ياشيخ ياشيخ مـدري حضـرة القاضـي
جيتك وانـا شكوتـي عليـك معروضـه
ياشيخ وشفيك عـن دعـواي متغاضـي
وانا ارتجي بالفـرح خفاقـي اتعوضـه
جيتك على اخر نفس من بين الأنقاضـي
وقصور حبي مـن الهجـران منقوضـه
باسباب غروٍ ابـو ....... اغضاضـي
النفس مـن سبتـه ياشيـخ ممروضـه
ابـو ثنايـاٌ كمـا الـبـراق لانـاضـي
والا خدودٍ كمـا الازهـار فـي روضـه
غـروٍ غريـرٍ وفيـه الزيـن فياضـي
حتى ثيابه على آخـر شـي بالموضـه
اتلـف حياتـي ومنـه مدمعـي فاضـي
ولخبط كياني وصـارت دنيتـي فوضـه
ياشيخ كانك عن اللـي يفعلـه راضـي
ياشيخ عنـدي علـى فتـواك ملحوظـه
ياشيخ قلي مـا دامـي طاهـر وواضـي
وش يمنع القلب عن ركعـات مفروضـه
قال افهـم العلـم دامـك وارد احياضـي
اعرض عن الحب لو زانت لك اعروضه
قلت اشهد ان الهوى ماعنـه اعراضـي
ياشيخ بحر الهـوى ياليتـك اتخوضـه
قال ادري أن الهوى مجنون لا جاضـي
وما يتعب العاشق الا كثـرة اجضوضـه
وان كان محدٍ عن اللي بالحشى عاضـي
مسكين قلب الهواوي طاحت احضوضـه
بس اسمع الحكم حكـمٍ صـادرٍ ماضـي
شكواك عندي على المزيون ... مرفوضه
المواضيع المتشابهه
العرض العادي
