يسعد صباح الكل وعساكم بصحة وعافية دوم.....
راح نتكلم عن الرجل او كما يحلو للانثى في بعض مناطق الخليج بتسميته (بالتمساح) وانا شخصيا تحيرت ليش التمساح بالذات ليش مو الاسد او الذيب او الفيل او حتي الثور (الغابه مليانه وقفت علي التمساح) ولقيت فية بعض الصفات المشتركة و اسمحوا لي ارحب بكم في عالم التماسيح......
التمساح في سطور....
* مخلوق برمائي والرجل تفوق عليه بانه برمائي وبالصيف يصير جوي لانه يجمع طول السنه وبالصيف يركب الطياره ويصرف الي جمعه بهالسفره.
*التمساح يتميز بالجلد الخشن والرجل كذلك لانه ما يسبح الا في الاعياد والمناسبات الرسميه اواذا عنده موعد مع الجنس الناعم (على طول حمام مغربي علشان يطير الصنان الي جمعه علي مر السنين).
*التمساح حذر , قوي النظر , سريع الحركة والرجل وخاصة في الاسواق والمجمعات يكون قوي الملاحظة(للبنات) ( يقز قز) وسريع في مطارتهم (وراها لاتغيب عنك) وشديد الحذر اذا كان فيه شرطة او الهيئة.
*التمساح لديه يديين قصرتين وفعالة وانياب قويه والرجل الله لا يوريك حط قدامه الكبسة وشف وشلون يحفر الصحن حفر( تحس ان بينهم ثار).
** مراحل نمو التمساح..
*التمساح الطفل : يكون معذب الكل يصيح فيه ( عيب تبكي انت تمساح عفوا انت رجال , عيب تلعب مع البنات انت رجال كل شى يصير عيب ويكبر هو مليان عقد ( تمساح ومعقد ) وهمه شلون يصير رجال يقلط ويعزم.
* التمساح الشاب: في هذي المرحلة يعيش التمساح أزدواجية في الشخصية يكون في البيت مأدب وخوش تمساح وفي حياته السرية يصير المتمرد والشقي الي مقطع السمكة وذيلها..
*التمساح الناضج : وهي مرحلة البحث عن النص الثاني والحفاظ علي السلالة من الانقراض وفي هذي المرحلة يفقد التمساح انيابه من كثرت الاقساط والقروض وهموم الحياة لتكوين عش الزوجية ويصبح تمساح مسالم يبحث عن الهدوء والسكينة ولا يسعد الا بروءة السعادة في عيون فروخة التماسيح وامهم...
هذا هو التمساح بكل محاسنه وعيوبه .
ولكن عذرا ايتها الانثى سميه كما تشائين لكن لا غنى لك عنه فهو الاب والاخ والزوج والحبيب والابن فلا تكوني مجحفه وظالمه وانصفي تمساحك ولاتفرطي فيه......
المواضيع المتشابهه
التمساح وانيابه!!!!!
العرض العادي
