::
مهمــا بلـغ التعبيــر أقصــى درجـاتـه
فإن المشـــاعــر تبقــى حــروف صـامتـه فـي أعمـاقنــا
حتـــى في قمــة ثورتهــا
لكـن تظـل هنــاك جمـل أو كلمــات رُسمــت بأحرفنـا تعبـر عن مشاعـر مكبوتـه بطريقـة تلامـس احسـاسنـا وتهيــج وجداننــا..
إليكـــم بعــض ممــا قـــرأت وأعجبتنــي فأحببـــت أن تشـاركـونــي متعــة قراءتها وتحسس أحرفهــا..
::
الألــــــــم :
لما تقتل رغبتك
وتلمح بعين إنكسارك
كل حياتك مهزلهـ
لما تتغرب بنفسك !
لما تتجرع مرارة حزنك
وجوَّاك " ميتــ "
لما تكسر بيد حرفك
... هالقلم !!
::
الوفـــــــــا :
يعني قلبك لا صرخــ
يلقى له صدرٍ يضمَّهـ
وبعز همَّه يحضنهـ
ما يخافه يهمله أو يجيله يوم ويرميه بجفافــ !
ولو جفاه ؟
يخرس ويكتم :
أفااا ..!!
::
الحـنــيـــــن :
لما فيك الحس يبكي
لما يسأل ..
اللي باعك ..
وين ؟
وين ؟
::
المـآســــي :
لما تتجمع غمومك ويَّا همِّك والمصايب
وبوسط قلبك ..
تبدأ بلعبة
" كراسي " ..!!
::
الهــمـــوم :
يعني لما تلقى نفسك
تايهه تسال عليك !
يعني لما تلقى وجهك
غايب بكومة غيوم ..!!
::
الصــــداقـــه :
يعني تلقالك خوي
تبدا تهمه ويهمك
ويرجع يرتب سنينك
يعني ماترجع تفكر
بـ إنك أحيانًا
في غابــــه !!
::
الحيـــــاهـ :
يعني تعيش الصراعـ
ويبدي فيك الإنصياع
ويبتدي فيك العطش
وتبدا تشعر بالتعب
وتقفر الأرض اللي إنت فيها
وماتوصِّلها مياهــ !!ا
::
القــهـــر :
تكتم الضيقه دهر
ترفض العَبرة النزول ..
تشعر إنَّ الأمر ضااااق
يبدي صبرك ينفجر ..!!
::
الــهــــــــوَى :
تلقا إحساسك تبعثر
وبوسط قلبك ايتفجر ألف نبض وألف صوتٍ
لك ينادي ..
" وينه حبك ؟ "
ويرجع يلخبط كيانك ألف جرحٍ لك يصوِّتــ ..
" مالنا غيرهـ / دوَى " ..!!
::
الــجــــــروحـ :
تصرخ أقدارك بوجهكـ ..
تلقى فرحك مرتبك
تلقى حزنك لك يبوح
ويبتدي قلبك ينوحــ !!
::
الــزمــــــنـ :
ينتكس فيك الجسد
تبي تقوم ..
تلقى عظمك ..
" قَدْ وَهَن "!
::
الــمـلـــل :
دائرة تكبر وتكبر
إتساعٍ بإتساع
هو بياض ؟
هو سواد !
هُو شعورٍ بـ " الكَلَل " !
::
المُحــــــــال :
تشعر إنِّك وسط " قَاع " ..
وإن حلمك فوق قمَّة
من قمم هذي الجبال !!
::
الســنــيــــن :
يعني نمضي بلا هدفــ
يعني نمشي بلا دليل
يعني قلبك لا صرخ
تفتح أبوابك لهمِّك
وتلقى نفسك ..
حيل ضايق ..
وحيل نازف هالحنين ..!!
::
الـــثوانـــي :
يبحر الدمع بجفوني
ومايلاقي له مواني ..!!
::
الـمـــرايـــا :
إنِّك تشوف الخفايا ..!!
::
الأمــــل :
يعني تشعر بإرتياح
يعني إتحاول تكسِّر هالقيود ..
وترجع تعيش بفرح
يعني لما تبدا ترتب حياتك ..
تبصر فـ قلبك " طفل " ....!!
::
الــفـــــراقـ :
تشعر إنَّ الصدر ضاق
وتنتهي بآخـــر طريق
وماتلاقيلك مــلاذ
ويبدي فيك
الـ إخ ت ن ا ق ..!!
::
الدمــــوع :
يعني تعلن كبريائك
وتلمح بعينك خضوع !!
::
الـــــــــوداع :
يعني لما قلوب حبَّتــ
وسهرتــ وأظن " ضحَّتــ "
وفجــــــــــأه
حسَّت بالضياع ..!
::
::
هلا وغلا فهد القحطاني 
العرض العادي
