تخيلـوا لـو الحريـم بيسـوقـن
ونلقالهن في كل شـارع طرايـف
تلقا العجايز فالشـوارع يـدورن
وسيارة الاسعاف ترقـب حتايـف
وليـا تأخرنـا دقايـق يصيحـن
ثم اركبن فـوق المواتـر ولايـف
وقامت تكبسلـك بالانـوار ياهـن
بين اخوياك وصرت محرج وخايف
وتخيلـوا لـو ذات يومـاً يـمـرن
عليك دوريات والجمـس طايـف
ويوم اطرحوه يصير موقفك محزن
تلقا العجوز مكلبشـه ياحسايـف
وتلقا البني في كل جلسـه يتكـن
طقة بلوت ومعهن الكيـف كايـف
هذي تبا تحكم وهذي تبـا تصـن
والبيت ضايع دون طبخ وغرايـف
ياللي ذنوبك فوق راسـك يحنـن
اللـي فقلبـك طلعتـه الشفايـف
انظارنا من فوق فكـرك يشوحـن
ونشوف شيٍ ماتشوفـه ياهايـف
حق المره ياشيخ تلعب على من !!
خبلان حنا ولا ويش انت شايف ؟
وين انت عن صوت الارامل ينوحن
وين انت عن حق المره فالوظايف
وين انت عن جملة بناتٍ يضيعـن
وين انت ياراع العلـوم النصايـف
لوهي بيديكم كـان قلتـوا يغنـن
لكن صدمتـوا فالجبـال النوايـف
من دونهن حنـا وفقلوبنـا هـن
الطاهـرات الساجـدات العفاايـف
والمسئله لاصار لحقـة شرفهـن
يروح فيها يا آل زلفـه طوايـف
هذا كلامي واسمعه زين واذعـن
قلته ولاني مـن تواليـه خايـف
قلته واباقف وارفع الصوت واعلن
ارادة الامه علـى لسـان نايـف
ماهو تخلـف لارفضنـا يسوقـن
راس التخلف لاتركنـا العطايـف
نايف بن عرويل
المواضيع المتشابهه
العرض العادي
