إهداء الى العصابة .. الزمرة المتعنصرة .. إلى معدي الصفحات الشعبية ...
في السابق كنت أستثني بعضهم .. ولكن اكتشفت أن الجميع .. يقع في نفس المشكلة ...
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الغضب والصبر والحرمان وأنواع الكآبة=والقهر والهم والغربال وعمر البهذله
والقصائد والسهر والليل وحروف الكتابة=والعنا والضيق وجرح في ضلوعي منزله
والهبايب والشتاء والبرد ودموع السحابة=والحرايق واللهب وهمّ يطفي وأشعله
والسواقي والنخل والبير في نجد وهضابة=والكرم والجود والجزيل أمدّه وأقبله
والعتب بعيون أبويه والنباهة واللبابة=والتحدي والتواضع في طريق المرجله
كل هذي علمتني عمر راح وكم بقى به=دام أشوف الجمر يشهق في كفوف المنقله
وخلقتني شاعر بركان فكر وينهقابة=لو كتبت البيت قامت هالسطور ترتـــّــله
عزف ناي .. وصمت نود ..وجرّ ونات الربابة=وضحك موج .. ونوح قبر .. وهمس جنّ .. وبسمله
وإختناق الضعف .. وصرخة حق بأصوات الذيابة=وإعتراف بذنب .. يفجر هالمآذن هلهله
بيت واحد وإرتوت كل السطور من الغرابة=كيف لو أكتب قصيدة .. وش تصير المسأله ؟؟
لو نعيد من البداية .. الشعر وأبدأ بـ ( آبه)=ومثل ماهي هالقوافي .. نصف (آبه) ونصف (له)
وأتريـّـث بالمعاني وأتخيـّـر بالذرابة=وأتناسى هالجنون اللي بديت بــ أوله
يا الله بأبدأ من جديد بهالشموخ وفي صلابة=وبأتـنقــّــى بالمعاني .. جزلها وأدلـلــــه
أو هاه .. والله فكرة .. دام أنا في هالخرابة=ليه ما أبني بيت وأسكن .. وأترك الشعر لأهله
دام ساحة الأدب والشعر أغلبها عصابة=صار باقي بالأدب .. قلة أدب ما أتحمــّـــله
كذب واضح مع نفاق ومصلحة بين الكلابة=مهزلة في مهزلة في مهزلة في مهزلة
قلة اللي باقية.. يملك ضمير وله مهابة=والبقية كل واحد .. طوق وإسم وسلسلة
إختلط دم العريب بـ دم مشكوك العرابة=وإنحنى رأس الأصيل وإمتلى من أسفله
الوجيه الخاينة بالأقنعة صارت تشابة=صاحب الوجهين ضايع في هدوء وبلبله
الله اللي خالق الداء في نصف الذبابة=وإن بغيت تواري داها .. النصف الآخر كمـّـله
من لبس ثوب المذلة .. لايضيق وذي ثيابة=مايفيده بعد هذا قبو دمعه يغسله
من زعل خلوه يزعل .. ذاك بحر وذي ترابة=صوت شاعر يوصله ثم يوصله ثم يوصله
علموه إني وصلت .. أبطعنه وأبغى عذابة=من يخون الشعر .. حالف .. والله إني لأقتله
والله إني لأطعنه .. مليون مرة في صوابة=أو يجاوب بالحقيقة .. لو طرحت الأسئله
أبسأله .. بالله وأسمع كيف يقدر بالإجابة=ليه صارت ساحة الشعر بوجوده .. مزبله [/poem]
الشاعر : جابر هايف العتـيـــبي ..
المواضيع المتشابهه
العرض العادي
