تقدمي يا احزان بااخماس واسداس
على الجبيل وتنسى بهجة العيد
بيارق البسمه غشاها تنكّاس
والطير ماله فوق الأغصان تغريد
ضاقت صدور رجال وانكتمت انفاس
ماعاد لصوات الاهازيج ترديد
انا اشهد انه مات شيخٍ على ساس
شيخ الاصول اللي ماهو شيخ تقليد
شيخٍ مواجيبه تدرس تدراس
منها يضاف لْجيل وسلوم وتفيد
علي حسين اللي على الطيب نبراس
اللي مجود جودة العرف تجويد
ابونهار اللي كسب كل نوماس
مع ساير الايام له صيتٍ يزيد
يوم العرب واحوالها قل وافلاس
بيته مشيّد بالرفيعات تشيّد
مدهل وملفى كل عاني وعساس
الضيف يذبح له اجزال المفاريد
من مجدل الاول ومانع ودرباس
وحسين والتمجيد يتلاه تمجيد
تاريخ حافل له بطوله وله كاس
من قبل والتتويج ماهوب تجديد
يوم الثلاثي والفرنجي والاقواس
حرب السفن خلد مع الوقت تخليد
محفوظ في لندن موثق بقرطاس
محددين اسماء والافعال تحديد
مرحوم ياللي بالوفاء ماله قياس
ياليت للأعمار فرصه وتمديد
ينعى على فراقه جموع مْن الناس
غير الاقارب فيه ناسٍ مباعيد
يبكي فراقه بالدواوين مجلاس
وشداد له مركى وشعر القواصيد
يبكي فراقة مغتر الريش قرناس
دايم على كفه مضريه ومعيد
يبكي على فراقه نبا حمر الاطعاس
واكبر مساحاتٍ يذكر بها الصيد
ياقبر لاوصيك في طيب الراس
ياقبر هذا اللي بعيد المناقيد
ياقبر خل اعماق داخلك نسناس
خل البراد يجمد الضيق تجميد
عساه يوم الحشر مايشكي الباس
والخلد له فيها قبول ومواعيد
الاسم :علي بن حسين بن علي بن حسين بن حمد بن مجدل بن درباس بن مانع بن حمد بن مجدل الخالدي .
مكان الميلاد : جزيرة جنــــَه تاريخ الميلاد : 1346
توفي 22-12 - 1441هـ
المواضيع المتشابهه
العرض العادي
