع!
كلي .. ثقه .. ألقـى مـعك .. ما أريده!
انت بس أضحك لي مره ب الاسـبوع!
وأنا .. أتغزل .. بك قصيده .. قـصيده
=============
ما فيه داعي .. لا تعيد المواضيع
اصبر علي : وتشوفني شخص ثاني !
يعني .. شويّـة وقت / وشويْ تشجيع
و يصير قلبي مثل قلبك : .. أناني
============
قم نادني وابشر بمنهو يجي كله ،
انا على هقوتك كان الله احياني !
( لبيه ) ما قلتها لغيرك قسم بالله ،
لا يا بعد منهو :- ناديته ولباني
=============
آلطف بشرع الله على قلب هآويك
تسوق به للموت ويقول لك . سق ..
وشلون مآ لك خص في جرح مغليك
وفي ميمنك خنجر وفي خآفقه شق ..
=============
الطف من البسمة على ثغر طفلة /
واطهر من الدمعة على خدود لايتام /
ريمية من عقرب البرق جفلة /
لو تنظر فعين القمر غمّض ونام..
==============
العفو في كل حالاته هو الاجمل ،
والناس بتموت وبتبقى سوالفها !
لاجاتك السالفه على كذا محمل ،
خـذها على النيّه الزينه وطوفها
=============
هكذا العالم .. مفاهيم وشعور
الاماني حلم / والواقع طريف
من تحلى بـ الثقه ، قالوا : غرور
ومن تواضع للعرب قالوا خفيف
=============
تخيل الشمس لو تشرق من المغرب
وتخيل العاصي اللي يحسب ذنوبه
هذي النهايه وقامت تقرب وتقرب
يا ناس توبوا .. قبل لا تُمنع التوبه
=============
احترم فكر اللبيب .. وكبرياءه
والسفيه احقر كلامه يوم ياتي
واحمد الله كل ما جتني اساءه
لانها تخفف عليّ من .. سيئاتي
==============
عليك الله اكبر ما عرفت الشقا لولاك
ولواني تركت الحب والغيره أشوالي
لكني أناني في غرامك وفي لقياك
أبي شوفك لحالي وأبا أحبك لحالي
=============
ماهو ضروري تكون إنسان صالح /
ينظر هموم الغير حسبة همومة /
أهم شي تجيد كسب المصالح /
واللي أهم موافق للحكومة
=============
على كثر مآ شفت ضيقآت و جروح ،
لآ الوجه متغيّر و لا النفس صآحت!
أبشرك بشآرة الروح لـ الروح ،
تبغِي تطيحني الليآلي و طآحت
=============
إهمآلك. وغيبتك تلميحة إفرآق
لو قلت : يالله نفترق ؟ قلت لي : تم
خلآص لآزم نفترق .. ( خآطـري ضآق )
( مدآم قلبك .. بـ الهوى .. غير مهتَم
============
الحزن أفضَل تمارين الفكر
والدروس أغلبها من واحد جَحَد !
جيت أقدّم لك على جرحي شِكر
لأنه علّم قلبي مايُوثق بـ أحَد
============
قالت انت مثل اخوي وضاق خلقي
لي متى بتشوفني بنظرة اخوهــا
قلت اصارحها ولكن ضاع حقي
اربكتنـي بزينهــا ( يا لعــن ابوهـــا
==============
يستشّف الضآيقْ شعُور الرحَابه
لآوقَف تـآيبْ / علَى أبوآب المسآجْد
ليت مالي غير دعوه مُستّجـآبه
تّنقبضْ روحِي وَ أنآ خآشّع وساجد
=============
عينك توديني ورى الشمس ياهووووه
نظرتك ماهي يا ابن الأجواد سهله
إن جات عيني بعينك اضيع واتوووه
صليت فيني شرق والناس قبله
=================
إليا زعلت منّي تناديني ( الـدب )
مع أنّي أنحف واحدٍ في البسيطه !!
مدري هو أنا دب من كثرة الحـب
والا أنّها بنت الأكابر عبيطـه
=================
العشق كذبه مع الرغبات تتحوّل
يالعاشق اللي سهرت الليل وتعاني
تسهر مع العشق لين المذن الاوّل
وترقد مع بليس قبل المذن الثاني
================
قلبك رئة ثالثة تغني عن أنفاسي ،
يعني أنا أمُوت لا قلت بـ/ تخليني !
أحتاج كلمة تعبر لك عن إحساسي ،
أحس كلمة " أحبك " ما تكفيني
==============
لاقالت البنت طفشاااااانه /
الحق عليها وزوّجها ..
هي ودّها بس خجلانه /
هرجه من الصعب تهرجها
===============
لبيـه يآللي خذيت مـن آلحشـآ قطعـه
عليـك عيـن آلسهـر شفقـه وطمّـآعـه
مآ يكفي إنك وأنـآ وآلشعـر وآلشمعـه
حبـآيـبٍ مـآ تجمّعـنـآ .. ولآ سـآعـه
============
إبتسم لـ الناس تلقى الإبتسامه
وكل ما كشّرت تلقى لك مكشّر !
إبن آدم ما على .. وجهه علامه
لكن ( الأخلاق ) تعطيك المؤشّر
===========
البآرحه في انتظارك , وآحسب انك عجل !
وأثرك .. تلذذ بـ تعذيبي .. وانا مستميت
ان جيت راعي محل وإن غبت راعي محل
يعني محلك محلك غبت ولا لفيت
============
تقول "عطرك" مثير .. وريحته تغري.
واقول شكراً .. على احساسك الراقي
لا تحسبن ان هذا عطري / مو عطري
هذا اشتعال الحنين بداخل اعماقي
المواضيع المتشابهه
العرض العادي
